足料漢堡50幾蚊！雪糕9蚊有兩球！ 餃子爆餡，粒粒大過隻匙羹！ 今次小編帶你去荃豐、荃昌、華都幾個細商場發掘平靚正美食～ 下次去荃灣掃街，唔洗淨係去路德圍喇！ [youtube youtubeurl=Fsj8mZNOI00][/youtube] 小編：嘉儀（IG: chongkkayee） ==================== 餃子屋 傳統四拼餃子（芹菜、白菜、椰菜、韭菜）$38/8隻 小編終於知道點解呢間餃子店，日日都大排長龍！ 餃子粒粒足料、大過隻匙羹，一隻係平時食開嘅兩隻份量～ 餃子皮薄餡靚，咬落去啖啖爆餡兼爆汁！ 地址：荃灣西樓角路202-216荃昌商場1樓58號舖 ==================== 轉角・見 足料漢堡手掌咁厚！肉質仲要超級Juicy！ 小編話你知，係荃灣食只係50幾蚊咋！ 型男漢堡 $58 漢堡即叫即製，有齊流心蛋、煙肉、紅菜頭、漢堡扒、蕃茄、沙律菜～ 果然包如其名，好似型男咁吸引！ 如果口渴想飲嘢，小編勁推介奶昔！嗌飲品仲送薯條／沙律添啊！ 地址：荃灣西樓角路202-216號荃昌中心昌寧大廈地下66號舖 ==================== 大家姐 大家姐賣好多港式小食，雞蛋仔、格仔餅、煎釀三寶通通都有！ 不過小編強力推介嘅係泰式串燒！ 火雞腎串燒 $20/2串 雞腎好易咬開，完全唔硬！超級推介一定要嗌！ 雞肉串燒 $20/2串 雞肉嫩滑，配埋帶微微花生香嘅沙嗲汁，抵食～ 地址：荃灣青山道144-172號荃豐中心1樓 ==================== 小灶子 平時出街食All day breakfast，閒閒地都要100蚊起跳 不過荃灣竟然有60幾蚊嘅全日早餐！ 比利時窩夫全日早餐 $68 有齊平時All day breakfast嘅配料，味道亦相當唔錯！ 最好食係奄列，好濃蛋香之餘仲好厚實～想幾時食早餐都得啦～ 地址：荃灣西樓角路202-216號荃昌中心昌寧商場1樓6號舖 ==================== 熊茶 雖然唔係咩驚為天人嘅雪糕，不過9蚊已經食到兩個大球，你仲想點？ 雪糕 $9/2球 老闆話豆腐、抹茶味最多人嗌，小編梗係即試！ […]
