泰國人氣過江龍After You 登陸銅鑼灣~上年就嚟過香港做Pop up Store 錯過咗嘅朋友仔今次終於可以試到喇，甜品店將於1月25日登龍街盛大開幕，今次開幕更請嚟泰國職員駐港數月監測食物品質，咁就可以確保大家食到100%泰國味道喇！ 今次香港分店亦都係海外第一間分店，新分店仲有鹹蛋黃蜜糖吐司伴雲呢拿雪糕（香港限定口味）。 芒果糯米飯刨冰，絕對係招牌之選喇！芒果味嘅刨冰底，內裏有新鮮香甜的泰國水仙芒，再配埋軟糯嘅椰汁糯米飯，頂層淋上忌廉奶醬及炒綠豆，以冰感呈現芒果糯米飯的精髓，另配水仙芒製成的芒果糖漿及新鮮椰奶漿，可自行調較喜歡的口味。 泰式奶茶刨冰，味道較一般泰茶更香醇馥郁。內裏是仙草啫喱粒及多士粒，增添爽彈與香脆的口感層次，頂層的忌廉奶醬撒上烤過的杏仁片，配另配泰式奶茶糖漿。 將原顆油潤的鹹蛋黃焗香後搗碎，再烘乾，滿滿的鋪一層為蜜糖吐司增添鹹香。另配由泰國總店送的鹹蛋黃醬，整個配搭鹹甜味道十分平衡。 抹茶蜜糖吐司，抹茶雪糕及忌廉上均撒上抹茶粉，有濃厚的抹茶滋味，忌廉上另有烤杏仁，多點堅果的香脆味道。 仲有原味班戟粉Pancake Mix $50/ $90，只需要加入雞蛋、牛奶、牛油喺盒內攪拌即可；鹹蛋黃脆粒、牛油脆粒$60，牛油麵包般嘅脆粒沾滿鹹蛋黃，鹹香又脆卜卜。 After You Dessert Cafe 地址：銅鑼灣登龍街52號地下G/F 營業時間：星期一至日 12:00-18:00 開幕日期：2021年1月25日
