• Mon. Jun 1st, 2026
    • '

    Tag: 新春

    【香港】太古城中心新春主題活動！必試9米闊的祈願全景體驗、4大過年祈願遊樂區域｜香港玩樂｜放假去邊

    知道大家今年無得去旅行，太古城中心特意將世界唔同地方嘅祈願裝置帶畀大家！ 太古城中心會喺 2021年1月28日至2月26期間打造「新春好意求」主題活動，打造全新祈願世界同埋大熱Instagram濾鏡遊戲 大家可以大玩共9米闊嘅祈願全景體驗，畀你一嘗去世界各地祈願嘅滋味 ！ 場境包括有︰台灣天燈海、意大利許願池、法國情人橋三大外地熱門祈願地點，透過手提電話進行全景體驗互動， 大家就好似去咗現場一樣，必定會取得好兆頭！ 場內更設有四大祈願區域「四大祈景」，一掃「四大祈景」二維碼，就可以投入四大祈願區域相應嘅Instagram濾鏡遊戲親身祈願 同時亦設有巨型裝置畀大人小朋友影相打卡，好有新年氣氛 行多兩步就可以去「桃花源」許願池許願，將金幣擲向桃紅水池，祝願大家心想事成！ 而許願池入面嘅投幣會全數撥捐慈善機構「願望成真基金」，幫助患有重病嘅兒童，好有意義 想行個大運嘅你點可以錯過「吉祥樹」，快啲去圍著「吉祥樹」許願樹走個圈，新一年一定好運連連 大家記得去轉吓「紅運轉」上嘅風車，許下新一年的願望！ 最吸晴嘅一定係呢個近４米高嘅「黃金籤」，巨型籤筒金光璀璨，祝你黃金滿屋、飛黃騰達 大家亦可透過 Instagram 濾鏡遊戲搖出心水好籤，籤籤都係上上籤，好好意頭 由2021年1 月28日至2月11日期間，只需於場內消費滿指定金額同埋成功登記成為 LIVE+會員或出示 LIVE+會員咭， 更可換領 Cityplaza「幸福玩樂」利是封、 無最低消費限制商戶現金券同豐富禮物 太古城中心推出嘅「幸福玩樂」利是封套裝以現代復古風格設計，仲配上大熱 Instagram 濾鏡遊戲，集傳統與科技於一身，好特別！ 而只要於太古城中心指定商戶購買新春好意求網頁上嘅推薦產品，即可參加「多買多祈徽章獎賞」，換領四大祈景限量版徽章一個 機會難得，大家記得唔好錯過啦！

    author

    【香港】香港港麗酒店限定優惠！$1528起雙人住宿連早餐、新春主題外賣下午茶｜香港旅遊｜放假去邊

    香港港麗酒店位於太古廣場之上，係五星級酒店！ 今次酒店推出二月限定嘅「住宿連餐飲優惠」，只需$1528起就有雙人住宿連早餐、新春主題外賣下午茶 滙豐信用卡用戶亦有尊享優惠，HSBC持卡人預訂香港港麗酒店精選住宿並輸入指定HSBC優惠碼即可享額外9折！2月份限定優惠住宿套票包括 ︰ 入住豪華客房一晚 ( 星期一至五入住可免費升級至豪華海景房間 ) 房內享用福澤春茶外攜下午茶 ( 入住日下午3至5時30分於酒店大堂領取 ) 雙人自助早餐 提前於上午10時登記入住 (只適用於星期一至五入住) 當中嘅福澤春茶外攜下午茶勁吸食，中式新年氣氛嘅包裝連西式茶點 好少見咁特色嘅組合，勁有新年氣氛！ 咁抵嘅優惠，快啲叫埋朋友/另一半一齊嚟住返晚啦！ 香港港麗酒店2月份限定優惠︰ 銷售日期：即日至2021年3月29日 入住日期：2021年1月4日至2021年3月31日 價錢︰ 4-28Feb 入住： 優惠價HK$1,528 (含10%） 13-14Feb 入住： 優惠價HK$1,788（含10%) 地址︰香港特別行政區金鐘道88號太古廣場 預訂網址︰ 立即訂購

