Open Tour
世界首創！ 日清合味道杯麵花專門店開幕啦~ 情人節有冇考慮買番紮俾女朋友賀下佢~ 給最特別嘅人最特別嘅花~ 咁特別嘅杯麵花一共有四款~ 【愛】原味合味道杯麵 最暢銷嘅味道~ 獻給在我心中永遠第一嘅你~ 【優雅】海鮮味合味道杯麵 如同藍色玫瑰一樣的優雅藍色~ 我對你的愛深如大海~ 【華麗】咖哩味合味道杯麵 刺激嘅咖哩味， 如同我對你嘅愛一樣， 一直充滿活力同熱情~ 【多樣】原味、海鮮、咖哩、蕃茄、鹽味、芝士咖哩、冬蔭功味合味道杯麵 最適合追求新鮮感嘅女仔~ 希望我可以日日帶不同驚喜同歡笑俾你~ 杯麵花嘅配件都大花心思~ 樹葉底座設計、麵條絲帶， 仲有為每個味道特別設計嘅花紙~ 每束都係賣2,980円(約港幣200元)咋！ 又有得食又有得收花，CP值高~ 啱囇食貨女友~ 快啲去【NISSIN Bouquet Shop】官網訂， 俾個驚喜女朋友啦~~ Source:NISSIN Bouquet Shop =============== 放假去邊 更多好介紹: 快啲like我哋Facebook 同follow我哋Instagram啦!
銀包準備失守啦TT 韓國Starbucks推出情人節限定超萌貓貓杯， 貓奴有咩可能唔衝啊~~~ 以貓貓為主題嘅情人節商品會喺2月2號開賣， 係超級粉嫩嘅粉紅、粉紫、Tiffany Blue色系， 少女心大爆發~~ 當中最可愛嘅就係呢個倒轉喵喵嘅玻璃杯， 你倒唔同顏色嘅飲品落去貓貓就會變唔同色~ 有透明貓耳杯蓋嘅凍杯都超可愛~~ 仲有貓貓造景杯蓋嘅凍杯， 超浪漫嘅滿天心心， 送俾女朋友實冧死~ 有冇見到喺超多心心背景中暗藏嘅貓面呢~ 粉色保溫杯加上白色貓貓背形同小毛球， 好療癒啊~ 相親相愛黑白貓保溫杯， 今個冬天有你陪我就夠暖啦~ 粉白灰白貓貓情人對杯，情人節一齊用就最sweet啦~~ 超粉嫩貓貓茶杯(壺？)，杯蓋仲係貓頭嚟~~ 仲有貓貓杯墊~ 金銀貓貓餐具都超可愛，一隻羹一隻叉， 就好似情侶要互補不足，但係合埋一齊就會變完美~ 今次嘅情人節限定貓貓杯，除咗好多一雙一對之外， 仲有好多心心元素，無論自用定送用嚟做禮物都超適合~~ Source:istarbucks KR =============== 放假去邊 更多好介紹: 快啲like我哋Facebook 同follow我哋Instagram啦!
日本 Twitter大熱嘅「12星座性格分析圖」， 一齊嚟睇下中唔中你個星座？ 【真面目】白羊座、金牛座、雙子座、山羊座 白羊座(21/3~20/4) 熱情大方、充滿活力、親切而有領導才能，無論同咩人都好容易做到朋友~做事不拘小節、好動、愛好自由、討厭受拘束。但係容易我行我素，同人發生爭執。 金牛座(21/4~20/5) 鍾意動腦、勤奮、腳踏實地、個性都好溫和，經常滿面笑容，所以係可靠嘅大哥哥大姐姐~ 金牛座信念強、可以對抗虛偽同欺詐，唔鍾意多管閒事，唔會咁容易同人反面，所以都係一個高明嘅社交高手~ 雙子座(21/5~21/6) 具有極敏銳觀察力，善於執生同說服人地，會照顧朋友，好容易同人打成一片~ 但係要注意，唔好為咗自己嘅利益而忽略其他嘢啊~ 山羊座(22/12~19/1) 神秘嘅山羊座，做事固執認真，為達到目的，永不放棄。 由於冇咩安全感，所以唔太相信別人，總會充滿疑惑地做事，其他人都好難了解山羊座嘅真心~ 【樂天一族】巨蟹座、射手座、水瓶座 巨蟹座(22/6~22/7) 巨蟹座樂天、有包容力、大方、正直、忠於朋友。仲好識理財儲錢，忠於愛情，重視家庭的溫暖與安定。不過由於追求安定，所以唔想煩惱太多，隨遇而安~ 射手座(22/11~21/12) 射手座係誠實、真心、坦白同值得信任嘅，對朋友好仁慈大方，處事圓滑，但為人比較隨心所欲，所以好容易粗心大意、心直口快、缺乏耐性~ 水瓶座(20/1~19/2) 具有銳利觀察力、推測能力，興趣廣泛、創意十足、富有冒險嘅開拓精神，崇尚自由，但有啲自我中心，好容易缺乏熱情，想法過於理想化~ 【機械式】處女座、天蠍座、獅子座 處女座(23/8~229/) 處女座係一個認真、注重細節、重視秩序、腳踏實地嘅人。但處女座不於表達自己嘅感情，對於善惡正邪有銳利嘅批判力，有時做嘢因為過於講究完美，所以容易對他人過於挑剔~ 天蠍座(23/10~21/11) 熱情而樂天、專情、討厭欺騙。