Open Tour
夏日炎炎，相信大家都唔想出門，大熱天時有咩好做，梗係歎冷氣喇！小編推介呢個治愈系藍色精靈下午茶，餐廳環境都幾闊落，中間有一棵藍色大樹，影相打卡好IGable，即刻睇有咩食喇！ 全個環境都好有feel~藍色燈光配上啲樹木，猶如置身童話咁。 木製層架真係好特別嘅，下午茶共有8款食物，包括日式炸豆腐、芝士年糕、鬆餅、軟心布朗尼、乳酪杯、雲卷同埋蘋果撻。 頂層：香芋雲卷、朱古力Brownie、蘋果撻、鬆餅。 中層：意式番茄蝦多士、芝士年糕，底層：明太子玉子燒、法式檸檬撻。 至於抹茶蕨餅，紅豆白玉抹茶布甸（圖：右），係需要另外加錢order嘅。 Golden Mist 飲品，由桂花、茉莉茶同茶混合而成。 Sensu 地址：荃灣楊屋道1號荃新天地一期UG樓78號舖 電話：2885 0968 營業時間：12:00-22:00 圖片來源：@urfoodbuddies
韓國有壁畫村、台灣有彩虹眷村，香港亦都有光板田村！位於荃灣大帽山山腳嘅光板田村，一條普通嘅村落變成彩虹壁畫村，街道上嘅筆畫由小朋友、義工同村民共同創作出嚟嘅，令到冷冰冰嘅街道倍添溫馨。 先沿著樓梯級上，大家影相過程中，謹記保持安靜，呢度始終係一條有人居住嘅村落。 仔細啲睇，每隔幾級樓梯，就會有個玻璃球出現喺樓梯級嘅側邊，而且每一級都唔同顏色。 繼續沿樓梯上繼續上，唔難發現其他鄉村味更濃嘅筆畫。 呢度嘅筆畫多數反映村民嘅居住生活，樸實無華。 好多筆畫都係由天主教慈幼會伍少梅中學嘅學生設計+繪畫，有心思得嚟又靚～為光板田村增添不少生氣！ 繼續行上去都會發現關於大樹菠蘿嘅壁畫，因為光板田村盛產大樹菠蘿！ 光板田村有好多段小路，呢度都係其中一段，大家可以自由喺村落到穿梭，大家依然記得保持安靜，切勿破壞呢度嘅壁畫。 交通： 荃灣地鐵站→51號巴士/80號小巴→光板田村二段落車 圖片來源：@rockyso0831
本地人氣小店Texas Burger最近於荃灣廣場開設新店，新店係全新副線，主打全天候供應美式早午餐、多款精緻甜品。 呢度仲有一排落地玻璃窗，加埋新店限定嘅Brunch，食物配埋呢個view都真係幾Chill嘅！而且新店喺食物方面仲落足心思，全部都好IGable㗎~即刻睇有咩食喇！ 廣島蠔班尼迪蛋，只係新店限定，坊間一般較少用上蠔擺喺Brunch Menu中，今次廚師用咗酥炸廣島蠔配上爆漿流心蛋，味道都係非常夾。 提華納玉米脆片沙律，呢款係墨西哥菜嚟嘅，啱曬一班朋友share嚟食。炸脆至碗狀嘅墨西哥玉米薄餅，沙律入面有牛油果醬、Salsa醬、芝士同辣椒。 燒原條牛骨髓漢堡，呢個係新店限定，仲係每日限量供應。呢個上菜時候一定係相機食先，大大條牛骨髓。用上安格斯牛肉、菇菌、酸辣醃菜piccalilli，酸酸辣辣中和骨髓嘅油膩感。 德州鴨肝牛肉漢堡，鴨肝非常足料，仲有些少油脂溢出，再配上新鮮牛肉，超夾。 摩卡布朗尼新地，上檯時候已經仙氣陣陣，簡簡直新一代女神呃Like俾嗌嘅甜品。 核果奶蓋班㦸，用上日本雞蛋同日本麵粉製作，蜜桃用橙汁同肉桂煮過，口感鬆軟有好香濃嘅蛋味。 b.o.t.h. by Texas Burger 地址：荃灣大壩街4-30號荃灣廣場3樓337號舖 營業時間： 星期一至五 11:30 – 22:00 星期六、日及公眾假期11:00 – 22:00 電話：3705 2955
