• Mon. Jun 1st, 2026
    • '

    Tag: 羊腩煲

    【香港】黃大仙新開茶餐廳，必試羊腩煲/海蝦帶子煲仔飯/華田流心西多｜香港美食｜放假去邊

    今次推介黃大仙呢間餐廳，有多款地道港式美食，包括煲仔飯，羊腩煲，雞煲都有噶~ 特別推介羊腩煲、海蝦帶子煲仔飯同華田流心西多！座位舒適闊落，有多個卡位~ 金銀蒜海蝦帶子煲仔飯：煲仔飯加入豬油，特別香口~用料新鮮，係用新鮮海蝦~ 金銀蒜排骨煲仔飯：排骨煲仔飯分量都好多，鋪滿成個煲仔，排骨軟嫩香口，金銀蒜撈飯一流！ 麻辣雞煲：雞肉好滑嫩，醬汁都好惹味，可另加配料，包括手打蝦滑，鮮魷魚等等~ 秘製古法羊腩煲：羊腩係用黑草羊，醬汁濃郁，冬天食最正啦！ 秘製沙嗲牛肉煲仔麵：秘製沙嗲湯底係用兩款沙嗲醬加一款沙茶醬，特別香濃，每注麵掛滿湯汁，好正呀~ 另外仲有秘製沙嗲豬潤煲仔麵都值得一試！ 大大塊滑嫩豬潤~ 重量級14oz牛扒（Cajun 辣香料風味細薯條）：呢個牛扒超大呀！兩個人share都得呀~ 配嘅薯條係Cajun辣香料風味，薯條細細條好香脆！ 華田流心西多：呢個係必試人氣甜品，中間流心係用煉奶+忌廉+鮮奶調製，食落香甜滋味！ 冬天想食羊腩煲同煲仔飯？快啲去試下啦~ 紅樓冰室 地址：黃大仙環鳳街4-6號地下 電話：23243113 / 23243114 營業時間：6:30am – 11:00pm

    author

    【香港】九龍城都食到台灣正宗美食！$98起食期間限定台式古早羊腩煲放題｜香港美食｜放假去邊

    咁耐無得去旅行，有無人同小編一樣好掛住台灣美食！？ 位於九龍城嘅台式美食店「等等 HEA」一向都有提供唔同嘅正宗台式美食 今次佢哋仲同有60年歷史嘅台灣老字號「老阿伯胖魷焿」合作，大家可以唔洗飛台灣都食到超人氣台式小吃名物「魷魚羹」 「老阿伯胖魷焿」自1960年代由來自山東嘅龐阿伯創立，手藝師承一位福州人，滿師決定喺台北開店，喺當地好出名！ 店內嘅招牌食物有油蔥飯、魷魚羹同埋福州魚丸 油蔥飯用咗店家自己炸嘅豬油，加入古早油蔥、油膏醬淋喺米飯上，又香又好食 而魷魚羹同埋福州魚丸就係每日純手工製作，湯底採用大骨每天新鮮熬煮高湯， 足料又清甜 魚漿以小鯊魚肉打成，加入芹菜包入魷魚其中，彈牙軟腍，食到停唔到口！ 食落每一羹都包住滿滿魷魚，非常彈牙有咬勁 佢哋依家仲推出咗網上訂購優惠 只需$42 就可以試到台灣古早風味魷魚羹，套餐價$88更可享老阿伯拌魷魚福州丸綜合焿配嘉義雞絲手炒油蔥飯，蔥油生菜同埋價值$38或以上嘅台式飲品 100%正宗台灣滋味！ 除此之外，「等等 HEA」亦推出期間限定台式古早羊腩煲放題 羊腩煲配料豐富，包括足料枝竹、馬蹄、冬菇等材料，配埋紐西蘭羊肉，聽到都想食！ 羊肉連皮帶骨，份量真材實料，只需$98起 羊腩煲以宜蘭三星蔥同埋正宗台灣媽祖/江記腐乳入饌，啖啖台灣風味 而且腐係是羊腩煲嘅精髓，店鋪特別採用紅麴豆腐乳，味道甘甘甜甜，同羊腩好match！ 另外多款單點小食低至$48起，包括日本A4和牛、美國牛小排、台灣黑毛豬、鴛鴦台芋條、爆汁台貢丸、新鮮枝竹、冰巢台豆腐等等 依家網上預訂更有獨家半價優惠，每位只需$98可享88分鐘任食台式古早羊腩煲放題， 羊腩煲仲有提供外賣選擇，大家快啲去試吓啦！ 等等 HEA 地址︰九龍城福佬村道 41 號地下 網上訂購「老阿伯胖魷焿」套餐︰https://www.togetda.com/r/126893163/%E7%AD%89%E7%AD%89HEA%20 網上訂購台式古早羊腩煲放題︰https://www.togetda.com/r/264961342/%E7%AD%89%E7%AD%89HEA-%E4%B9%9D%E9%BE%8D%E5%9F%8E

    author