Tag: 福島

《鬼滅之刃》劇場版上個月喺香港上映，人人為之瘋狂， 而喺日本，除咗電影、漫畫、周邊大賣之外， 連故事類似場景都成為旅遊聖地！ 位於福島會津嘅「蘆之牧溫泉—大川莊」就被傳激似「無限城」取景地~ 一踏入大川莊，會見到大廳嘅浮舞台， 而舞台後錯綜複雜、無限延伸嘅階梯及趟門設計， 正正與《鬼滅之刃》動畫第26集中出現嘅反派據點「無限城」不謀而合！ 充滿和風氣息、有住層層機關，甫踏入旅館就令人覺得兩者簡直係難以置信地相似！ 更令人不寒而慄嘅係每逢下午4點至6點，呢到都會舉行三味線現場演奏 身穿和服嘅女子彈奏三弦琴，不期然令人聯想起《鬼滅》無限城中手拿琵琶嘅「鳴女」， 雖則鳴女，但 無限城與大川莊嘅場景、裝修、氛圍、人物設計都相似得太過份， 不過團隊就指一切真係只屬巧合， 都難怪一班粉絲要特登嚟朝聖！ 除咗呢個一炮而紅嘅大廳，其實大川莊嘅溫泉同樣出名， 位於會津若松地區嘅「蘆之牧溫泉」，被稱為美人湯XD！ 而呢到另一個吸引之處就係佢環抱山水嘅靚景致， 不論係嚟朝聖、度假、浸溫泉，都非常值得！ 大川莊 地址：福島縣会津若松市大戶町大字芦之牧字下平984 網址及資料來源：http://www.ookawaso.co.jp/

By Lok Lok

December 12, 2020August 5, 2022

近年福島超熱門攝影景點！ 吸引咗好多攝影發燒友/鐵道迷專程而嚟～ 就係行駛「只見線」嘅鐵道美景喇！ [instagram photo=”BthLr2OF55X”][/instagram] 「只見線」係連接福島縣會津若松市嘅「會津若松站」同埋新潟縣魚沼市「小出站」之間嘅鐵道路線～ 但一向乘客量唔多，所以班次比較疏～ [instagram photo=”BtecAUPlxQz”][/instagram] 當列車緩緩經過鐵橋，最靚嘅時刻出現喇！ 漫天白雪嘅冬天～影得好有感覺啊！ [instagram photo=”BuArEyglAwK”][/instagram] 想影到靚相？建議大家去比較多人選擇嘅道之站（長途旅客休息站）！ 沿著道之站向上行就會嚟到「第一只見川橋梁展望台」～ 喺呢個位置係可以同時睇到第一只見川鐵橋同第二只見川鐵橋嘅優美景色！ [instagram photo=”BO4ahDLjfrf”][/instagram] [instagram photo=”BtRsSmEhF6g”][/instagram] 為咗睇靚景，幾辛苦都值得！ 不過如果唔想傻傻地等，大家最好睇定列車班次時間表先喇～ [instagram photo=”BtNskT_ldEo”][/instagram]   道の駅尾瀬街道みしま宿（道之站） 地址：福島県大沼郡三島町大字川井字天屋原610 營業時間：商品販賣區早上8:00至晚上7:00、餐廳早上10:00至下午5:00 交通：乘搭只見線至「會津宮下站」步行約30分鐘就到 [map url=”https://www.google.com/maps/embed?pb=!1m18!1m12!1m3!1d3166.277863118219!2d139.6684437155185!3d37.477768836963996!2m3!1f0!2f0!3f0!3m2!1i1024!2i768!4f13.1!3m3!1m2!1s0x5ff5453f31e54c25%3A0x8e495ba0cb772565!2sOzekaido+Mishima+Juku+Roadside+Station!5e0!3m2!1szh-TW!2shk!4v1550563783245″][/map]   =============== 放假去邊 更多好介紹: 快啲like我哋Facebook 同follow我哋Instagram啦!

By Katie Lo

March 29, 2019August 5, 2022

提起福島第一件事， 可能會諗起7年前嘅311大地震， 小編日前就出席左「福島縣的現狀與復興進程」記者會， 一齊嚟睇下而家福島現況係點啦！ （左起: 現居福島縣的香港人Minnie Li 女士、福島縣農林水產部技監佐藤清丸先生、福島縣當地稻米農場代表加藤繪美女士、美食專欄作家及Fukushima Pride HK 專頁版主杉内馨先生） 福島縣農林水產部技監佐藤清丸先生喺會上指出，現時嘅農產物出口量已回復災前水平，當局一直都有對放射性物質進行除污及監控嘅工作，確保食品喺流通前都通過安全認證，所有檢查結果會被公開喺佢地嘅網站內，務求令市民食得安心買得放心。 日本農林水產品出名好食，冷暖顯著、四季分明嘅福島都唔例外，一齊睇下十大福島農林水產品到底係咩啦~ 米 福島縣自古以嚟都盛行稻作，所以佢地嘅米好出名！除咗有「越光米」同「一見鍾情米」之外，仲有用咗十五年時間開發嘅「天之粒」~ 青瓜 由於福島嘅氣溫同降雨量都好適合青瓜生長，所以青瓜產量係日本第一！ 蕃茄 喺充分日照下茁壯成長嘅福島蕃茄，粒粒都咁飽滿鮮甜，酸甜比例啱啱好！ 蘆筍 喺福島縣，你可以一次試哂綠色、紫色同白色嘅蘆筍~ 桃 福島嘅桃又紅又甜，栽培面積仲要喺日本全國排名第二！好多人去福島都會買嚟做手信！ 日本梨 圓碌碌嘅福島日本梨，水分含量極高，一咬落去就會噴出甘甜味美嘅梨汁~ 牛肉 福島牛係油花分佈得超均勻嘅霜降牛，唔講你唔知，福島牛喺1998年被譽為日本第一牛，肉食獸大愛！ 雞肉 福島有兩種代表性嘅土雞，「會津地雞」由於脂肪多，用嚟做雞串味道真係一絕！仲有「川俁軍雞」具有彈力十足嘅口感，最適合用嚟做成軍雞火鍋 日本酒 有靚米點會冇靚酒啊？福島嘅日本酒堪稱「一滴入魂」，即係每一滴都咁好飲啊~~ 拉麵 去日本，有咩可能唔食拉麵？會津地區嘅「喜多方拉麵」以醬油做湯底，配偏粗嘅捲麵同埋青蔥、叉燒肉，喺日本係無人不知嘅名物！ =============== 放假去邊 更多好介紹: 快啲like我哋Facebook 同follow我哋Instagram啦!

By staff1

March 5, 2018August 5, 2022