各位毛爸媽有福啦！ 赤柱廣場將於3月31日至4月30日舉辦「Paws Galaxy」活動，大家可以帶埋毛孩齊齊去放電！ 今次活動以「星系」為主題，大會特設多個打卡熱點，藝人洪永城嘅牧羊犬Coco更會首度化身藝術家LeonLollipop筆下逾2.4米高打卡牆主角 大家記得唔好錯過啦！ 今次「Paws Galaxy」會打造四大戶外「星系」打卡熱點，各位寵主可以幫毛孩扮靚靚去打卡！ 分別有︰「宇宙檢查站」、「毛孩衝天火箭」、「毛孩號月球探測車」同埋「毛孩星際總部」默你同毛孩大影特影 赤柱廣場同時會喺4月3、4、10及11日連續兩個周末舉辦全港最大型嘅「寵物海濱嘉年華」 會有一系列專為毛孩同寵主而設嘅工作坊、消費換領活動同埋主題市集， 又有得Shopping、又有得玩，聽到都覺得吸引！ 大會更有安排網上直播，即使安在家中也可透過大會Instagram Live 睇直播，非常貼心 為咗鼓勵大家幫助有需要嘅小動物，參加者只需於現場捐款100元或以上予非牟利機構「救狗之家」 就可以參加「寵物煲呔製作」或「寵物速畫」工作坊，親手為愛犬製作窩心禮物，仲可以做善事，一舉兩得！ 同時，美利樓會設有逾20個特色攤位，主要售賣本地手作寵物主題精品、用品同埋各式食品，勁多嘢睇 赤柱廣場更會同狗狗巴士合作，於4月3、4、10及11日接載各位寵主同毛孩往返九龍、新界同埋赤柱廣場 每位乘客只需捐出60元（來回程，包括一人及一狗），即可乘坐，而車資將全數撥捐「救狗之家」，好有意義！ 「Paws Galaxy」活動詳情︰ 日期︰3月31日至4月30日 地點︰赤柱廣場 主題裝飾：地下及4樓共設置四組太空主題打卡位及2.4米高主題油畫牆 「寵物海濱嘉年華」活動詳情︰ 日期︰4月3日、4日、10日及11日 地點：赤柱廣場天幕廣場
