Open Tour
新一年除咗要知有咩盤點禁忌！仲要知道有咩新春開運大法啊~咁嚟緊新一年先會行大運、發大財！大家細心留意喇！ 【紅底衫】 不論男女都記住新年要整番套紅底衫啊~寓意大吉大利 【好是成雙】 利是梗係要派兩封架喇~好事成雙啊！ 【桃花自轉】 大家新年去到商場見到桃花，記住要自轉三圈（切記：順時針轉啊），咁先可以人緣大旺，收穫好桃花。 【生菜：生財】 食多啲好意頭嘅食物，無論係做生意抑或發筆橫財都好有幫助~ 【年糕：步步高陞】 食多啲年糕、蘿蔔糕，寓意仕途順利，升職加人工肯定有你份。 【魚：年年有餘】 要食原條魚，象徵一整年都豐衣足食，年年有餘。 【米】 米缸入面一定要有米，有米等於聚財咁解，等小編都即刻去買包米擺屋企先！
農曆新年將至，因應疫情反覆，政府宣布取消全港15個年宵花市；無得去大型花市，不如試下去本地農場直接幫襯花農喇！ 1.信芯園 相信大家都非常熟悉喇，主理人信哥都呼籲各位入場買花喇，因為每日鮮花數量有限，所以只供入場人士購買。此外，因人手問題，我們暫不提供外購和送貨服務。農場每日上午9時至下午6時開放，農曆新年照常營業。 地址：元朗新田小磡村信芯園農莊 開放時間：星期一至日 09:00-18:00（新年照常營業） 2.千業園 位於新界錦田錦上路的千葉園，以經營極具觀賞價值的蝴蝶蘭為主。園內種植場佔地總面積超過十萬平方呎，由十間設有恆溫控制的溫室房所組成，是現時香港最大蘭花種植場。 地址：元朗錦田錦上路166號 開放時間：09:00-19:00（全年無休） 電話：2488 3969 3.上水年宵陽光花園-合時水仙年桔 擁有自家花園嘅本地農場，現於上水新發街設有門市可供各位市民選購，場地除咗有年桔售賣，亦有提供水仙、五代同堂、年花等等。 地址：上水新發街10號（屈臣氏對面）設有門市服務 電話：9636 0386 4.華利園桃花 桃花全部都是本地種植，園內有適合一般家庭呎吋嘅桃花，亦有適合放置公司、商場及屋苑嘅中、大型桃花。即日起接受參觀預訂！ 地址：荃灣芙蓉山 電話：6240 2498（歡迎預約到花園參觀選購） 5.鶴藪農耕菜 地址：大窩村楊園 聯絡：9224 8127（Whatsapp 問負責人可送至聯和墟交收/入粉嶺流水響農場） 6.錦上路財記桃花 30多年經驗種植本地桃花，全場800多棵桃花「只有一間財記花園*桃花」財記花園。 地址：石崗錦上路38號 開放時間：09:00-06:00
知道大家今年無得去旅行，太古城中心特意將世界唔同地方嘅祈願裝置帶畀大家！ 太古城中心會喺 2021年1月28日至2月26期間打造「新春好意求」主題活動，打造全新祈願世界同埋大熱Instagram濾鏡遊戲 大家可以大玩共9米闊嘅祈願全景體驗，畀你一嘗去世界各地祈願嘅滋味 ！ 場境包括有︰台灣天燈海、意大利許願池、法國情人橋三大外地熱門祈願地點，透過手提電話進行全景體驗互動， 大家就好似去咗現場一樣，必定會取得好兆頭！ 場內更設有四大祈願區域「四大祈景」，一掃「四大祈景」二維碼，就可以投入四大祈願區域相應嘅Instagram濾鏡遊戲親身祈願 同時亦設有巨型裝置畀大人小朋友影相打卡，好有新年氣氛 行多兩步就可以去「桃花源」許願池許願，將金幣擲向桃紅水池，祝願大家心想事成！ 而許願池入面嘅投幣會全數撥捐慈善機構「願望成真基金」，幫助患有重病嘅兒童，好有意義 想行個大運嘅你點可以錯過「吉祥樹」，快啲去圍著「吉祥樹」許願樹走個圈，新一年一定好運連連 大家記得去轉吓「紅運轉」上嘅風車，許下新一年的願望！ 最吸晴嘅一定係呢個近４米高嘅「黃金籤」，巨型籤筒金光璀璨，祝你黃金滿屋、飛黃騰達 大家亦可透過 Instagram 濾鏡遊戲搖出心水好籤，籤籤都係上上籤，好好意頭 由2021年1 月28日至2月11日期間，只需於場內消費滿指定金額同埋成功登記成為 LIVE+會員或出示 LIVE+會員咭， 更可換領 Cityplaza「幸福玩樂」利是封、 無最低消費限制商戶現金券同豐富禮物 太古城中心推出嘅「幸福玩樂」利是封套裝以現代復古風格設計，仲配上大熱 Instagram 濾鏡遊戲，集傳統與科技於一身，好特別！ 而只要於太古城中心指定商戶購買新春好意求網頁上嘅推薦產品，即可參加「多買多祈徽章獎賞」，換領四大祈景限量版徽章一個 機會難得，大家記得唔好錯過啦！