各位家長係咪唔知帶小朋友去邊度放電好呢？宜家香港兒童探索博物館進駐荃灣喇！ 佔地超過3,500呎，仲有四大主題設施，包括故事小舞台、漫遊小香港、發現大自然同小工匠工作室，俾小朋友享受玩樂之餘又可以主動探索學習，除咗學習仲有五個兒童玩樂設施，包括星際樂園、星際泡泡歷險、Donut Adventure、Kids Little Town、鯨魚花園。 以下係四大探索主題，有助刺激小朋友嘅好奇心，促使他們積極探索，通過反覆嘅遊玩更有效地學習新知識及掌握新技能。 故事小舞台，透過舞台製作，小朋友可以參與編劇、演員等角色，發揮想象力空間。 漫遊小香港，以往展品只開放至三歲及以下嘅幼兒，宜家開放俾所有人都可以盡情玩啦！呢個區域以不同香港特色地標、交通工具為主題，小朋友可以運用不同感官，探索香港別具特色嘅本地文化。 發現大自然，愛護大自然必須從細開始學習，了解世界資源從何而來以及各界保護環境的方法，從小培養環境保育意識。 小工匠工作室，俾小朋友可以配合各種好玩嘅S.T.E.A.M. (科學、科技、工程、藝術和數學)元素，盡情創造試驗！ 以下係五大玩樂主題，有助刺激小朋友嘅好奇心，促使他們積極探索，通過反覆嘅遊玩更有效地學習新知識及掌握新技能。 星際樂園，全新充氣遊樂設施，讓小朋友化身成為小小太空人，置身無重狀態在太空彈跳，並學習關於太空科學的知識。 Donut Adventure，到達Donut與Ah Meow嘅學校遊樂場，享受與朋友們共樂嘅小息時光，盡情放電！ Kids Little Town，小鎮分為三大主題區：「小火車體驗」、「兒童超級市場」同「小營養學家扮演」。小朋友可乘搭小火車，或者去「兒童超級市場」後進行虛擬購物，仲可以喺廚房扮演小廚師、小營養學家，促進小朋友與人溝通技巧、了解食物嘅營養。 星際泡泡歷險，集太空歷險、天文學和視覺感官效果於一身的遊戲體驗館。 備註： 由即日起至2021年5月31日，任何人追蹤兒童探索館Instagram賬號，即可享最多$60門票折扣 愉景新城香港兒童探索期間限定博物館 開放日期：即日起至2021年秋季 開放時間：11:00-18:00 費用：0-7歲：$100｜18歲或以上：$100 地點：荃灣青山公路荃灣段398號愉景新城1樓（中庭位置） 查詢：9845 5272 玩樂設施開放時間 星際樂園、星際泡泡歷險、Donut Adventure、Kids Little Town 星期一至五：12pm – 7pm 星期六、日及公眾假期：11am – 8pm 鯨魚花園 星期一至日： 12pm – 12:30pm 1pm – 1:30pm 2pm – 2:30pm 3pm – 3:30pm 4pm […]
荃灣廣場將於今個復活節打造全新Botanical Garden 由即日起至 5月31日，「荃灣廣場 — 共享綠藝空中花園」會聯乘園藝高手Greenology 將Botanical Garden融入日常生活中 商場特意設計出六大休憩打卡場景 當中包括：22米長「綠藝打卡牆」、「部落小帳幕」、「度假風藤編小窩」、「Green Fingers鞦韆」等等 而且仲會有唔同品種、形態嘅綠色植物設置於戶外平台花園， 等大家親身感受一下綠色城市！ 另外，商場更會於即日起至4月6日設有「慢活市集」 到時會有20個小手作品牌，啱哂文青們行街Shopping 當中包括︰咖啡、花茶、手工皂、香薰、押花飾物等等，全部都好吸引！ 而荃灣廣場更會於4月舉行「多買多賞」餐飲購物優惠， 只要於場內指定商戶消費每滿HK$200就會送你HK$20餐飲券，多買多送，高達HK$800回贈！ 咁多嘢睇，快啲約埋朋友去行吓啦！ 共享綠藝空中花園詳情： 日期：即日起至5月31日 地點：荃灣廣場L5空中花園 時間：星期一至四上午10時30分至晚上8時30分 星期五、六、日及公眾假期上午10時30分至晚上10時 慢活市集詳情： 日期：即日起至4月6日 地點：荃灣廣場L1中庭 時間：星期一至五上午11時至晚上8時 星期六、日及公眾假期上午11時至晚上9時