    author

    【香港】如心首個新春市集開鑼！四大主題攤檔畀你盡情辦年貨｜香港購物｜放假去邊

    仲煩緊去邊度辦年貨？今年如心廣場首次舉辦新春巿集，仲有四大主題攤檔畀你盡情辦年貨！ 今次呢個「如心新春市集」雲集四大主題市集攤檔，當中包括︰大飽口福、過個靚年、寵愛有家同埋福運滿屋 大家可以喺充滿春日氣氛嘅市集行過靚運，而同場仲有特選限定福袋，好多嘢睇 今次市集以「春花」為主題，有大量花形裝飾，好有農曆新年嘅喜慶色彩，啱哂一家大細行吓 市集雲集四大主題攤檔，當中有幾款小編推介產品 注重健康嘅你可以選擇「Yokitchen Touch of Earth」，佢哋嘅產品可以發揮食物健康嘅優點， 同時可以增加對身體健康嘅益處，例如抗氧化、健康脂肪、肌肉鬆弛，勁有益 另外亦有「開心工房」嘅健康沖飲系，全部都係100%香港製造， 而且主打純天然、無添加、絕無防腐劑，非常健康 「Rachel’s Kitchen」專為熱愛烹飪下廚嘅朋友而設，佢哋出品嘅禮盒亦係星級而選 除咗嘢食，「Homework家庭作業」主打手作工藝，有一系列質樸、簡約嘅風格 「We Love Ocean Studio+」産品包括海洋友善嘅手工皂、防霧噴劑、潤膚霜、曬後乳同埋環保月事用品，可以藉住攤檔了解環保訊息，好有意義 市集真係好多手作精品、美食，大家快啲去行吓啦 如心新春市集 市集日期︰1月30-31日、2月6-7日(星期六及日)及2月10-11日 （年廿九及三十） 開放時間：中午12時至晚上8時 市集地點：如心廣場一期2樓  

    author

    【香港】ifc商場呈獻新春花藝裝置！仲有特選商戶賀年禮品、新年消費禮遇｜香港玩樂｜放假去邊

    ifc商場喺今個新年會為大家呈獻「迎春福至桃花臨」新春花藝裝置！ 商場遍佈桃花、牡丹、年花，整個商場都有新春祥和嘅氣氛，真係好喜慶 今次呢個「迎春接福桃花臨」新春花藝裝置更融入當代花卉元素，邀請咗花藝師Ellie Kam金舒琪 (MDFD) 打造「花團錦簇喜迎春」， 花藝師特意挑選色彩鮮明豔麗、燦爛如錦嘅花卉，配合新年嘅熱鬧喜慶 大家一齊要去好好欣賞同打卡！ 同時，ifc商場更推出「醒獅賀歲」Instagram 限時動態濾鏡，生動又好玩 只要掃瞄花圃內嘅二維碼，就會喺手機見到舞獅躍動，而且仲有賀年音樂，可以同朋友分享喜樂時刻！ 大家可以到「迎春福至桃花臨」拿取節慶限定嘅暖心祝福賀卡 本地書法家Karen Tong設計咗四款花形祝願卡，以「健康」、「幸福」、「團圓」同埋「如意」為題，為大家送上祝福 掃瞄賀卡上嘅二維碼更可瀏覽新年驚喜，同埋領取商戶禮遇！ 本地書法家Karen Tong更會喺2月7日（星期日）下午2時至4時親臨「迎春福至桃花臨」現場 大家到時可以觀摩書法家嘅親筆書法，更可領取新年揮春，機會難得 ifc商場同時亦為顧客推出農曆新年消費禮遇，只需當日以電子貨幣消費滿指定金額即可獲贈節日禮品、餐飲禮券及電子購物禮券 當中嘅禮品非常豐富，當中包括「DALLOYAU朱古力夾心餅及朱古力精緻禮盒禮券乙張」 DALLOYAU嘅朱古力由法國製造，夾心餅唔會太甜，老人家都可以食到 而朱古力禮盒就用咗紅色包裝，喜慶又得體！ 另外亦有福茗堂開花茶禮盒「花好月圓75克及花茶玻璃杯乙個」禮券乙張， 茶葉罐上嘅中國畫畀人一種高貴嘅感覺，而且花茶更會喺玻璃杯入面「開花」，非常驚喜！ 限期為由2021年1月25日起至2月16日或禮品送罄為止，詳情可以向商場查詢 除此之外，ifc商場特選商戶亦有多量高質賀年禮品推介畀大家 例如當文歷餅店嘅「桔星糕照一紅棗柑桔年糕磅蛋糕」、Baked Indulgence嘅「新春曲奇禮盒」等等 咁多選擇，大家快啲嚟Shopping啦！   ifc 商場「迎春福至桃花臨」新春花藝裝置 日期：於2021年1月25日（星期一）至2月21日（星期日） 時間：每日早上10時30分至晚上10時 地點：ifc商場1樓新春花藝裝置 (鄰近1039號舖Club Monaco) ifc商場農曆新年購物禮遇詳情 日期：2021年1月25日至2月16日 (或禮品送罄為止) 時間：上午10時至晚上9時30分 換領地點：ifc商場二樓禮品換領櫃檯 (鄰近2065號舖TORY BURCH) CLUB ic會員專屬換領地點：國際金融中心一期 U2樓  CLUB ic Lobby (上午10時至晚上8時)  

