Open Tour
相信鐘意食cake嘅你都一定唔會冇聽過著名嘅精品蛋糕店Lady M， 最近台灣第二間Lady M分店終於要喺台北面世啦， 為咗慶祝開幕，新店更加推出全新口味「香檳千層蛋糕」~ 新店位於遠百信義，分店獨家發售嘅「香檳千層蛋糕」有金黃閃爍嘅外表，超華麗~ 蛋糕表面嘅透明香檳啫喱選用咗有241年歷史嘅法國香檳Veuve Clicquot，而千層內餡則係士多啤梨味吉士，整體食落去應該又清爽又有淡淡酒香~ 呢個蛋糕不論外表、用料都非常高級雅致，真係好吸引！ 其實唔止新店嘅蛋糕高級，新店嘅環境亦非常高雅，有大塊嘅落地玻璃，令陽光能隱約咁透入嚟，製造自然舒適、開揚嘅用餐位置，同時配以雲石等裝修，簡潔明亮~ 店面入口貫徹一往風格，係開放式設計，令顧客可以安心入內~ 「Lady M 遠百信義店」 地點：台北市松仁路58號1樓（遠百信義A13） 時間：星期日—四 11:00—21:30、星期五—六 11:00—22:00 提供外賣、入內用餐（用餐時間限75分鐘），開幕初期唔接受訂位。
早前風靡一時嘅深圳摩洛哥風IH Cafe呢家又開新店啦!!!! 今次有埋土耳其風啊～～～ 超多民族風布，勁靚！！ 一定要嚟呢個位影相！ 佢由一棟大別墅改建而成，總共有四層 每一層都有唔同嘅主題同風格，可以瘋狂打卡影相啦！ 最特別嘅係佢包食、玩、住於一身 第1,3,4層都係咖啡廳 而第2,3層分別有四間唔同主題嘅房提供民宿服務 住宿一晚價錢RMB 480，都幾抵！ 又有游泳池可以游水 仲可以開party同嘆下午茶添~ 1樓: 咖啡廳- 土耳其風&摩洛哥風主題 好多土耳其布料 泳池底係摩洛哥風磁磚～ 2樓: 咖啡廳＆橙紅色民宿主題房、國外度假風民宿主題房 3樓: 咖啡廳＆民國復古綠民宿主題房、日系吊床榻榻米民宿主題房 4樓: 陽台 其他打卡位： 歐式長枱！好有貴族感覺！ 連裝飾都好典雅 呢間新店超多主題，唔再只係得一個主題嘅設計！ 想影唔同風格嘅相都一樣得啊～ ================ IH CAFE (民治店) 地址：深圳市龍華區民治街道梅花山莊欣梅園 C35 棟 (民治站D出口) 營業時間 : 11 a.m. – 11 p.m.
由京都拉麵師傅主理嘅麵屋丸京，除左葵芳嘅本店同牛頭角嘅分店之外，今個月初喺荃灣開新分店喇! 荃灣嘅朋友有口福喇~ [instagram photo=”BQGJ1l8DR4M”][/instagram] 麵屋丸京主打醬油豚骨湯底，醬油嘅鹹鮮同豚骨嘅香滑配合得啱啱好，加上煙韌嘅幼麵，值得一試! [instagram photo=”BWNOMydFA5k”][/instagram] [instagram photo=”BO_eMR_BlqA”][/instagram] 荃灣新店仲推出左豚骨魚介湯，只此一間咋~ [instagram photo=”BZOtjTgB3SO”][/instagram] 麵屋丸京除左湯底吸引之外，最出名嘅就係真．叉燒拉麵~ [instagram photo=”BOwQwiODkQE”][/instagram] 真．叉燒拉麵嘅叉燒係用低溫慢煮嘅叉燒大大片咁舖滿喺拉麵上面，滑嫩而不肥膩，對於小編呢啲食肉獸嚟講真係一大福音呀~ [instagram photo=”BOrGBUJjWkp”][/instagram] 麵屋丸京 地址 : 荃灣大河道昌泰街9號地下 =============== 放假去邊 更多好介紹: 快啲like我哋Facebook 同follow我哋Instagram啦!
