喺香港拍拖到拍到悶，不如去試吓諾富特東薈城酒店全新推出嘅朱古力主題下午茶自助餐～ 如果你係朱古力迷，你一定會鍾意呢個甜到漏嘅自助餐 酒店特意搵咗厄瓜多爾優質拉丁美洲朱古力去做食材，真係好想試吓！ 諾富特東薈城酒店旗下嘅ESSENCE餐廳將推出全新朱古力週末「夏」午茶自助餐～ 酒店自助餐提供近50款美食，超多選擇！ 佢哋仲設計咗配合朱古力一齊食嘅鹹點，好似呢款吉烈炸蝦配朱古力蛋黃醬咁，夠曬特別！ 唔知呢款咖啡朱古力慢煮牛腩好唔好食呢？！ 餐廳內有好受歡迎嘅朱古力噴泉，你仲可以任食多款口味嘅MÖVENPICK雪糕，好抵！ 餐廳環境舒適，情侶可以趁假日嚟食個朱古力主題下午茶，真係夠曬sweet 呢個下午茶自助餐只需HK$168起，咁嘅價錢可以食到酒店嘅自助餐，相當抵食！ 諾富特東薈城酒店 ESSENCE 朱古力週末「夏」午茶自助餐 日期︰2020年6月6日至7月26日 ( 逢星期六、日及公眾假期供應 ) 時間︰下午 3 時至 5 時 價錢︰ 星期六及日每位 HK$168，公眾假期每位 HK$188 *所有價目另加10%服務費 訂座電話︰3602 8808 / 訂座網址 地址: 香港東涌文東路 51 號,諾富特東薈城酒店大堂 (地鐵站 C 出口)