    author

    【香港】東港城新春花市限定店！多款CP值極高蘭花推介、限時優惠放送｜香港購物｜放假去邊

    今年年宵市場暫停，想買花可以去邊買！？ 為咗支持本地花農，東港城會舉行「東港城新春花市限定店」， 大家由1月22日起就可以去東港城選購心水靚花，今年展期共21日，大家一定唔可以錯過！ 東港城今年繼續同香港蘭花大王、千葉園始創人楊小龍先生，同埋香港年花大王、香港鮮花盆栽批發商會主席賴榮春先生攜手合作 將多款蘭花同年花帶畀大家，當中必買12款本地培植嘅時令蘭花，全部都好別緻 當中包括有5款全新培植蘭花、日本皇室蘭花昇華系列、蘭花入門推介等等， 不論你係買花新手定係花藝專家，都好適合去東港城選購！ 今年東港城獨家限定新品「團團圓圓」以大而圓潤花冠象徵新春佳節家家戶戶健康團圓， 好意頭令唔少人都特意選購！ 如果你鍾意清雅別緻嘅蘭花，可考慮「天之驕子」， 銀白色花瓣配上酒紅色唇瓣，非常得體 另外，亦有由楊尹俊先生主理、本地培植的嘅本皇室蘭花昇華系列 好似呢款寓意家運亨通嘅「雪映蝶」每株多達20花蕾，聽個名都覺得浪漫！ 另外，重點推介4大性價比極高的蝴蝶蘭，每株只係賣約$168起， 買花新手必選「金玉佳人」，象徵金玉滿堂及財源滾滾，過返個好年！ 東港城仲會推出Facebook 直播，大量蘭花會以限時優惠放送 商場會喺1月28日（星期四）透過Facebook Live大派限時福利，大家可以用激筍折扣搶購日本殿堂級蘭花， 同時亦有著名堪輿學家麥玲玲師傅指點大家於新一年點解以蘭花催旺運勢，真係好吸引！ The Point會員更加有特別禮遇！商場今年會大送300株開運蘭花，包括一連三個星期六、150株$8開運花「花蝶仙子」畀The Point會員， 同時亦會額外加推150株矜貴蘭花「明日之星」畀The Point會員換領，真係機會難得 東港城 新春花市限定店 日期︰1月22日至2月11日 時間︰上午11時至晚上9時 地點︰東港城1樓117-118號舖（周大福旁）  

