上村牧場 11月30日正式登陸香港銅鑼灣時代廣場！品牌喺東京同大阪都有分店，去年10月喺台北開設海外分店後，今次終於登陸香港！ 香港分店分別推出3個不同價位嘅燒肉放題套餐，當然唔少得招牌「薩摩牛饗宴套餐」和牛燒肉放題！$498起就可以享用唔同薩摩牛部位！ 三款套餐分別係主打安格斯牛共86品嘅「經典燒肉派對套餐」、主打澳洲和牛共137品「澳洲和牛燒肉套餐」同主打A4或以上薩摩牛共170品嘅「薩摩牛饗宴套餐」。 上村牧場嘅A4或以上薩摩牛産自鹿兒島縣，喺2017年榮獲日本第11屆「全國和牛能力共進會」，鹿兒島縣産黑毛和牛榮獲綜合優勝嘅最高殊榮成為全國和牛No.1！ 薩摩牛肉質鮮紅、脂肪分佈均勻，最大特色係脂肪具獨特黏性，油花豐富，而且油酸高熔點低，牛肉嘅嫩度同香氣都非常明顯。油脂中仲帶有一股非常明顯嘅奶油香！薩摩牛最享負盛名就係獨一無二嘅口感，一咬油香滲出，肉質鬆化，入口即溶！ 薩摩牛牛五花－上村牧場自家養殖冠軍和牛，嚴選A4或以上嘅薩摩牛牛五花部位，肉色紅艷、帶著網狀油脂紋理、肉質結實、味道鮮美帶油香！必食嘅人氣之選！ 五花肉壽喜燒風附棉花糖 － 濃香嘅醬油充份將五花肉嘅肉香帶出。熱力將棉花糖溶化，甜絲絲包裹著五花肉。 上村牧場引入日本專利技術「特急列車」送餐服務，將食物從廚房新鮮直送到餐檯，另外手機點單系統同「特急列車」兩者互相配合，提升送餐速度又可減少服務員與客人嘅接觸，有更安全安心嘅用餐體驗。 新開業期間仲可以免費成為會員獲得多重優惠，包括送迎新禮品人氣日本果汁梳朾($38)、黃金時段訂座服務、會員生日禮遇 – 薩摩牛生日蛋糕，以及會員消費積分，換取唔同優惠與禮品。 上村牧場 KAMIMURA JAPANESE BBQ 地址：香港銅鑼灣勿地臣街1號時代廣場地庫B213-B214號舖 電話：25510232 營業時間：11:30-22:00 (21:30 last order)
