夏天天氣悶熱，有時真係連飯都食唔落！酸酸辣辣嘅泰式涼拌就至啱，飛唔到泰國唔緊要，自己喺屋企整一樣得，仲係新手不失敗配方！一齊跟住以下食譜整啦！ 涼拌汁材料： 砂糖 1茶匙 魚露 2湯匙 青檸汁 2湯匙 辣椒粒 少許 先準備涼拌汁，將材料混合攪勻後備用。 其他材料： 洋蔥 1/4個切絲 蕃茄 適量切粒 海鮮 適量 即食麵 1個 先煲滾水，水滾後放入即食麵煮熟。麵唔需要煮得太淋，食嘅時候口感會好啲～ 隔水撈起即食麵備用。 再煲滾水，水滾後放入海鮮灼熟，熟透後隔水撈起。 撈起後倒入即食麵中，再加入洋蔥絲、蕃茄粒、涼拌汁等配料。 將配料撈勻後就完成！