    author

    【香港】將軍澳中心推出魔雪奇緣利是封！同場加映全新幸福魔法莊園、三大打卡位｜香港玩樂｜放假去邊

    鍾意《魔雪奇緣》嘅你要注意啦！ 今新年將軍澳中心推出咗一套4款嘅Frozen夢幻禮封、Frozen 夢幻禮盒同埋新春限定禮品， 大家可以由1月25日起開始換領，Frozen粉絲一定唔可以錯過！ 利是封一套4款，以3位主角︰Elsa、Anna同埋Olaf角色造型設計 仲印上咗縷空魔法樹葉圖案，可以透出祝福賀語，同你過一個開心新年 同時，將軍澳中心亦會再次推出第二浪「著數消費賞」，消費滿指定金額，最高仲可以獲得高達HK$3,100回贈！ 商場亦為大家搜羅咗一系列賀年禮品，The Point by SHKP會員憑指定積分即可換領，快啲去睇吓有咩心水貨品啦 另外商場亦由2021年1月中旬至2月28日，打造「幸福魔法莊園」 由「冰雪皇后」愛莎（Elsa）、人氣主角安娜（Anna）同埋天真活潑的小白（Olaf）一齊同大家見面！ 將軍澳中心準備咗３大打卡位畀大家，包括︰「溫馨滿溢花舍」、「浪漫花海庭園」同埋「閃爍音樂噴泉」 三個場景都仿照咗《魔雪奇緣2》嘅紫紅色花場景，充滿浪漫氣氛！ 將軍澳中心「幸福魔法莊園」︰ 日期︰2021年1月中旬至2月28日 時間︰12nn – 8pm 地點︰將軍澳中心G/F中庭 換領Frozen夢幻禮封︰ 日期︰2021年1月25日起至換完即止 時間︰1pm-10pm 地點︰L1 VIP 會員專櫃 / L1禮品智能櫃 換領方法︰單一消費滿HK$400或憑1,500積分即可換領限定Frozen夢幻禮封乙套。 換領Frozen夢幻禮盒︰ 日期︰2021年1月25日至換完即止 時間︰1pm-10pm 地點︰L1 VIP 會員專櫃 換領方法︰累積消費滿HK$2,800（最多累積5套不同商戶之消費單據，每張須達HK$100或以上）或憑18,000積分即可換領限定Frozen夢幻禮盒乙套。（一套4款夢幻禮封及有機茶包1盒）

    author

    【香港】香港仔中心新春三大必影打卡位！仲有豐富新春大抽獎等緊你｜香港玩樂｜放假去邊

    新年就快到，各大商場都準備咗唔同嘅新年裝置 香港仔中心由即日起至2月28日就會為大家呈獻「花語迎新春」活動， 場內設有3大打卡位，無論係一家大細定同情人閨蜜嚟自拍留念都好適合！ 第一個打卡位就係戶外廣場兩端嘅迎賓拱門！ 拱門垂掛著一串串由風車花燈組成嘅裝飾，晚上仲會隨著燈光下微微擺動，好優美 由於今年新春同西方情人節係同一日，廣場中央舞台特別設置色彩繽紛嘅「心花綻放庭院」裝置， 巨型粉色霓虹心心型佈景夠哂SWEET，兩邊仲有大量花卉點綴，同另一半嚟一定影到浪漫靚相！ 商場AC2二樓亦有「心心相印樂花園」，多塊桃花襯托賀年花同象徵心心相印嘅心型佈置， 絕對會成為打卡熱點！ 今年香港仔中心更會推出「花綻。雲彩慶豐年」利是封，利是封一套兩款共8個， 用咗喜慶紅色同富貴金色做主色，將兩款利是封拼合仲可以見到牡丹花綻放盛況， 又靚又高貴！顧客只需於推廣期內喺香港仔中心消費滿港幣200元，即可換領「花綻。雲彩慶豐年」利是封， 另外商場亦準備咗「金牛迎春大抽獎」活動，大家都有機會贏取足金金牛擺設、足金如意擺設等豐富獎品， 咁多豐富禮品，大家記得唔好錯過啦！ 花語迎新春 日期︰即日起至2月28日 地點：ac香港仔中心露天廣場及ac2 2樓 金牛迎春大抽獎 凡於ac商戶消費滿港幣$200或以上，即可換領抽獎券乙張，有機會贏取豐富獎品 日期︰1月29日至2月28日 時間︰下午1時至晚上10時 地點︰ac2地下換領站 大獎（1名） 足金金牛擺設，約值港幣$8,888 二獎（2名） 足金如意擺設，約值港幣$3,888 三獎（3名） 食肆商戶港幣$2,000現金券 四獎（2名） 食肆商戶港幣$1,500現金券 五獎（2名） 食肆商戶港幣$1,000現金券 六獎（5名） 食肆商戶港幣$800現金券 七獎（5名） 食肆商戶港幣$600現金券 八獎（18名） 食肆商戶港幣$500現金券 「花綻。雲彩慶豐年」利是封換領 凡於ac商戶消費滿港幣$200或以上，即可換領利是封乙包 日期︰1月29日至換完即止 時間︰下午1時至晚上10時 （換完即止） 地點︰ac2地下換領站        

