咪住先！乜天水圍唔係美食沙漠嚟㗎咩？咁遠，有咩好食啊？ 竟然比小編發現喺新北江廣場入面原來有好多小食！ 即刻去掃下街先！ ==================================== 1. 真意小食 Q餅(配料：芝士、雞蛋、咸牛肉) $20 Q餅超大塊啊！三種配料都好吸引啊～ 抹茶紅豆大判燒 $9 咬落都有小小抹茶味，入面有唔少紅豆！ ==================================== 2. Route 99 溶岩芝士肉醬熱狗 $28 每啖都食到芝士同肉醬，芝士一路食一路滴，正啊～～～～ ==================================== 3. 津津有味 四色雞蛋仔 (香芋、士多啤梨、蜜瓜、朱古力) $23 色彩繽紛，打卡一流！ 不過唔係好食得出四種口味 ==================================== 4. 芯記甜品小食 椰香吐司 $22 烘到好脆！好香椰絲味！ ==================================== 5. 果夫子 梨＋火龍果 $15 蘋果＋百香果 $18 新鮮水果即叫即榨～好鮮甜！
