傳統茶記有好多小食，想食哂就要逐個嗌，但夾夾埋埋都好貴～ 想食得多但又想平啲，有咩選擇？ 可以試下呢間嘅百搭瑞士雞髀餐！！ 除咗有佢最招牌嘅瑞士雞髀之外，仲可以自由配搭其他小食～～ 超級抵食！ 瑞士雞髀 呢間嘅瑞士雞髀出名多肉多汁，啲瑞士汁浸到隻雞髀勁入味啊！ 沙嗲牛肉包 好足料!中間都有幾多牛肉!!!而且超香沙嗲味~ 朱古力煉奶多士 係滿滿嘅朱古力醬同煉奶啊!!!! 咬落啖啖朱古力，多士又夠脆～正! 芝士汁鰻魚餐肉炒蛋飯 入面都有幾舊鰻魚 仲有餐肉！ 成碗都係芝士～～～ 豬膶麵 好新鮮好大碗！個湯底好清甜 仲有好多其他小食揀!而且每份份量都唔細㗎! 可以同朋友每人嗌唔同嘅小食share食! 快啲去試下啦~~~~ ============= 祥發茶餐小廚 地址：北角七姊妹道27D號
