為咗配合聖誕同元宵， 台灣每年都會舉辦燈會慶祝佳節，今年就會由12月21日起，開展一連2個月嘅燈飾展覽 -「2020台灣燈會在台中」~ 今次嘅展覽分咗主展區同副展區， 率先登場嘅係位於文心森林公園嘅副展區，以「童趣樂園」為主題， 最矚目嘅一定係呢幾隻放大版「戽斗星球」動物 — 以超大下巴聞名，唔少人都好鐘意佢地夠奇特XD [instagram photo=”B6J3KwKpBRr”][/instagram] 最多人影嘅一定係呢隻大塊臉熊貓，奇特得嚟又幾cute~ [instagram photo=”B6JvHv6Hodc”][/instagram] 呢隻貍貓超高超巨型，企喺側邊變咗小矮人… 同埋話時話，佢個厚下巴都好吸睛XD [instagram photo=”B6IjOCIgeD6″][/instagram] 呢個大雪人喺日頭仲係白雪雪~ 不過話明燈節，當然夜晚點燈先係重點！ [instagram photo=”B6IX-uPHRtb”][/instagram] [instagram photo=”B6DPqQopNbT”][/instagram] 一到夜晚，雪人身上就出現唔同嘅圖案， 郁嚟郁去，好似睇緊一場燈飾Show咁！ [instagram photo=”B6I0Zpgj-G9″][/instagram] 亮燈嘅馴鹿充滿聖誕氣氛~ [instagram photo=”B6EQl6THe-V”][/instagram] 點燈後嘅動物睇唔到身上嘅紋路，卻顯得更加夢幻~ [instagram photo=”B6IqNVnH9um”][/instagram] 到夜晚時分，可以同動物們玩吓光影拍攝，靚到不行~ 足足有9公頃嘅副展區入面再分為五個區域， 分別係「節慶嘉年華燈區」、「繽紛世界燈區」、「國際明星燈區」、「熱帶叢林燈區」、「生肖遊園地燈區」， 包保你行全日都唔會悶~ [instagram photo=”B5-WSV6n2Dl”][/instagram] 副展區「童趣樂園」將會開放到2020年2月23日， 位於后里森林園區嘅主展區就會喺2020年2月8日先開放~ 真係要快啲趁少人，去副展區一睹為快，扮吓「戽斗星球」動物嘅大下巴，合照留倩影XD 「2020台灣燈會」- 副展區「童趣樂園」 展期時間：2019年12月21日 – 2020年2月23日 地址：台中市南屯區文心路一段文心森林公園 官網：https://2020taiwanlantern.tw/
