黃大仙嗇色園為慶祝100週年舉辦花燈廟會，9.18-9.24免費開放給公眾入場！ 園內設有多個花燈打卡位，仲有猜燈謎遊戲，另有多款精品可以換領，更有多款文娛表演，例如舞龍，樹葉吹奏，皮影戲，變臉，肚皮舞等等。 中秋節去就最啱啦！可以打卡之餘又可以睇表演！ 呢條樓梯好靚呀，最啱影女神相，著住漢服影好似穿越返古代咁！ 園內有多款傳統燈飾，包括西遊記，粵劇角色，12生肖等等。 門口有雙龍戲珠，好有氣氛。 今次活動還有微縮模型展，可以睇到夏蕙姨搶頭柱香呀！好得意~ 另有多款嗇色園100週年設計嘅精品可以換領，例如杯墊，散紙包~全部都好有傳統特色！ 呢個大仙福餅將於9.29早上於全港18區50個點，包括多個鋼鐵站免費派發5萬個！ 善信凡到黃大仙祠總辦事處捐款滿HK$100即可獲贈一個。 文娛表演時間表： 花燈廟會詳情： 活動地點：黃大仙嗇色園 活動日期：2021.9.18-9.24 活動時間： -日場：10am-4:30pm -夜場：6pm-9pm(中秋節延長開放至10pm，猜燈謎活動只限夜場) 參加方法：參加活動前請於正門免費領取花燈廟會通行證，參與園內各式攤位收集印章換領禮品（禮品數量有限，換完即止）