天蠍座望落安靜，但其實好熱心，但係大部分人都覺得天蠍善嫉妒，有強烈獨佔慾，有種不能靠近嘅氣場~ 獅子座(23/7~22/8) 認為自己係最好嘅！對自己好有自信，只要決定做一件事，就唔會接受其他人嘅意見。獅子座不安於命運嘅安排，好努力地希望有朝一日能夠改變自己嘅命運，係一個好有毅力嘅星座~ 【異次元空間】雙魚座 雙魚座(20/2~20/3) 完全脫離其他星座嘅範圍，鍾意發白日夢，天馬行空，生活喺異次元空間，有良好觀察力、領悟力同判斷力，但好容易受人影響而改變自己嘅態度，唔識拒絕別人~ 【平衡型】天秤座（24/9-23/10） 位於性格分析圖正中嘅天秤座，處事中庸，成日做和平嘅協調者。與趣廣泛，過通常冷靜而崇尚調和，對任何事都唔會太狂熱，好識體貼別人，唔喜歡爭執。但意志唔堅定，好容易受人影響~ =============== 放假去邊 更多好介紹: 快啲like我哋Facebook 同follow我哋Instagram啦!
臭豆腐除咗傳統食法之外，原來仲有其他創新食法～ 台灣腐の味推出嘅傳統泡菜臭豆腐、鹹酥臭豆腐、肉燥臭豆腐、流沙臭豆腐，你又試過未啦？ [instagram photo=”BRwZMhBjHNE”][/instagram] 1. 傳統泡菜臭豆腐 呢度嘅泡菜係由食店自家製嘅～ 即叫即炸嘅臭豆腐又香又酥脆～ 口感好實在，一啲都唔油膩！ [instagram photo=”BVCERnuBYBq”][/instagram] 2. 鹹酥臭豆腐 其實味道相當親切～ 因為主要係以鹽酥雞嘅梅子粉、蒜頭同蔥爆香而成～ 一件又一件~ 好食到停唔到口呀！ [instagram photo=”Be499KInntt”][/instagram] 3.肉燥臭豆腐 估唔到肉燥+臭豆腐亳無違和感～ 肉燥仲好入味添！ [instagram photo=”BRqFyy1BAsH”][/instagram] 4. 流沙臭豆腐 超濃郁鹹蛋黃幾乎覆蓋臭豆腐～ 口味超特別！更加係視覺味蕾大享受呀！ 不過係限量發售～ 想食就要碰下運氣喇！ [instagram photo=”BTqtePOl9qP”][/instagram] 值得一提～呢度嘅臭豆腐仲可以隨意加入醬油、七味粉同辣椒油調味～ 全部都係食店自家調配，真係一食就愛上！ 就算本身對臭豆腐冇咩好感嘅人都一定會被佢吸引到！ [instagram photo=”BbCVEMYgjL1″][/instagram] 腐の味 地址：台南市中西區西門路一段703巷8號 營業時間：下午2:00至晚上9:00 (逢星期二、日休息) 電話：+886 0903177608 =============== 放假去邊 更多好介紹: 快啲like我哋Facebook 同follow我哋Instagram啦!
日本BAKE Inc.嘅第3個人氣品牌RAPL，終於開咗第一間海外分店喇! 究竟RAPL嘅蘋果批有咩咁特別? 就係採用青森蘋果、新鮮吉士醬、同埋有114層酥皮! [instagram photo=”BeIKf5XD1G-“][/instagram] 蘋果批嘅酥皮係用北海道奶油~ 裡面嘅蘋果蓉好香甜㗎! [instagram photo=”Bd-ddnfl7dF”][/instagram] 至於吉士醬就採用台灣小農鮮乳坊新鮮製成嘅~ 味道好濃郁呀! [instagram photo=”Bde3FC0jOtY”][/instagram] 雖然酥皮睇唔出有144層~ 但係食得出好鬆脆! [instagram photo=”BdaOp7DHMDW”][/instagram] 重點係唔會過分甜膩! 但提提你~ 每人只係限買最多4件~ 想食下次就直接飛嚟台灣買啦! 😀 [instagram photo=”BeMJcYzlbw_”][/instagram] RAPL Apple Pie Taiwan 地址：台北新光三越台北信義新天地A8館1F 營業時間：平日/週末11:00-21:30、假期前夕早上11:00至晚上10:00 交通：乘搭捷運板南線至市政府站3號出口步行3分鐘就到 =============== 放假去邊 更多好介紹: 快啲like我哋Facebook 同follow我哋Instagram啦!
