Open Tour
最近麥當勞密密宣傳「The BTS Meal」， 當仲諗緊下次會有揾邊個嚟宣傳～ 最近有網民就以日本動漫設計一系列麥當勞包裝，款款都好出色㗎！ 以《鬼滅之刃》為主題嘅包裝設計， 熟悉嘅角色面孔都出現喺紙袋上，連薯條盒、麥樂雞盒同汽水杯都有！ 設計得咁仔細，唔講真係會誤以為係官方推出！ 呢個係經典動漫《獵人》！ 小傑、奇犽剪影配獵人協會嘅標誌圖騰，確實好想帶返屋企收藏～ 麥樂雞盒上面亦有可愛插畫，而西裝造型嘅汽水杯一樣吸引眼球！ 至於一向深入民心嘅吉卜力《龍貓》， 相信無論大人定小朋友見到都一定會好鍾意啊！ 仲有《千與千尋》中嘅無臉男、白龍都有份！ 可愛之中帶點型格！ 最近喺全亞洲都好紅嘅動漫作品《咒術迴戰》同樣登場！ 最強咒術師五條悟喺紙袋上做出經典手勢， 相信動漫迷一定唔會感到陌生！ 仲有其他動漫為題嘅包裝設計！ 不得不讚歎網民嘅創意同幻想！ 話唔定麥當勞官方終有一日會實現網民嘅願望啊！ 圖片來源：Facebook
可愛嘅小熊維尼係唔少人嘅至愛， 但最近就被一個日本cosplayer惡搞成「崩壞版小熊維尼」， 怪異得嚟又幾搞笑XD！ 先躲喺角落凝望你~ 一路望一路望，係要望到你個心寒寒地 然後就攞住球棒一嘢衝埋嚟！！ 衝呀，唔好走呀！！ 呢一系列嘅相片風格怪誕，睇完有種莫名不安感XD 唔少網民話又好笑又心寒~ もしかしてこの方…? pic.twitter.com/1BZxn3uqVy — ゆうにぃ (@Lovekillua511) January 27, 2021 亦有眼尖嘅網民認得佢曾喺各大cosplay展出現， 行為衣著依然別樹一格！ 星之卡比嘅打扮同樣顛覆世人對可愛卡比嘅想像！ <固定用> こんなことしてます pic.twitter.com/6SJC55KGaM — むなげ(減量中) (@shin_munage) May 7, 2019 今年最後のコスプレメイク練習顔にはあんまり肉つかないのよね(˘ω˘ ) pic.twitter.com/psvNolpMxi — むなげ(減量中) (@shin_munage) December 30, 2020 其實真人仍係個正正常常樣嘅美男子， 估唔到有著如此奔放嘅一面XD！ 來源：@shin_munage
《鬼滅之刃》劇場版上個月喺香港上映，人人為之瘋狂， 而喺日本，除咗電影、漫畫、周邊大賣之外， 連故事類似場景都成為旅遊聖地！ 位於福島會津嘅「蘆之牧溫泉—大川莊」就被傳激似「無限城」取景地~ 一踏入大川莊，會見到大廳嘅浮舞台， 而舞台後錯綜複雜、無限延伸嘅階梯及趟門設計， 正正與《鬼滅之刃》動畫第26集中出現嘅反派據點「無限城」不謀而合！ 充滿和風氣息、有住層層機關，甫踏入旅館就令人覺得兩者簡直係難以置信地相似！ 更令人不寒而慄嘅係每逢下午4點至6點，呢到都會舉行三味線現場演奏 身穿和服嘅女子彈奏三弦琴，不期然令人聯想起《鬼滅》無限城中手拿琵琶嘅「鳴女」， 雖則鳴女，但 無限城與大川莊嘅場景、裝修、氛圍、人物設計都相似得太過份， 不過團隊就指一切真係只屬巧合， 都難怪一班粉絲要特登嚟朝聖！ 除咗呢個一炮而紅嘅大廳，其實大川莊嘅溫泉同樣出名， 位於會津若松地區嘅「蘆之牧溫泉」，被稱為美人湯XD！ 而呢到另一個吸引之處就係佢環抱山水嘅靚景致， 不論係嚟朝聖、度假、浸溫泉，都非常值得！ 大川莊 地址：福島縣会津若松市大戶町大字芦之牧字下平984 網址及資料來源：http://www.ookawaso.co.jp/
最近爆紅嘅日本動漫《鬼滅之刃》終於要開期間限定店啦！ 今次佢哋會喺尖沙咀K11購物藝術館入面同大家見面，Fans一定唔可以錯過 到時會有過百款人氣精品發售，當中全部都係官方授權貨品 當中嘅造型抱枕、主題T-shirt、Tote Bag 等等全部都好精美 除咗買嘢之外，其中達10米長嘅鬼殺隊九「柱」1:1 打卡牆齊集「岩、戀、風、蟲、炎、水、蛇、霞、音」九柱角色 一定會成為打卡熱點！ 依家只要購買兩款Tamashii產品，更可隨即獲贈燙金Postcard，機會難得 款款都收藏價值極高 好想帶哂佢哋返屋企！ 快啲去朝聖啦！ 《鬼滅之刃》期間限定店 開放日期：2020年11月27日至2021年1月10日 開放時間：上午11時至下午10時 地點：香港九龍尖沙咀河內道18號K11購物藝術館