知道大家咁耐無得去旅行，一定好掛住日本呢個「鄉下」 D·PARK愉景新城為咗一解大家思鄉之愁，會於3月27日至6月27日期間舉行「高山老街食の祭」 日本超人氣景點「高山老街」一向都有「飛驒小京都」之稱 今次愉景新城特意將場內佈置成古色古香嘅高山街屋第，大家可以置身充滿江戶風情嘅環境中享用日式嘅美食 「高山老街食の祭」會為大家帶來超過14間日式小吃攤，包括特意引進高山名物飛驒牛食材、炭烤串燒小食、關東煮、玉子燒等等 飲品方面，亦有極罕見嘅日本燒酎、清酒、日本茶，100%還原風味 除此之外，D·PARK愉景新城更每逢週末特意加推「宮川朝市週末市集」， 市集會有超過40間特色攤檔，主要販售各類型日本雜貨、家品、手工小物！ 以「 日本三大早市」之一嘅宮川朝市為主題，場內滿佈以白色帆布搭建出來嘅小帳篷攤檔， 咁多嘢睇，就好似去咗日本一樣！ 而愉景新城更特設「高山古い町」大手門，大手門前更特設日式小商店同埋日式人力車打卡位，大家必定要去打卡留念！ 一個地方集齊食、玩、買，大家記得要去行下啦！ D·PARK愉景新城「高山老街食の祭」 日期︰3月27日至6月27日 地址︰荃灣青山公路荃灣段398號
九龍建業旗下一站式健康超市百貨品「Soda Mall 首達百貨」終於進駐荃灣啦！ 今次係SODA MALL嘅第五間分店，店鋪總面積佔地近6,000呎，提供大量貨品畀你選擇 品牌貫徹三大理念，包括︰ 「健康、民生、互動」，希望以實惠價錢提供優質食材、生活用品畀大家 店內分兩大區，分別係精品超市同埋生活百貨 精品超市就有多款本地同埋各國嘅優質食材，由無激素肉類食材到大熱氣炸鍋炸物都一應俱全 而生活百貨就設有香港市集、花店同埋日常生活用品，可以買到日常所需嘅用品！ 疫情期間，好多人都多咗喺屋企煮食！ Soda Mall 主打健康食材，其中包括獲「香港漁農署」頒發認證嘅本地水產品牌「仟國水產」， 而Soda Mall 亦係香港唯一實體銷售點，啱哂一眾鍾意食海鮮嘅香港人 另外，五星級酒店名廚 「瑞士黃秋生」Jacques Kagi 嘅自家品牌「Jacques n Grill」亦可以喺超市搵到 「Jacques n Grill」系統主打純手工香港製造、全天然材料、不加味精、不加防腐劑 一系列方便易煮嘅食材啱哂工作繁忙嘅香港人，可以喺屋企都食到高級西餐嘅味道 同時亦有西班牙伊比利亞黑毛豬、直送日本和牛、有機水耕蔬菜、有機雞蛋、時令水果等等 每款食材都健康美味，好吸引啊！ 除咗世界各地嘅優質食材，另外亦有一系列日本直送賀年日本禮盒，可以趁新年買返禮物畀親朋好友 而生活百貨亦設有「香港市集 o2o」專區，入面有多個特色品牌 當中小編推介以特色醬料起家之品牌 「好食得濟」，佢哋嘅鹹蛋黃醬、龍蝦XO醬非常出名，而且仲有禮盒裝推出 「好食得濟」亦有推出生曬臘腸，全部香港製造，當中嘅「鵝肝腸」夠晒特別，係人氣之選！ 同時超市有設有新春限定「年花市集」，可以欣賞到靚靚年花 而生活百貨區更有香港人最愛嘅$12日系家品、寵物用品區、家居用品等等，全部都CP值極高！ Soda Mall 新店亦引入「全港首批」好玩可口可樂沙冰機 「Supercooler」 只需購買指定膠樽裝汽水，就可以極速將汽水製成沙冰，率先體驗至 cool 冰極體驗 為咗慶賀荃灣店開業優惠，超市推出接近 100 款日韓台產品優惠， 包括凡購物滿$388即可以$1換購可口可樂迷你版汽水一排、日本新鮮白蛋$43/2 件等等，真係好抵！ Soda Mall 如心廣場新店： 地址︰新界荃灣楊屋道 8 […]
