唔知大家有冇聽過來自日本八景島嘅「Xpark水族館」？ 繼好早前宣佈會進駐台灣嘅桃園後，今年8月終於正式開幕！ 伴隨著開幕好消息嘅係日本超人氣連鎖Cafe「PRONTO」都會喺館內開張，同步開幕！ 咖啡連鎖店「PRONTO corporation」喺日本全國擁有近350間分店，今次同Xpark攜手合作，開設特地為水族館而設、充滿海洋特色嘅「Xcafe by PRONTO」，更加係「PRONTO」喺台灣嘅第一間分店！ 而講起Xpark最大嘅特點非「企鵝奇遇」（Penguin Life）莫屬，企鵝有一條橫跨空中嘅「超長玻璃隧道」； 為此，Cafe有專為隧道而設嘅特別設計~ 「玻璃隧道」將會延伸至咖啡廳：當企鵝來回覓食、游泳、回家時，遊客可以安坐喺到享受咖啡，只要抬起頭或望望身旁就能夠見到可愛嘅小企鵝！ 除此之外，享用飲品時，Latte、Coffee等熱飲上仲會有特製嘅拉花，圖案同樣係鎮店之寶小企鵝與小腳印痕跡~ 除咗Xcafe係亮點之外，Xpark內仲有台灣首隻「麥哲倫企鵝」，絕對係少有！ 當然亦唔少得海豹、太平洋圓鰭魚、銀鱗鯧等既可愛又特別嘅海洋生物觀賞 今次Xpark採取「完全沈浸式體驗」嚟展示海洋生態，且搭配宮崎駿御用配樂家「久石讓」嘅音樂作品，一整個都令人萬分激動，小編都好想去一睹風采！ 日本嘅水族館一向高質、多元化、多嘢睇，今次進軍台灣市場，真係令人有一萬分期待！
