近排興Omakase餐廳，區區都有~今次一於跟住小編嚟到尖沙咀喇，餐廳位於尖沙咀金巴利道斜波，地理位置優越！入門口之前仲有幅壁畫俾大家喺度影相打卡，餐廳入面仲有幾個和風打卡位，喺香港都有置身日本感覺啊~ 小編今次推介呢款係【紫苑】$1380/位，有北海道香箱蟹、海膽春卷、鮟鱇魚肝茶碗蒸數款特色菜，仲有石垣鯛、皮剝魚、喜之次同埋煙燻鰹魚等等，餐廳環境靚之餘食物仲好高性價比喔~ 即刻睇下有咩食先~ 前菜有本菇水雲、櫻煮八爪魚大根、慢煮北海道安鱇魚肝，嚟自沖繩嘅水雲配以酸汁調味，好開胃。 刺身方面有嚟自岩手縣廣田灣真蠔，蠔肉飽滿，食落海水味重，超鮮甜！ 仲有鮫鰈魚三味（魚子醬、海膽、裙邊），三款口味食落各有特色。 北海道象拔蚌刺身，現場新鮮手切，上碟時候配上少許柚子皮帶出鮮甜味道。 仲有坊間少見嘅白子醋物（魚精），食落口感細滑豐腴。 禾稈草煙燻鰹魚，師傅煙燻香氣四溢。 北海道香箱蟹，日本香箱蟹每年只有兩個月開放捕捉，好矜貴~ 師傅建議大家食蟹要配埋啲蟹醋啫喱一齊食，咁先可以帶出蟹肉嘅鮮味。 海膽春卷非常特別，外皮香脆惹味。 安鱇魚肝茶碗蒸就係屬於季節性食物。 仲有多款手握壽司，包括石垣鯛、北海道北寄貝、東京灣針魚、皮剝魚、赤鯥、天垣貝、寒鰤魚、北海道海膽、拖羅。 最後仲有甜品同湯。 提提大家，呢度仲有間包廂可以容納6位客人，大家不妨假日帶埋家人或朋友過嚟喇~ 木澗Moku 地址：尖沙咀金巴利道65-67B號太平洋大廈UG樓A號舖 營業時間：12:00-00:00 電話：3563 7636 WhatsApp預約：5490 0262
