Tag: 狗奴

屋企嘅毛孩就快生日，想帶佢出街慶祝？如果唔想係室外曬太陽，不如試吓去九龍灣嘅「Chill inn」啦！ 「Chill inn」係九龍灣嘅寵物友善餐廳，佔地4000呎，超大！ 「Chill inn」分咗餐廳同「寵物友善營地」兩區，餐廳以新派東南亞西菜式為主， 主要提供人嘅食物，貓狗唔入得～ 而「寵物友善營地」就可以俾毛孩放電同玩，加埋靚靚嘅環境，可以幫毛孩影返輯靚相 Chill inn設有個別房間同迷你表演台，店內佈置令你如置身露營區 呢個咁靚嘅場地幫毛孩搞生日會真係一流！ 佢哋亦有供應寵物餐，同多款寵物用品可供選購～ 客人只要喺店內消費，不論係購買食品定係寵物用品，就可以進入「寵物友善營地」 寵物營地會提供地拖、尿片、清潔消毒噴劑等等，主人需自行清理狗狗嘅大小便 佢哋亦有寄賣狗狗蛋糕，但去之前記得要預約，咁就唔怕去到無位啦 寵物營地只接受電話訂座，其他網上平台（如openrice、eatigo）訂座服務同優惠只係適用於餐廳區。 Chill Inn 地址：九龍灣展貿徑1號E-Max 國際展貿中心地下21-23號舖 訂座熱線：2849 8289 圖片來源：Chill Inn

By staff5

July 4, 2020August 5, 2022

日本有唔少料理神人，成日可以以唔同嘅食材整出造型特別嘅料理/甜品， 今次Twitter一位烹飪推主根據自己嘅愛狗造出超神似嘅「貴富狗飯團」， 吸引一大堆粉絲follow，一炮而紅！ 推主@nonnonlalalala經常喺個人Twitter上分享自己嘅料理成品，全部都超精緻，而且最特別嘅係，佢嘅愛犬貴富狗最近成為佢嘅Model，被主人製成唔同嘅料理~ 而最經典嘅一定係呢個「貴富狗飯團」，紅玄米飯粒製成飯團形狀，再配以魚乾片作點綴，模仿狗狗毛髮，最後你一定估唔到充滿光澤嘅眼睛點樣製成，竟然係提子乾！實在太神、太有創意XD 逼真到都分唔清誰真誰假，你話真係點會捨得食呢~ 除此之外，主人仲會整「貴富狗造型餅乾」，又可愛又吸引！ 小編真想知道狗狗睇住咁多個一模一樣樣嘅自己會係咩反應XD 我が家のアイドルをクッキーに.オートミールを使いました.#料理好きな人と繋がりたい #お菓子作り #トイプードル #犬のいる暮らし #おうちごはん　#おうちカフェ #クッキー pic.twitter.com/uvHpBLfZa6 — のん (@nonnonlalalala) March 7, 2020 #トイプードル#わんこのいる暮らし #dog#おむすび pic.twitter.com/qI8xZ6XN5r — のん (@nonnonlalalala) May 18, 2020 資料來源：Twitter @nonnnonlalalala

By Lok Lok

June 6, 2020August 5, 2022

身邊唔少人都好鐘意狗，係愛狗人士， 尤其係有著扭扭屁股嘅哥基係唔少人至愛， 台灣原創玩具品牌最近就推出「哥基罐頭」扭蛋系列，五款隻隻都唔同樣~ 扭蛋嘅特色就係每隻都係喺罐頭入面爬出嚟，一副貪食樣XD 除咗神情動作唔同之外，罐頭嘅設計都係款款唔同㗎~ 人氣最高嘅就係呢個「屁股哥基」款，貪食嘅哥基捐入罐頭到 拼落真嘅罐頭到，真係扭蛋、罐頭傻傻分不清XD 呢個扭頭超級可愛，對於哥基迷嚟講，絕對係收藏值滿分！ 「哥基罐頭」 上市時間：2019年12月24日 售賣地點：台灣各大扭蛋店 售價：台幣120元 (~HKD$30) 來源：路遙圓創

By Lok Lok

December 19, 2019August 5, 2022