    author

    【香港】新春年貨大街即將開鑼！過千款賀年食品、家居飾品、賀年花藝擺設｜香港購物｜放假去邊

    農曆新年將就快到啦，今年德福廣場同青衣城齊齊舉行「新春年貨大街」 大街會有好多唔同嘅特色主題攤檔，當中包括︰傳統賀年食品、手工製作賀年小食、醬油調味、海外地道美食、卡通主題禮品、賀年花藝擺設等等 提供一個地方畀大家輕鬆辦年貨，行吓街！ 「新春年貨大街」有好多香港老字號食品、海外特色小食同埋賀年花藝擺設攤檔 當中推薦必食台灣阿中丸子嘅三星葱爆漿貢丸、黃金蝦餅、甜不辣片，等你喺香港都食到正宗台灣滋味！ 另外仲有七彩繽紛嘅手造牛軋糖同埋多款日本直送水果禮盒，送禮一流 即食食品亦有老行家嘅各款即食燕窩蘆薈，即食黑松露磯煮鮑魚、即食岩鹽漬海參等等 小食方面，有多款香港製造本地糯米糍，貓山皇糯米糍同埋小朋友最愛嘅OREO、阿華田口味糯米糍等等，全部都好吸引！ 想買花嘅你亦可以買到賀年花藝家居擺設，好似年花、情人節花同養生花等等 同時亦有精選卡通人物賀年精品，如角落生物、蠟筆小新同埋Snoopy等賀年精品，小朋友一定鍾意 港鐵商場同時會推出新春消費獎賞推廣活動「佳節有禮‧賞貳佰」， 由1月18日至2月28日期間，於德福廣場、青衣城同埋PopCorn指定類別商舖以電子貨幣消費滿HK$2,200即送合共HK$200港鐵商場現金禮券 大家快啲去Shopping啦！  德福廣場及青衣城「新春年貨大街」詳情： 日期︰1月22日 (星期五) 至2月28日 (星期日) 時間：早上11時至晚上9時 地點：德福廣場1期地下展覽場地、德福廣場2期3樓展覽場地、青衣城1期一樓A區及B區    