最近馬鞍山恆安… 有條新食街！ 有超多款熟食，台式、日式、港式乜都有，價錢仲要好親民～ 最重要係，大部份熟食檔都開到凌晨兩點！ 去食宵夜啱晒啦～ =============== 舌尖回味 主打日式菜式，最特別係6pm後就會有超多款串燒！ 全部即叫即燒，小編最推介牛舌～ 仲有原條燒八爪魚 ($38) 啊～ 真係超級大條！ 另一必食：蒲燒原條鰻魚 ($75)！ 長過小編手臂！食完已經飽晒～ 所有炸物都係即炸，主打係薯餅～ 小編試咗紫薯餅 ($10)、咖喱餅 ($8)，聽講仲有吉列牛薯餅㗎～ 日式墨魚滑紫菜湯 $20 大大碗好抵食！推介墨魚滑～ =============== 三寶皇 呢間魚肉燒賣必食！即包即製，用蒸籠蒸，超新鮮～ 幾分鐘就賣晒㗎喇！ 魚肉燒賣 $12/8粒 好香魚肉味～仲要質感好軟，唔會死實！ =============== 皇后餃子 餃子即叫即製，皮超薄！ 有7款餡揀，仲可以揀煎/炸/蒸/湯/配麵！ 傳統韮菜豬肉、冬菇豬肉有，新穎芝士栗米、泡菜都有！ 餃子 $10/3粒 超足料，粒粒爆晒餡！加埋菜脯會更加好食～ =============== 正一麵 呢間車仔麵店，最正係咖喱汁湯底！ 好多配料揀～全部水準都幾好！ 最推薦就係秘製牛腩～ 好香！牛腩好淋！ =============== 燒洒一族 主打西式、酒醉小食，超多款揀啊！ 特大德國燒豬手 $88/1隻 超級大隻、超級多肉！ 用啤酒浸過，所以皮脆肉嫩～ 酒醉小食都好多款，全部都係用十幾種香料烚熟，再加杞子、花雕酒、鹵糟浸泡！ 酒醉熏蹄 $48 48蚊已經有好大兜，超抵食～ […]
去日本，點會唔去100円店啊？ 只要港幣7蚊左右，就可以買到超精美文具家品， 有咩可能唔心動啊~~ 快啲跟住小編掃囇日本5間100円店啦~ =============== 大創百貨（DAISO) 講到100円店有咩可能唔提到DAISO 甚至可以話係100円店嘅始祖， 基本上大部份商品均一價都係100円，仲有超過8萬種商品任你掃貨~ 官網：http://www.daiso-sangyo.co.jp/ =============== Seria 行小清新路線嘅100円店， 店家概念為「為生活增添色彩」， 所以有好多色彩繽紛嘅百圓小物，仲有好多北歐風小雜貨， 由小擺設到DIY，還有各類家品和食品都超好買~ 官網：http://www.seria-group.com/ =============== Can★Do 同DAISO、Seria並列為日本三大100円店嘅Can★Do， 最特別嘅係除了食品外所有商品都有「一年鑑賞期」，一年之內可接受換、退貨，咁就唔驚手快快買太多後悔啦~ 官網：http://www.cando-web.co.jp/about/ =============== Watts 100円店Watts主要賣文具、小型擺飾、廚具等等… 店鋪特色空間明亮而且設計簡單，鍾意極簡系設計嘅話唔好錯過Watts喇~ 官網：http://www.watts-jp.com/ =============== Natural Kitchen Natural Kitchen係行日式鄉村風嘅100円雜貨店， 主要賣生活廚房用品，崇尚自然簡約風格嘅女仔一定會好鍾意行呢度~~ 官網：http://www.natural-kitchen.jp/ =============== 放假去邊 更多好介紹: 快啲like我哋Facebook 同follow我哋Instagram啦!
