話你知所有嘢都可以變成《寵物小精靈》！ 最近日本推出咗卡比獸單人梳化超受歡迎， 梳化細細張再加上卡比獸呆呆地嘅樣真係好得意，而且坐墊位喺佢嘅肚腩， 感覺坐上去會特別舒服～而且仲有一張精靈球造型小梳化～鍾意小精靈嘅你又點可以唔買～ 好可愛啊～感覺好舒服～ 精靈球小梳化可以當茶几用～ 或者用嚟晾腳～ 真係訓覺都得！ 最緊要佢唔重，梳化底都易打掃！ 而且拆出嚟洗都好方便～ 放一張係屋企好溫馨啊～ 卡比獸單人梳化 售價: 24,800円 網址: cellutane.co.jp
電影院近幾年推陳出新，為咗吸引更多人到戲院睇戲 設施同服務都不斷提升，務求令一眾影迷享有一個獨特嘅電影體驗！ 而最近韓國CGV更推出多個主題電影院 包括：「露營」同「客廳」主題 CINE & FORET 係一間以森林做主題嘅CGV戲院 牆壁佈滿苔蘚，而地下就用咗人工草皮 入面仲有兩款座位：豆袋梳化或小屋長梳化 坐喺入面就好似被樹林包圍住咁，超有室內野餐同露營嘅感覺啊! [instagram photo=”Bxou6Klhqzx”][/instagram] [instagram photo=”Bnk1SJsAq9M”][/instagram] 望上天仲有超多星星添！！！ [instagram photo=”BxpA3ZDhXAM”][/instagram] 另外，CINE Living Room主打居家設計 就好似置身喺自己屋企一樣咁舒適～ 入去戲院之前有個花花牆，可以打完卡先入去！ 戲院將傳統座椅分成10個唔同嘅客廳 每個客廳嘅座位都有唔同顏色同設計，例如會有真皮梳化、枱或植物等等…… 坐喺啲咁舒適嘅環境底下，真係隨時瞓著啊！ 有機會一定要去韓國體驗一吓～～ ================== CGV (錦南店) — CINE & FORET 地址：서울특별시 광진구 구의동 546-4 테크노마트 10층 서울특별시 광진구 광나루로56길 85 (구의동) CGV (往十里店) — CINE Living Room 地址：서울특별시 […]
