Tag: 灣仔

喺商業大廈林立嘅灣仔區，想搵一個遠離石屎森林、呼吸到新鮮空氣嘅地方，從來都不容易～不過，隨著灣仔碼頭附近嘅海濱長廊開放，呢個唔再係一個遙不可及嘅願望喇！ 海濱長廊劃分成兩大主題區，分別為「水上運動及康樂主題區」及「渡輪碼頭畔主題區」。兩個主題區都係24小時開放！無論你想晨運、享受日光浴、跑步，又或者假日想搵個地方享受家庭樂、親親香港海濱，呢到都絕對係一個好去處！ 灣仔碼頭海濱長廊，為市民喺鬧市中提供一個公共休憩空間～ 「渡輪碼頭畔主題區」粉紅通道 浪漫滿海濱 由尖沙咀坐渡輪去灣仔，落船出碼頭就係「渡輪碼頭畔主題區」！以粉紅色為主色調嘅圍欄同圍板、碼頭出口走道嘅樑柱亦以粉紅玫塊花飾點綴，為海濱帶嚟綺麗氣息～「渡輪碼頭畔主題區」右邊係灣仔會議展覽中心、左邊就係向碼頭方向延展～ 「渡輪碼頭畔主題區」嘅圍欄、圍板以粉紅色為主色調，為海濱帶嚟綺麗氣息！ 越過碼頭，會經過一條「粉紅通道」～通道兩側係畫咗粉紅玫塊花紋嘅圍板，而地上就鋪咗粉紅色地氈！配埋兩側嘅粉紅玫瑰裝置，浪漫滿佈，絕對係情侶打卡熱點！ 「粉紅通道」為海濱長廊增添浪漫氣氛～ 「水上運動及康樂主題區」Chocolate Rain 藝術裝置 文青打卡熱點 沿著「粉紅通道」向前行，會經過臨時巴士總站～ 細心啲睇，會發現巴士站旁嘅圍板，綴有一朵朵粉紅玫瑰花裝飾！沿著裝飾行多大約3分鐘，就會發現海濱再次近在眼前㗎喇！ 穿過粉紅通道之後，跟著沿路隔板上嘅玫瑰花向前行，就會到達海濱長廊！ 雖然同樣位處灣仔海濱，但「水上運動及康樂主題區」嘅規劃及設計，同綺麗浪漫嘅「渡輪碼頭畔主題區」截然不同！場地佈滿了以Chocolate Rain為題嘅卡通創作及指示牌，令海濱變成活潑繽紛嘅奇幻世界！ 除咗地上有多幅大型Chocolate Rain插畫之外，長廊嘅欄杆及臨時擋板牆上，亦掛滿Chocolate Rain嘅作品！細心欣賞，你會發現每幅作品主題都唔同㗎！除咗有招牌嘅蘑菇森林童話世界，仲有以香港美食為主題嘅創作！點心、煲仔飯、盆菜一應俱全！行到長廊盡頭，仲有一組大型吹氣裝置，而當中嘅渡海小輪設計更特別配合維港及海濱長廊嘅環境，勁有心思！ 沿海欄杆仲特燈用咗鋼絲欄杆設計～遊客無論企喺邊個角落，都可以欣賞到維多利亞港嘅迷人景致！鋼絲欄杆嘅設計亦令釣魚愛好者更接近海港，所以一開放已經吸引咗好多人去釣魚喇～ 正門入口處嘅Chocolate Rain塗鴉，以海水藍為主調～背後係一覽無遺嘅維多利亞港，絕對係打卡嘅好地方！ 長廊設有多幅大型Chocolate Rain插畫作品，全部都富有香港特色！ 繽紛嘅Chocolate Rain作品，為長廊增添不少色彩！ 海濱長廊嘅小斜坡！吸引好多小朋友帶埋滑板車嚟玩㗎～ 鋼絲欄杆嘅設計令釣魚愛好者更接近海港，所以一開放已經吸引好多人嚟享受垂釣樂趣～ 體驗「海濱公共傢俬設計比賽」作品 行到攰嘅話，可以喺長廊上嘅長櫈休息吓～呢到嘅長櫈唔單止有玻璃上蓋，每張長櫈前仲好細心咁配置一張小木枱！無論好天定落雨，都可以自備茶點，嚟呢到享受一個180度海景下午茶！想同一家大細或者三五知己嚟野餐，仲可以去長廊盡處使用長戶外桌椅！迎著海風、聽著海浪，一邊享受日光浴，一邊品嚐美食～ 每張長櫈都配置咗一張小木枱！無論好天落雨，都可以自備食物，嚟呢到享受一個180度海景下午茶～ 海濱長廊盡處設有多套戶外餐椅，方便市民喺呢到用餐～ 「水上運動及康樂主題區」及「渡輪碼頭畔主題區」亦展出多組海濱公共傢俬設計比賽嘅得獎作品，遊客可以到場親身體驗～率先展出嘅「The Weave Chair．織聚」參考咗成人、長者及小童嘅坐姿，利用外型線條承托脊椎、大腿！設計利用兩代身形差異，交織出海浪形態，同維港嘅景色互相呼應！ 「織聚」更寓意匯聚老少世代，創造青銀共融空間～ 「點石．城．今」將形狀各異、大小不一嘅鵝卵石散佈喺海濱～無論大人或小朋友，都可以搵到適合自己嘅座位！ 「點石．城．今」 除咗以上呢啲傢俬，其他得獎作品亦將會陸續展出！名為「六十維港」嘅作品，透過剪影手法呈現唐樓嘅立面，讓身處海濱嘅市民好似坐咗喺60年代嘅唐樓窗邊，欣賞現今維港！營造時空穿越嘅體驗～ 「奇文異視」就喺藝術、科技、大自然出發！以循環再用嘅塑膠纖維、木材，加上擴增實境技術，創造既具未來感又互動嘅座椅，帶出休閒公園及創意藝術嘅協同效應！ 「Aqua Cube」就以冰粒狀嘅設計散佈長廊；「Dialogue at Distance」設有四張高櫈，每張方向都唔同，可以傾計之餘又不忘社交距離；「VH Puzzled」嘅粉彩色英文字母，分開可以係獨立成椅，堆埋一齊又可以砌成一張「Victoria Harbour」長椅… 款款傢俬都靚到令人選擇困難！真係想每款都去試坐、影相打卡啊！ 「VH Puzzled」 維港最長的海濱跑步徑 隨著呢兩段海濱長廊開放，位處港島北、維港最長嘅海濱長廊，已經進一步延長至5.5公里！係維港最長嘅海濱跑步徑！鍾意跑步嘅市民可以由灣仔北，沿海濱跑到石塘咀～一邊跑步，一邊有維港美景相伴、海浪聲做配樂，真係好Chill啊～ 由灣仔北跑到石塘咀西區副食品批發市場，全長5.5公里～係維港最長嘅海濱跑步徑！  

