Open Tour
日本超人氣品牌「東京香蕉」（TOKYO BANANA）可謂無人不曉， 適逢今年為品牌創立30週年，終於公佈有新搞作！ 品牌歷史上推出第一款「東京Banana雪糕」！ TOKYO BANANA一向以其經典香蕉蛋糕聞名，係每個遊日旅客必買手信，今次嘅新品雪糕一貫香蕉嘅味道，鮮黃嘅牛乳望落勁吸引！ 雪糕採用同以往香蕉蛋糕相同嘅新鮮香蕉泥，包保味道純正香濃，而且用大號圓形吸嘴擠壓出軟雪糕，外型上都好靚~ 如果單純嘅香蕉味都滿足唔到你，你就要試吓另外一款朱古力醬香蕉雪糕啦，即場淋上香醇嘅朱古力醬，靜待片刻後更會凝結為朱古力脆脆，好似食緊香蕉皮咁，口感一流！ 不過，值得留意嘅係全日本只有一個銷售點發售雪糕，所以想食嘅就要睇清楚地址啦！ 「東京Banana雪糕」 發售日期：2020年7月22日 價格：香蕉原味450日元、加朱古力醬490日元 銷售點：EXPASA海老名紀念品商店「SASTAR 2」 地址：神奈川縣海老名市大谷南5-2−1
呢排放假，好多人都去咗旅行， 而日本嘅東京、大阪更加係熱門目的地，去旅行就梗係要買手信~ 相信一講起東京必買嘅手信，大家都一定會答「東京香蕉Tokyo Banna」， 最近Tokyo Banna就新推櫻花口味，又聯同「砂糖奶油樹」餅乾品牌推出限定款~ TOKYO BANANA香蕉蛋糕係東京無人不曉嘅人氣手信，鬆軟嘅海綿蛋糕入面有濃濃香蕉味嘅吉士醬~ 12月26日，更加會推出「櫻花香蕉口味」，令人一食會聯想到東京櫻花綻放嘅浪漫春季~ 蛋糕上印著可愛嘅粉色櫻花圖案，內餡就係櫻花香嘅香蕉味吉士醬 除此之外，Tokyo Banna更加聯同另一東京熱賣餅乾手信 —「Sugar Butter Tree 砂糖奶油樹」（シュガーバターの木）推出超強聯名款夾心餅乾~ 新產品「砂糖奶油樹 東京香蕉牛奶朱古力夾心脆餅」上印有香蕉嘅圖案，同時夾心餡係有香蕉味道嘅牛奶朱古力，呢個配搭令人一試難忘~ 「東京香蕉 櫻花香蕉蛋糕」 售賣日期：2019年12月26日 – 2020年4月底 售賣店鋪：大丸東京店、JR東京站、品川站、上野站、大宮站、羽田機場、成田機場 「砂糖奶油樹 東京香蕉牛奶朱古力夾心脆餅」 大丸東京店：2019年12月18日 – 1月7日期間限定發售 JR東京站：2019年12月26日起發售 銀之葡萄大丸東京店：2020年1月8日起發售