超可愛~~ 邊個話冷帽一定要戴喺頭度？ 俾你見識下韓國最新賣萌神器 – 耳仔冷帽~ 戴上去即刻可愛十倍！ 唔洗再戴毛毛耳罩喇！ 用耳仔冷帽低調(？)保暖啦~ 同同款冷帽一齊戴，睇落係咪有造型呢？ 仲有毛球冷帽款揀，超可愛~~ 可以做情侶帽一齊賣萌~~ 重點係！每個都係賣400韓圜(約港幣3蚊)咋！ CP值超高~~ 仲有十幾隻色俾你揀~ 戴咗耳仔冷帽，係咪型過GD呢？ 很想要吧？韓網有得買喇~ 【耳仔冷帽】 【毛球耳仔冷帽】 Source: DADA Vely – 다다 블리 =============== 放假去邊 更多好介紹: 快啲like我哋Facebook 同follow我哋Instagram啦!
鴨，全部都係鴨~~ 一千隻鴨仔陪你浸溫泉， 童年回憶係咪番囇嚟呢~~~ [instagram photo=”BRLRL2ThSMr”][/instagram] 內行人先識去嘅大阪住之江區「くつろぎの郷 湯楽」， 有兩個超特別嘅溫泉「浮湯」同「鴨子祭典湯」~ [instagram photo=”BOPMxqVASNK”][/instagram] 「浮湯」指嘅就係死海溫泉，可以成個人浮喺水面飄下飄下~ 而喺蛋形浴池入面就有最吸引人嘅「あひる横町お祭り風呂（鴨子祭典澡堂）」~ 一千隻黃色鴨仔浮喺水面，壁畫上亦畫各種鴨子，據說隻隻都唔同樣~ [instagram photo=”BmQdXQPhu3Y”][/instagram] 同一大堆超可愛黃色鴨仔共浴，感覺真係超療癒啊~~~ [instagram photo=”BVFRLcWBRtd”][/instagram] 館內仲貼心到準備咗吉祥物看板俾你打卡影相~ [instagram photo=”BUWlZOHDQZx”][/instagram] 仲有超可愛鴨子夾公仔機，俾你帶鴨仔番屋企繼續一齊沖涼~ [instagram photo=”BbWAd8tFE_Z”][/instagram] 去大阪，千祈唔好錯過呢間超有童趣嘅千鴨共浴溫泉喇~ INFO. 官網：http://osaka.yuraku4126.com/index.html 電話：06-4702-4126 營業時間：10:00-翌日2:00 地址：大阪市住之江区北加賀屋3-5-37 交通方法：地下鐵四橋線北加賀屋站4號出口，徒步約7分鐘即可到達 [map url=”https://www.google.com/maps/embed?pb=!1m14!1m8!1m3!1d6566.400540161861!2d135.476311!3d34.624379!3m2!1i1024!2i768!4f13.1!3m3!1m2!1s0x0%3A0xf6c19939c95a3f4e!2z44GP44Gk44KN44GO44Gu6YO3IOa5r-alvQ!5e0!3m2!1szh-TW!2stw!4v1517478446299 “][/map] =============== 放假去邊 更多好介紹: 快啲like我哋Facebook 同follow我哋Instagram啦!
食日本魚生刺身淨係得築地？ 梗係唔係啦！ 呢間位於六本木嘅魚輝，佢地嘅海膽三文魚籽飯就絕對唔可以錯過喇！ [instagram photo=”BckOXMHA-N5″][/instagram] 海膽加埋色澤分明嘅三文魚籽，真係好吸引！ [instagram photo=”BcFTlIQllzQ”][/instagram] 佢哋係用土鍋煮飯，所以煮出嚟嘅飯係特別香～ 而且賣相超澎湃！！ 滿到瀉㗎！ [instagram photo=”Bcy8MaCFMdM”][/instagram] 只叫海膽或三文魚籽其中一款都冇問題～ [instagram photo=”BdNR4VijC2l”][/instagram] 其實都幾似香港嘅煲仔飯～ [instagram photo=”BbKODmeA-HY”][/instagram] 真係隔住個屏幕都聞到一陣香噴噴嘅飯香呀！ 睇完係咪好餓呢…? [instagram photo=”BsKYjISh1N3″][/instagram] 魚輝 地址：東京都港区六本木7-6-3 喜楽ビル101 營業時間：由下午5:30至晚上12:00 交通：由乃木坂駅步行5分鐘就到 [map url=”https://www.google.com/maps/embed?pb=!1m18!1m12!1m3!1d3241.505672652214!2d139.7264203153429!3d35.66454893849404!2m3!1f0!2f0!3f0!3m2!1i1024!2i768!4f13.1!3m3!1m2!1s0x60188b7911e053b7%3A0xf4a62881508726dd!2sUoteru!5e0!3m2!1szh-TW!2shk!4v1548671199064″][/map] =============== 放假去邊 更多好介紹: 快啲like我哋Facebook 同follow我哋Instagram啦!