蠟筆小新迷同漫畫迷要注意啦！ FOOD&STYLE 由今日開始會喺荃灣廣場舉行國際美食及動漫精品市集 今次仲會聯同蠟筆小新舉行《蠟筆小新期間限定專門店》X 《東立出版社漫畫展 2021》 大家終於可以感受一吓唔洗排隊又買到心頭好嘅感覺啦！ 其實《蠟筆小新期間限定專門店》早前喺12月已經開張，限定店發售多款日本直送獨家精品 不過依家除咗喺限定店之外，你仲可以喺FOOD&STYLE 國際美食及動漫精品市集搵到多款小生精品！ 各位蠟筆小新粉絲一定可以喺度買返夠本！ 呢款30cm 蠟筆小新全套鱷魚裝有綠/粉紅/藍/黃色，只售$250 仲有20cm蠟筆小新留言板玩偶，每個$95 布袋印上小生同一眾角色，全部都好得意！ 32cm可愛坐姿小白毛公仔質地舒服，只係賣$300！ 30cm蠟筆小新紅藍衣裝公仔價值$250，好想快啲帶佢返屋企！ 蠟筆小新鹹蛋超人同動感超人暖手枕啱哂冬天用，只需$320！ 現場除咗有多款小生精品，仲有漫畫可以買到 今次嘅漫畫展為期2星期，大家可以喺現場搵到最新推出嘅《新蠟筆小新#10》限定版 仲可以趁機會補購一系列小新漫畫、動畫版、精華版、百科全書 同場仲有熱門漫畫《鬼滅之刃》嘅貨品，更有首度發售從未曝光嘅「鬼滅之箱」BOXSET 套裝 而首批於上市當日就沽清嘅第22期限定版第二批即場發售，真係機會難得！ 當中亦唔少得本地原創作品！即將踏入二十周年嘅陳某作品《火鳳燎原》單行本、熱藏版都可以喺現場搵到， 而且仲有最新出版嘅《不是人》、《充神 榜》二十週年紀念本，粉絲萬勿錯過！ 依家凡購買單行本同熱藏版套裝，都會附送精美贈品一份，亦會獨立發售再度上市嘅殘兵 CAP 帽 加上部份漫畫低至85折發售，凡購買$200 以上會附送隨機精品，真係優惠多多！ 同場仲有美食攤檔，咁多嘢睇，真係機會難得，大家一定唔可以錯過 FOOD&STYLE 國際美食及動漫精品市集 活動地點 : 荃灣廣場地下大堂走廊 開放日期：2021 年 1 月 7 日至 20 日 開放時間：上午 11 時至晚上 9 時 蠟筆小新專門店 開放地點：荃灣廣場 FOOD&STYLE Shop […]
作為潮人嘅你一定唔可以唔知呢間咖啡店！ 位於荃灣嘅「Sammi #000000 」以黑白色為主，型格得嚟仲好有格調 閒日都經常滿座，有唔少寵主都會猜埋狗狗嚟，可以選擇坐外面位置 你可以喺咖啡店內自己搵位坐同自己買咖啡，自助形式無壓力 而且店內無時間限制，唔少人都帶埋手提電腦喺度做嘢 因為店鋪以黑白色為主，所以好多人都會試佢哋嘅竹炭咖啡 12oz嘅咖啡只係賣$34，非常抵飲！ 熱飲仲會有拉花，黑色嘅咖啡，好襯間鋪頭 [instagram photo=”CH2c3tVD7bQ”][/instagram] 咖啡店內空間感夠大，無論坐入面定出面都好適合打卡，真係幾靚！ [instagram photo=”CFw_L4Mj47x”][/instagram] 入面嘅設計都好有時尚感 [instagram photo=”CFBJFQWj7Ox”][/instagram] 快啲約埋朋友嚟打卡同飲咖啡啦！ Sammi #000000 地址︰荃灣荃灣街市街115號蘊崇大廈地舖C&E
