Open Tour
唔少女仔對「公主」呢兩隻字都有不可抗嘅瘋狂！澳洲就有一間Cafe，以《美女與野獸》為主題，成間餐廳都裝修到童話世界咁～ 位於悉尼嘅The Grounds of Alexandria Cafe，今次係同迪士尼合作，為咗慶祝《美女與野獸》30週年而打造嘅一間cafe，入面超夢幻好似置身喺故事入面嘅莊園一樣！ 餐廳以華麗復古風為主，有超大奢華嘅落地窗簾同暗花裝飾嘅地氈。仲有唔少大書櫃，就好似喺城堡咁！ 當然唔少得貝兒同野獸嘅玻璃玫瑰啦！餐廳周圍都有好多鮮紅色嘅玫瑰！仲有經典玻璃玫瑰添，巨型玫瑰加上閃閃嘅燈光串，超唯美！ 除此之外，茶壺茶杯、鐘同燭台呢啲朋友仔都有喺餐廳出現㗎！ 環境靚之餘，食物都一樣咁靚！餐單係期間限定主題，必點椰子海綿蛋糕，以玫瑰同貝兒經典造型公主裙作設計，打卡必點！ 飲品都插上玫瑰～超貼題！ 可惜嘅係餐廳只係期間限定去到1月30日，如果唔係小編都想好似其他人着成貝兒咁去打卡潮聖！如果香港有機會有一間就好啦！ The Grounds of Alexandria Cafe 7a/2 Huntley St, Alexandria NSW 2015, Australia
今年係香港迪士尼樂園15周年，為咗慶祝呢件盛事 周大福喺樂園入面開設咗第二間分店「城堡珠寶店」，成為首間進駐奇妙夢想城堡嘅珠寶店 今次周大福仲會一次過推出以13個迪士尼公主同埋女王故事為主題嘅全新首飾，帶大家一齊進入童話世界！ 當中嘅「公主致敬系列」以多位迪士尼公主同埋女王嘅故事作為設計靈感，融入係珠寶首飾之中 系列包括咗多款造型別緻嘅吊墜、耳環、項鍊、手鍊，每款都有細節位代表唔同公主嘅獨特元素，夠哂夢幻！ 周大福更獨家推出一系列以奇妙夢想城堡同埋公主為主題嘅首飾同埋「迪士尼樂園」系列足金工藝精品金卡，高貴又得體！ 除咗咁多獨家貨品之外，城堡珠寶店以皇室華麗氣派同埋典雅色調裝潢， 大家可以喺店內欣賞歷來品牌以不同公主、女王 及主題電影作靈感製作嘅珍貴珠寶飾品， 好似去咗藝術館一樣！ 當中嘅《仙履奇緣》灰姑娘玻璃鞋絕對係必睇展品，玻璃鞋位於城堡珠寶店入口展廊旁邊， 玻璃鞋設計源來自2015年真人版《仙履奇緣》電影內灰姑娘嘅玻璃鞋，非常浪漫 另外亦有《美女與野獸》純金玫瑰 ，玫瑰花以純金打造，還原2017 年真人版《美女與野獸》電影中嘅玫瑰花，連比側都係1:1 仲有《阿拉丁》足金神燈擺件亦係重點展品， 同樣以以足金製作而成， 靈感來自 2019 年真人版《阿拉丁》電影，好夢幻！ 大家下次去迪士尼時，記得要去珠寶店行下！
東京迪士尼樂園全新嘅“美女與野獸”主題世界即將喺今年9月28日開幕！ 由超大嘅粉紫色美女與野獸主題城堡到帶你坐上“魔術杯”， 感受貝兒喺野獸大屋嘅奇幻體驗，大家會完全投入神奇嘅故事世界當中， 仲有貝兒成長嘅小鎮特色嘅餐廳，真係好期待啊！ 除咗“美女與野獸”主題世界，仲有“幻想土地森林劇院”，“Baymax”主題遊樂設施同“米妮風格工作室”！ 呢個全新區域真係萬眾期待！ 遠處已經見到粉紫色嘅美女與野獸主題城堡！ 屋入面有燈光效果加埋實體模型令大家感受奇幻體驗~ 做得非常逼真！ 仲有“美女與野獸”主題餐廳！ 可以幻想自己化身貝兒~ 精緻到唔打卡都唔得啊！ 點少得賣主題紀念品嘅地方~ 紀念品都充滿浪漫嘅感覺！ 嗯……我諗佢都算係有魅力嘅奸角嘅~ “美女與野獸”又點少得玫瑰花~ “Baymax”主題嘅新遊樂設施“Baymax快樂騎行”！ 又係大家非常期待嘅設施之一~ 仲有爆谷專賣店“Big Pop”俾你邊食邊玩~ 玩到攰就去“夢幻土地森林劇院”睇吓劇~ 全新設計嘅《米奇的魔法音樂世界》故事~ 最後嚟埋“米妮風格工作室” 同米妮打吓卡！！ 東京迪士尼樂園新區“新奇幻樂園” 開幕日期：2020年9月28日（星期一） 電話：0570-00- 8632 網址：tokyodisneyresort 資料來源 : fashion-press
踏入十二月喇! 諗住年底/跨年去日本過聖誕嘅朋友~ 可以順便去睇埋東京汐留Caretta（カレッタ汐留）嘅聖誕燈飾添! [facebook url=”https://www.facebook.com/openholidays/videos/1938007099745512/”][/facebook] [instagram photo=”BcHp040h-_w”][/instagram] 今年東京汐留 Caretta 嘅聖誕燈飾以迪士尼電影《美女與野獸》為主題~ [instagram photo=”BcI59dylXQs”][/instagram] 喺主燈周圍仲加入咗蠟燭造型嘅燈飾，就好似《美女與野獸》裡面蠟燭管家Lumière! 仲有城堡高塔~ [instagram photo=”BcH35stglid”][/instagram] 唔同時間嚟仲可以欣賞到唔同嘅音樂燈光表演添~ 表演歌曲有「美女と野獣」、11-12月限定嘅「時は永遠に」、1-2月限定嘅「ひそかな夢」… 唔信睇吓~ 真係好靚㗎! [instagram photo=”BcHrsMbBcsd”][/instagram] 燈光顏色真係好豐富，聲光效果同樣充滿變化啊! 黃色代表女主角Belle, 而藍色就係男主角 黃藍交替嘅時候就好似男女主角喺舞會跳舞一樣~ [instagram photo=”BcHrDMzBqY4″][/instagram] [instagram photo=”BcIFT_CjZMS”][/instagram] 而在主燈裡面，放咗代表住《美女與野獸》嘅經典玻璃玫瑰花擺設，亦即係對王子嘅詛咒… [instagram photo=”BcH2s8tjZWc”][/instagram] [instagram photo=”BcRrMNjhEYT”][/instagram] 當玫瑰花嘅花瓣全部凋落嘅時候~ 如果變成野獸嘅王子仍然未識點去愛人同搵到愛佢嘅人，佢就會永遠變成野獸… [instagram photo=”BcRTjOzFOh3″][/instagram] 真係好浪漫~~ 就好似置身喺童話國度裡面! 提提您~ 人多嘅時候係有人數管制，所以想入主燈區影相就要俾多啲耐性喇! [instagram photo=”BcICMdzl55S”][/instagram] 演出時間： 「美女と野獣」17:00 / 17:15 / 17:30 / 17:45 「時は永遠に」18:00 […]
