早喺2016年已經喺新加坡設有常規展覽嘅teamLab，將會喺2020年嘅1月開始舉辦一個名為「#FUTURETOGETHER」嘅全新限定展覽。 除咗室內換動裝置，今次仲會喺濱海灣公園一帶架設唔同嘅戶外互動裝置。teamlab 迷又點可以錯過呀! 先睇下室外區 1. Autonomous Resonating Life on the Water and Resonating Trees – Dragonfly Lake 呢個裝置絕對係今次重點，大量蛋形發光球會覆蓋住蜻蜓湖，發光球同周邊嘅樹會按照各自嘅窺律閃動，就好似自己會呼吸一樣 但當發光球被人移動嘅時候，光嘅顏色就會產生變化，同時會有特別聲音，傳到附近嘅發光球同樹，互相呼應 2. Flowers and People – Giant Lattice Mass 呢個高約15m，寬約38m格仔外牆上面嘅花會不斷誕生，成長，結出花蕾，綻放，到最終散落，枯萎，消逝 亦會根據遊人嘅距離作出不同變化 3. Message Pillar – The Singapore Bicentennial 如果透過智能手機app「Message Pillar」嚟觀察信息光柱，就會睇到柱身被大量信息圍住旋轉 只要喺個app度打字上傳，仲會見到啲字飄浮喺空中，非常好玩。 再睇埋室內區 4. Animals of Flowers Born in the Flower Forest, Symbiotic Lives 當遊人觸碰動物時，花朵就會凋零散落 5. Reversible Rotation […]
