如果你係一位柯南漫畫迷，咁就要去一次柯南作者青山剛昌嘅故鄉——柯南站/由良站喇！ 呢個車站周圍都係同柯南有關嘅嘢，其中有五大景點絕對係必睇嘅！ [instagram photo=”5geHCcOSt5″][/instagram] 1. 柯南大道 柯南大道嘅路線好清晰，有哂每個地點嘅指標～ 連路癡都唔會有難度呀! [instagram photo=”BesZtTyjhJf”][/instagram] 2. 朝倉書店 沿著柯南大道嘅第一個轉彎位，就嚟到作者細個成日幫襯嘅書店～ 裡面有二十幾幅由作者親自繪製嘅簽名板，仲有柯南系列嘅商品添～ 柯南迷唔好錯過喇！ [instagram photo=”BdfV5GeF1BH”][/instagram] 3. 柯南大橋 橫跨由良川嘅柯南大橋，可以欣賞到最靚嘅風景～ 旁邊亦分別有柯南，同埋新一、小蘭約會嘅雕像等住你去打卡！ [instagram photo=”Bigbwjzhlct”][/instagram] 4. 柯南的家・米花商店街 以全新洋房打造嘅「柯南的家・米花商店街」係2017年先設立，裡面仲有餐廳添！ 不過講到最特別一定係仿製柯南裡面場景嘅大門～ 試吓按下門鐘…小蘭、新一、柯南各角色嘅原聲就會嚟應門！ [instagram photo=”BaddI2EAs60″][/instagram] 5. 青剛昌故鄉館 嚟到最萬眾期待嘅一站，就係青山剛昌故鄉館喇！ 館內樓高兩層，除咗展出作者嘅原稿之外，亦有模擬辦公室、道具互動體驗區～ 想成為名偵探？咁就要睇吓你可唔可以解開館內提供嘅謎團喇～ [instagram photo=”BZVOtI7jUPM”][/instagram] 細細聲同大家講… 如果你運氣好，仲有機會坐到非固定時間開出嘅柯南彩繪列車添！ [instagram photo=”BjQ70ppBnVT”][/instagram] 柯南站/由良站 地址：鳥取縣東伯郡北榮町由良宿 1414 營業時間：早上9:30至下午5:30 交通：乘搭JR西日本山陰本線（開往米子方向）至柯南站 =============== […]
