每個人身邊總有個食肉獸朋友，但究竟有幾鐘意先會將佢地帶埋喺身呢 !? 創意力無窮嘅日本人再次震驚千萬人，日本雜貨店「Village vanguard」最近就推出咗一系列以牛肉為主題嘅用品，成塊肉印喺上面！ 咩住呢個牛肉書包出街，絕對會令見到嘅途人流哂口水，即刻要去食肉止止癮！（日圓¥4212，~HKD$305） 唔想咩書包咁張揚，帶個細細地耳環裝飾下又得！（日圓¥1404，~HKD$100） 呢個髮夾帶喺頭上應該都幾突出，可以扮下cutie XD（日圓¥933，~HKD$68） 牛肉橡筋夠哂特別，唔洗再怕比人jam走（日圓¥890，~HKD$65） 如果以上嘅飾物仔唔啱你用，呢個五花肉/蔬菜筆袋都非常吸睛！（日圓¥1490，~HKD$108） 如果你覺得上面嘅所有用品都表達唔到你對肉嘅愛意，牛肉緊身褲就係最好嘅選擇啦！（日圓¥4536，~HKD$330） 著住佢出街，絕對會成為整條街嘅焦點！ 呢啲牛肉product真係好特別！不過好唔好睇就見仁見智啦哈哈！ 網址: vvstore.jp