    author

    【香港】麻辣風雲推出迎春接福新春傳統盆菜！外賣自取或直送上門都OK｜香港美食｜放假去邊

    新年緊係想屋企人齊齊整整食餐飯！想一家大細都啱食？叫盆菜就啱啦 盆菜係喜慶節日必備嘅意頭食品，特別係冬季節日中食到熱騰騰嘅豐富盆菜一定會好滿足 今年麻辣風雲特別推出「迎春接福新春傳統盆菜」，呢個盆菜夠大份，而且仲好足料 當中包括: 黃金元寶（鮑魚）、花開富貴（花膠）、發財好市（髪菜蠔豉）、橫財就手（豬手）、開開心心 （海參）、富貴雞 (白切雞)、蝦、蓮藕、芋頭、西蘭花、花菇、豬皮、魚蛋、素翅 盆菜嘅每款食材都改咗個好名，款款都好好意頭！ 盆菜分別有4-6人份量同埋10-12人份量可供選購，可以滿足到唔同家庭需要 4-6人份量盆菜只需$888 而10-12人份量盆菜亦只係$1288 依家訂購盆菜仲會額外附送以下禮品，包括︰ 紅酒 (乙支) 價值 $148 價值超過$300麻辣風雲優惠券 麻辣風雲精美利是封 (兩份) 數量有限，送完即止 真係好抵！快啲訂返個，同屋企人過個好年啦！ 記得所有盆菜均須於三日前預約換領呀 麻辣風雲「迎春接福新春傳統盆菜」︰ 供應日期： 2021年2月5日至2021年2月21日(2月11-15日不設送貨) 送貨時間： 2月5日-21日 ：下午1時 – 晚上6時 2月11日-15日 ：不設送貨 送貨費用(2月11-15日不設送貨)︰ 九龍/新界 – $150 香港島 – $250 東涌、馬灣、離島不設送貨 疫情關係不設送貨到府上, 只送到地下 門市自取地點： 麻辣風雲：荃灣海壩街114號1樓 生記菜館：油麻地廟街47至49號 門市自取時間： 麻辣風雲： 中午12時 – 3時 / 下午3時 – 6時 / […]

    author

    【香港】荷里活廣場新春大派對！全新桃花源主題Peppa Pig碰碰車樂園登場｜香港玩樂｜放假去邊

    今個農曆新年Peppa Pig會喺荷里活廣場同大家見面！ 換上新春造型嘅Peppa Pig將會舉行「Peppa Pig新春大派對」，帶嚟一系列新春活動 同時「Peppa Pig兒童碰碰車樂園」亦換上全新桃花源主題 啱哂一家大細去打卡！ George Pig、Daddy & Mummy同埋一眾朋友為大家準備咗一系列打卡熱點 你可以慢慢欣賞「龍騰獻瑞」舞龍劇場，可以感受到熱情澎湃嘅新年節慶氣氛 Daddy Pig帶領Peppa同好友喺舞台上表演舞，配合埋耀眼煙花同浪漫花燈，好靚呀！ 小朋友可以坐喺5米高「財來運到」金元寶熱氣球上打卡，喻意新一年學業運起飛 象徵「家肥屋潤」嘅幸福庭園夠哂喜慶！ 想催旺人緣同姻緣嘅你一定要去3.5米高桃花樹下遊走一圈，粉紅色嘅環境令人少女心爆發 同時大受歡迎嘅全港首個「Peppa Pig兒童碰碰車樂園」將會換上賀年桃花源形象登場， 碰碰車樂園四周將會佈滿生氣勃勃的桃花樹擺設，可以一邊打卡一邊玩 大家亦可以憑消費或VIC積分換領一系列獨家Peppa Pig新春賀年精品同限量版「金牛滿屋」利是封 當中包括「Peppa Pig賀年揮春」套裝、「Peppa Pig摺疊收納箱」及「Peppa Pig暖水壼」 顧客可憑即日之電子貨幣消費單據或VIC會員可憑積分均可換領，大家記得唔好錯過啦！ 今年荷里活廣場更特別推出「金牛滿屋」利是封套裝， 當中嘅4D限量版利是封禮盒套裝更用咗立體黃金屋形牛奶盒作為包裝禮盒，設計好特別 而另一款「金牛滿屋」熨金版利是封套裝就印有熨金圖案，有貴氣亮麗嘅感覺 荷里活廣場「Peppa Pig 新春大派對」活動詳情： 日期︰2021年1月中旬至2月28日 時間︰中午 12 時至晚上10 時 地點︰鑽石山荷里活廣場一樓明星廣場

    author