Tag: 斜孭袋

吐司，喺我哋日常生活中經常出現嘅食物～ 食法多元化，對於忙人嚟講更加係恩物！ 但其實唔單止食落肚～ 最近日本設計師品牌 No-ticca 推出咗一款以袋裝吐司為造型嘅側背包， 可愛嘅造型設計相當搶眼，隨即引嚟網上熱烈討論！ 呢個袋嘅仿真度相當高，仲有埋塑膠袋！ 封口仲有夾子夾住，細節位做到足！ 相信行過嘅人一定以為係真吐司！ 就算唔拎出街，當係室內擺設都好可愛！ 不過呢款吐司側背包暫時仲喺設計階段，未正式上市㗎！ 睇住呢個品牌之前推出嘅果醬系列先啦～一樣咁可愛！ 來源：Twitter (@no_ticca)

By Katie Lo

May 31, 2021August 5, 2022

日本即將會推出漫畫《進擊的巨人》入面角色，肯尼·阿卡曼所用嘅「立體機動裝置」造型袋！ 圓筒形嘅袋容量比較大，兩邊仲有兩個圓盤形細包，可以放隨身物品，仲可以拆落嚟～ 個袋仲可以更換徽章，有憲兵團、駐屯兵團、調查兵團三款，fans真係要買翻個！ 嘩！！好正啊！！ 出街一啲都唔誇張～ 有三隻色～ 真心唔錯啊個袋！！ 「立體機動裝置」造型背包 售價（普通/紋章套裝）：9,800円/ 11,800円（不含稅） ==================== 仲有其他款式～ 呢個係以「立體機動裝置」嘅雙劍為設計嘅斜孭袋～ 同樣有三隻色俾你揀！ 連水樽都帶到～ 「立體機動裝置」雙劍斜孭袋 售價（常規/紋章安排）：7,800円/ 9,800円（不含稅） ==================== 呢個掛大脾腰包真係超型！ 一眼就睇得出同《進擊的巨人》有關～～ 好想買呢款！ 容量都唔細！ 「立體機動裝置」掛脾腰包 售價（普通/紋章套裝）：7,800円/ 9,800円（不含稅） ==================== 仲可以換徽章，係真皮咖！ 「立體機動裝置」造型袋款 訂購時間：9月21日 – 10月20日 發貨日期：預定於2019年11月 網址：otakumode

By Kitson Chan

September 29, 2019August 5, 2022