Tag: 秋季好去處

香港天氣漸涼，又到咗郊遊好時節！ 今次介紹呢個郊遊地點好靚，係香港少有嘅高地平原。 除咗可以去野餐，仲有勁多打卡位！隨手影都咁靚！ 呢顆樹必打卡，就好似《我的野蠻女友》場景一樣，男女主角相約樹下見面，一齊挖返地底嘅時間膠囊 萬里無雲嘅天空，企喺到再低炒，即刻可以影到靚相轉WhatsApp profile相~哈哈 沿途景色都好靚~秋冬季節仲可以睇到芒草 飽覽城市景色~ 帶埋狗狗去chill，玩下泡泡機，好悠閒呀~ 昂坪大草原 前往方法：由馬鞍山耀安邨或新港城乘NR84村巴，馬鞍山村總站落車。沿馬鞍山郊遊徑步行上山約半小時到達，全程約一至兩小時。 圖片來源：@kagor__

By yip kat

October 29, 2021August 5, 2022

又到一年一度賞芒季節！講到賞芒，大東山大家耳熟能詳啦~ 一於約返行山友，一齊去感受秋日氣氛，親親大自然再打卡~ 攝影小Tips： 1.加大光圈，影出淺景深，顯得唯美。 2. 低炒近影芒草堆，對焦到被攝人物，芒草蒙蒙地，更有氛圍感。 3.盡量著白色/淺色衣物，影相效果會更好。 大家一齊參考下以下圖片影靚相啦~ 大東山都係欣賞日落好去處 大東山 建議路線：伯公坳沿鳳凰徑上山（攀升529米） 伯公坳-大東山-爛頭營-雙東坳-南山 需時：大約3小時 去伯公坳巴士： 3M巴士：東涌-梅窩（落車站：伯公坳） 11號巴士：東涌-大澳（落車站：伯公坳） 23號巴士：東涌-昂坪（落車站：伯公坳） 注意事項： -大東山係香港第三高峰，唔係新手路線，全程行山路對新手而言會比較困難，大家記得量力而行~ -打卡時記得要注意安全 -記得自己垃圾自己帶走，唔好污染環境呀~ -爛頭營石屋日久失修，切勿攀爬石屋，以免發生危險 -大東山芒草每年10月尾至11月頭先會出現 圖片來源：@b_cman、@henrywmho、@__the.memories.__、@huizicandyce

By yip kat

October 22, 2021August 5, 2022

天氣開始涼涼地，最啱出去行先兼打卡影相啦！ 今次推介呢個悠閒小徑——沙灣徑，有海景、樹蔭，影相好靚！ 等小編一一介紹下主要打卡位 鞦韆 鞦韆係沙灣徑最受歡迎的一個打卡位 心形石墩 呢個位最啱情侶打卡，有兩個心心~好唯美~ 沙灣泳棚 日落影就最靚啦！又唔會曬親~ 沙灣徑 交通：港鐵堅尼地城站A出口，往右手邊小巴總站乘搭58/58M號小巴，沙灣足球場落車。 回程小巴路線只到19:00左右，記得留意離開的時間～ 圖片來源：@sseomin_wsm、@sweet_fr_girls

By yip kat

October 19, 2021August 5, 2022