By tiffany chong

February 11, 2021August 5, 2022

大家有無試過買衫時遇到不愉快經歷？甚至因為身型/年紀，而俾店員無禮對待？ 買得唔開心之餘、仲搞到個人好自卑，從此唔敢亂去買衫～ 小編最近喺灣仔發現咗一間時裝小店「Sabah fashion」，入面有好多唔同款式嘅靚靚女裝！ 最好笑係，呢間舖頭嘅店主勁痴線，仲自稱「痴線店主」～～ 成個傻大姐咁嘅老闆娘，15年前喺灣仔一手創立Sabah fashion～ 雖然舖頭細細，但五臟俱全！無論你係咩身型，「痴線店主」都可以幫你襯到一套適合你嘅衫～ 店主仲會定期喺Facebook專頁做直播，傾吓計、講吓襯衫，有好多Fans㗎！ 小編覺得呢度最吸引嘅地方，係店主嘅熱情同聆聽～ 無論你係想搵人傾計、定係有任何嘢想分享，你都可以Whatsapp或者直接嚟Sabah fashion搵老闆娘！ 比起一般舖頭只係買完就走嘅購物經驗，呢度更有人情味～ 店主覺得可以同客人一齊扮靚、傾計，係佢最鍾意做嘅事～ 更加想透過時裝穿搭，話俾大家知：只要你個人夠開心、有自信、心態正面，無論任何身型及年紀，著衫都一樣咁靚！ 今次「痴線店主」就分享咗8款靚靚穿搭，例如「青春氣息」、「OL大愛」、「百搭舒服」、「顯瘦Cutting」呢四個系列！ 呢套「青春氣息」嘅服裝色彩盡現，俾人一種活潑嘅感覺！ 而「OL大愛」嘅呢款連身裙簡單易著，咩場合都襯到 「百搭舒服」嘅系列可以襯返長褲，打造輕鬆自在嘅感覺 「顯瘦Cutting」就可以揀返一啲高腰裙，拉長身型比例～ 如果你都想認識吓呢個「痴線店主」，就快啲去Sabah fashion嘅專頁讚好、睇吓佢哋嘅直播，吸收店主嘅正能量，齊齊扮靚啦！ OpenHolidays 嘅讀者仲有獨家優惠！只需喺我哋Facebook帖文中留言「 BL」即可享「買滿$300減$50」優惠～ 都想享受你嘅Beautiful life？快啲留言拎coupon啦！ Sabah fashion 店舖地址：香港灣仔灣仔道124號地下3號舖 電話查詢：6543 2292 Whatsapp：https://wa.me/85265432292 Facebook專頁：Sabah fashion Wanchai HK

By staff5

August 24, 2020August 5, 2022

近排酒店優惠非常多，鍾意食海鮮嘅你可以Bookmark定諾富特世紀酒店嘅海鮮主題住宿套餐！ 佢哋推出咗「SHAKE SHAKE海鮮房住宿套餐」，住客可以喺房內享用Shake Shake海鮮袋 + 芝士煙肉焗生蠔4隻，仲會送埋一支紅酒或白酒俾你配海鮮，真係好yummy！ 套餐可以雙人升級入住諾富特世紀酒店高級客房一晚，房入面仲可以眺望部分維港美景，好正 房內設有迷你吧，可以免費沖咖啡嚟飲 而美食方面，住客可以享用番茄龍蝦醬汁混合而成嘅Shake Shake海鮮袋， 入面有波士頓龍蝦、鮑魚、長腳蟹、藍青口、翡翠螺、虎蝦等等，好豐富呀 房內額外多送4隻芝士煙肉焗生蠔，合晒一班海鮮迷心意 二人同行，每人只係$390起就可以食到咁豐富嘅海鮮同一晚酒店住宿，真係好抵 諾富特世紀酒店優惠「SHAKE SHAKE海鮮房住宿套餐」 日期︰即日起至 30-06-2020 價錢︰ 雙人入住價$780 ( 已包括服務費 ) • 另加港幣$500/每房，升級入住套房(46平方米) • 另加港幣$300/每房，升級雙人Le Café海鮮自助晚餐 (需提前3天預訂) 訂座電話︰2507 6634 / 訂座網址 地址: 香港灣仔謝斐道238號

By staff5

June 5, 2020August 5, 2022