Excel嘅formula同functions難記， 好多人出到嚟社會做嘢都未必識點用， 日本一位80歲嘅退休工程師就用佢嘅繪畫嚟完美演譯咩叫將Excel用得淋漓盡致~ 呢位退休嘅伯伯叫堀內辰男，人稱Excel達人~ 堀內辰男先生本來想學畫畫，卻因為顏料太貴，諗到嫌貴倒不如用電腦畫，開始著手研究~ 佢用咗半年嘅時間將Excel所有功能摸通摸透，再用一年嘅時間完成繪畫一束花，其後嘅三年將自己嘅續畫技巧運用喺Excel到做出各種其他作品~ 慢慢地，透過不斷嘅練習，堀內辰男先生愈來愈熟習Excel作畫嘅模式，開展了獨有嘅風景畫風格~ 2006年，佢參加「Excel Autoshape Art Contest」，更加係拿下咗冠軍，之後幾年更加試過蟬聯第一！ 日本內閣府特意頒發咗「長者榮譽勳章」比堀內辰男先生，表揚佢喺呢個領域嘅卓越表現，而堀內辰男先生都毫不吝嗇地將呢門技術教授予有興趣人士 睇住堀內辰男先生嘅神作，小編再望望自己啱啱畫出嚟嘅公仔，成個鬼畫符咁，真係萬分佩服！
