Open Tour
想知香港有咩好食、好去處？等小編介紹你睇「深度美食遊」啦！ 「深度美食遊」係一個介紹香港美食同埋景點俾食客嘅美食項目～仲不時會有大量嘅現金購物券、美酒、酒店住宿券，送俾各位食客！ 例如去吓石澳～有好多嘅特色嘅建築物，最啱鍾意影相打卡嘅大家！特別係情人橋呀！ 而「深度美食遊」嘅創辦人仲試過着韓服遊南丫島！既可以影相又有特色，沿途仲有好多人搵佢哋影相添！ 南丫島仲有間叫富記嘅餐廳，海鮮大餐又豐富又抵食！必食推介啊～ 「深度美食遊」仲接受過叱咤903朱薰你好嘢嘅訪問！ 想聽重播，又或者想知更多好玩好食嘅地方？去佢哋Facebook或者Instagram睇睇啦！ Facebook：https://www.facebook.com/HKWDE60 Instagram : https://www.instagram.com/hkwde60/
各位Snoopy粉絲，又有一個新嘅朝聖地喇！ 嚟自日本嘅「gelato pique café」，最近同Peanuts聯名推出全新甜品， 仲有一系列周邊商品，粉絲們準備好未呢？？ Snoopy朱古力雪糕可麗餅 雪糕＋朱古力餅乾，咪就係Snoopy嘅至愛之一！ 可麗餅餅皮上放滿鮮奶油同朱古力雪糕， 仲落咗濃郁嘅朱古力醬同餅乾碎，令口感層次更豐富！ 查理布朗香蕉鮮奶油可麗餅 上面落咗焦糖醬同餅乾，仲有新鮮嘅香蕉做配搭， 好吸引啊！ 胡士托牛奶軟雪糕 以歐洲進口牛奶所調製嘅軟雪糕， 口感濃郁又滑順， 仲有角色造型餅乾，食之前記得打卡啊！ 有得食之餘，仲有周邊商品等著客人帶返屋企～～ 杯墊、杯子、餐盤、袋、保溫瓶等…… 咁就隨時隨地都可以見到Snoopy嘅蹤影！ gelato pique café 推出日期：由2021年3月19日起 台北店 地址：信義新天地A8 2F空橋 (台北市信義區松高路12號2樓) 台中店 地址：新光中港店 10F (台中市西屯區台灣大道3段301號10樓) 圖片來源：gelato pique café
人人都想有一部iPhone，咁你有冇先？ 冇都唔緊要！最近韓國網站「10×10」就推出咗一款iPhone周邊商品， 就係呢張巨型iPhone造型嘅書檯喇！ 果然完美還原iPhone啊！ 黑色玻璃螢幕、Home鍵、白框，連Sim卡槽都有！ 除咗尺寸之外，其他部分根本同手機冇分別！ 小編最鍾意係Sim卡槽， 設計成櫃桶，方便又實用！ 唔講唔知，呢張檯係以環保材料而成～ 檯面用上強化玻璃，耐用度十足！ 而邊框同檯底亦用上航空等級嘅鋁材而製成～ 連顏色都有得選擇～ 分別係黑色、金色、粉色、紅色！ 就算係邊種家居裝修風格都用得著～ 唔知呢部巨型iPhone又吸唔吸引到你呢？ 巨型iPhone造型書檯 尺寸：105cm x 52cm x 75cm 詳情：官網
最近資生堂旗下嘅防曬品牌Anessa又有新搞作！ 佢哋將防曬乳液包裝成寵物小精靈（Pokemon）造型啊！ 經典金色包裝嘅防曬乳液，唔知你有冇印象呢？ 今次新包裝三月底喺日本有得賣喇！ [instagram photo=”CMj1pCdleEd”][/instagram] 正面印有比卡超、伊貝、車厘龜嘅大臉，好可愛啊！ 而背面分別係閃電尾巴、奶油色尾巴，同埋圓圓龜殼～ 打開包裝袋先知比卡超同伊貝嘅性別，設計又幾有心思喎！ 係咪好想帶哂佢哋返屋企呢？ Aness防曬乳液SPF50+/PA++++，具有防水同防汗功能， 平時出街前搽定啲就已經可以隔絕日間紫外線， 更加含有護膚精華，啱哂貪靚嘅女士啊！ 相信推出之後一定會大受歡迎！ Anessa防曬乳液（寵物小精靈限定包裝） 發售日期：2021年3月21日 （售完即止） 發售地區：日本 零售價（未連稅）：3,000日圓 來源：Fashion Press
美國經典卡通片《Tom & Jerry》係唔少人嘅童年回憶！ 最近美國藝術家Nellaf就將佢帶到嚟現實， 變成喺屋企隨時都可以見到嘅湯姆貓地毯！ 喺卡通片裡面，湯姆貓成日追傑利鼠嘅過程， 令湯姆貓好多時候都會變成奇怪嘅形狀！ 而今次地毯就正正呈現湯姆貓被壓成紙片嘅樣子！ 將地毯放平或者鋪喺樓梯上，係咪好可愛呢？ 連美國藝術家本人Nellaf都帶著地毯， 去到戶外樓梯、公園長凳等地方影相～ 將湯姆貓平面化，睇落又幾搞笑喎！ 呢款地毯是全手工製造，羊毛紗質料相當柔軟～ 而且限量發售，話係一件藝術品真係唔過分啊！ INGO 售價：200美元 詳情：官網 圖片來源：Instagram (@rugsoda)、網絡圖片
賞櫻旺季又嚟喇！雖然疫情之下冇得去旅行賞櫻， 但櫻花季嘅限定商品依然冇少到！ 就好似擁有80年歷史嘅台灣老協珍，一向嘅健康同美顏食品都深受歡迎！ 而佢哋最近仲同Sanrio合作，推出限定商品， 就係呢兩款Hello Kitty牛奶鍋，係咪睇見都心動呢？ 今次推出嘅主題係「夢幻賞櫻季」～ 兩款牛奶砂鍋分別以日櫻、櫻雨景緻為主， 可以直火加熱，小巧得嚟夠哂實用，就算屋企唔大都可以擁有！ 呢個粉色櫻花款嘅牛奶鍋，有埋大大個Hello Kitty喺鍋身～ 係咪好可愛呢？ 另一款係藍綠色牛奶鍋， Hello Kitty配上色彩繽紛嘅櫻花， 係咪好有春天嘅味道呢？ 兩款砂鍋可以用嚟煮麵、煲粥～ 不過限量發售，各位Kitty迷～ 有興趣就入手啦！ INFO 開賣日期：2021年3月18日起 尺寸：碗口直徑15cm 容量：1000ml 重量：750g 詳情：日櫻款 / 櫻雨款 圖片來源：官網
每年到咗三月左右，就係賞櫻花嘅時間～ 但近年亦多咗人選擇去睇黃花風鈴木！ [instagram photo=”B9cHnB0DbsL”][/instagram] 想睇黃花風鈴木？咁嚟台灣嘉義就一定唔會令你失望！ 朴子溪嘅黃金風鈴木道被譽為全台灣最靚！ [instagram photo=”CMM1mozHO3Z”][/instagram] 朴子溪兩旁嘅黃花風鈴木已經綻放， 而且排得相當荗密！ 長達一公里嘅黃金花海隧道真係好壯觀啊！！ [instagram photo=”CMHtP_Vjq4X”][/instagram] 當有微風吹過，更加好似浪漫黃金花雨咁～ 呢個畫面係咪夠哂夢幻唯美呢？ [instagram photo=”CMAGTtEHzx9″][/instagram] 近影定遠影，鍾意點影都得！ 配埋藍天白雲，可以用三個字嚟形容～ 就係「無得輸」！ [instagram photo=”B-gShybhrUx”][/instagram] 雖然真係好靚，但賞花期始終有限， 記得把握機會嚟睇喇！ [instagram photo=”B9xvNYujaut”][/instagram] 朴子溪 – 黃花風鈴木 地址：台灣嘉義縣太保市嘉61鄉道往溪北村路 [map url=”https://www.google.com/maps/embed?pb=!1m18!1m12!1m3!1d3658.721359997866!2d120.33444851492834!3d23.506543784710065!2m3!1f0!2f0!3f0!3m2!1i1024!2i768!4f13.1!3m3!1m2!1s0x346e99d39758ab07%3A0x1f423884e824f823!2z6aKo6Yi05pyo6Iqx6YGT!5e0!3m2!1sen!2shk!4v1615470354911!5m2!1sen!2shk”][/map]
三月份係櫻花季～ 除咗賞櫻花之外，又點少得入手期間限定嘅商品呢！ 最近午後紅茶做緊推廣！ 只要買夠一定數量嘅午後紅茶系列就會送水晶球！ 水晶球晶瑩剔透，裡面清楚見到以粉紅櫻花色為主色， 令人即係聯想起春天睇櫻花嘅畫面啊 ！ 仲有另一款係經典紅色～一樣咁靚！ 輕輕搖一搖櫻花水晶球， 櫻花仲會閃閃發光咁飄落嚟㗎！ 有埋P助同粉紅兔兔，可愛度爆哂登啊！ [instagram photo=”CMPbBLpA8Ac”][/instagram] 不過暫時只係得台灣7-ELEVEN獨家出售， 大家唯有睇住相先啦～ [instagram photo=”CMPpRm0rx39″][/instagram] INFO 推廣期：2021年3月10日至4月6日 出售渠道：台灣7-ELEVEN 來源：台灣麒麟KIRIN
相信有睇過日本動畫嘅朋友，應該唔會對日本版電影《天氣之子》海報感到陌生？ 其實係由新海誠導演嘅御用畫師——嚟自波蘭嘅 Mateusz Urbanowicz（Matto) 所繪製！ 佢仲係《你的名字》背景繪圖師！ 今次日本電訊公司Docomo亦揾嚟Matto創作最新年曆，即刻睇吓有咩先啦！ 年曆封面係以NTT Docomo代代木大樓為特色嘅東京天際線～ 因應四季嘅變化呈現當地嘅風景同著名景點～ 包括富山縣立山連峰、熊本城及熊本市電、京都清水寺紅葉、白川鄉等～ 從每一幅圖都可以見到Matto細膩嘅筆觸，令人睇完覺得好舒服！ 而且令人更加想去日本旅行啊！ 雖然Docomo當初只係打算將年曆送畀佢哋嘅商業夥伴同機構， 但而家喺網上已經有得免費下載（按此）喇！
喺全球疫情之下，你有幾耐冇去過旅行呢？ 最近日本Naked創意公司（NAKED）喺京都世界遺產Nijo城堡， 舉行咗「 Nijo Castle x Naked Nijo Castle櫻花節2021」， 冇得去都睇吓相，止吓旅行癮先啦！ 今年仲舉辦咗花卉體驗藝術展 (NAKED FLOWERS 2021-Sakura-World Heritage Nijo Castle)一樣有派頭！ 其中最有話題性嘅，一定係「裸體花櫻世界遺產Nijo城堡」嘅藝術活動！ 將夜櫻花結合藝術，呈現出超生動嘅投影貼圖！ 連重要文物卡拉蒙「立春」嘅投影圖重現眼前！ 仲有藝術家Ryotaro Muramatsu x 攝影師 Leslie Kee聯手打造嘅「NAKED BIG BOOK」 講到日本嘅春天，又點少得佢！ 櫻花藝術真係好靚！ 櫻花園亦好浪漫夢幻！ 唔止啊！拎著部手機都可以令象徵「和平祈禱」嘅蒲公英花朵散開！ 通過網絡，二條城嘅花亦會同時喺東京鐵塔嘅展覽現場盛開～ 仲有櫻花版嘅酒精殺菌技術「NAKED Hana Tsukubai」登場！ 有機會嘅話你都要親身嚟見識一下！ INFO 活動日期：2021年3月19日至4月11日 地點：世界遺產元離宮二條城（京都市中京區二條通堀川西入二條城町541） [map url=”https://www.google.com/maps/embed?pb=!1m18!1m12!1m3!1d3267.6991977278403!2d135.74602931516185!3d35.01423427386928!2m3!1f0!2f0!3f0!3m2!1i1024!2i768!4f13.1!3m3!1m2!1s0x600107d40a2b9b0b%3A0x106b8759906a2f2f!2sNij%C5%8D%20Castle!5e0!3m2!1sen!2shk!4v1614873609389!5m2!1sen!2shk”][/map]
