• Mon. Jun 1st, 2026
    • '
    Home荃灣 (Page 3)

    Tag: 荃灣

    【香港】蠟筆小新ｘA Playful Christmas期間限定店！兩大Pop-up Store登陸荃灣｜香港玩樂｜放假去邊

    荃灣廣場為咗迎接聖誕節， 準備咗全港首個GOOLYGOOLY FRIENDS主題佈置「GOOLYGOOLY FRIENDS繪本聖誕森林」， 除此之外，佢哋亦同場加碼兩間期間限定店，真係令人好期待呀！ 分別喺蠟筆小新+ A Playful Christmas! 期間限定店，兩間Pop-up Store即將會喺12月陸續登場 大家一定唔可以錯過！ 蠟筆小新期間限定專門店會由即日起至2021年2月21日進駐荃灣廣場 到時會有多款由日本直送嘅新貨，大家唔洗飛日本都買到 仲有大量扭蛋玩具、文具、家品，全部都好想要呀 另外嘅A Playful Christmas! 期間限定店亦齊集咗數百隻可愛毛公仔 當中有來自迪士尼嘅米奇、小熊維尼、《魔雪奇緣》嘅Elsa同Anna 等等，全部都好可愛 而且仲會有由Sanrio多個大熱角色、人氣卡通角落生物同Baby Shark砌出嘅3米高聖誕樹同逾1.6米高摩天輪， 大家可以慢慢打卡 而聖誕限定店內仲有多款獨家精品、公仔等等，款式好多 「蠟筆小新期間限定專門店」開放詳情 日期：即日起至2021年2月21日 時間：星期一至日: 上午11時至晚上9時 地點：荃灣廣場L2樓226 – 229 及 230 – 231舖 「A Playful Christmas 期間限定店」開放詳情 日期：即日起至2021年1月3日 時間：星期一至日: 中午12時至晚上9時 地點：荃灣廣場 L 1樓長廊  

    author

    【如心廣場】召集一眾LINE FRIENDS 迷！必影全港最高7.5米巨型BROWN & FRIENDS 星閃音樂盒｜香港玩樂｜放假去邊

    聖誕就快到，好快商場都開始打造唔同嘅主題裝置 而位於荃灣嘅如心廣場亦即將打造「LINE FRIENDS MEETS Nina Mall星閃冬日」 超人氣角色BROWN & FRIENDS 將會換上冬日造型現身 如心廣場商場亦打造咗3大打卡景點畀各位Fans齊齊打卡 當中必影7.5米高巨型「BROWN & FRIENDS星閃音樂盒」、「BROWN & FRIENDS 星光隧道」同埋「BROWN & FRIENDS 霓虹浪漫打卡牆」 而全新BROWN & FRIENDS 精品亦會首次亮相，喺「LINE FRIENDS星閃冬日」期間限定店公開發售！ 到時仲可以玩AR 互動拍照，fans一定要影返夠本 此外，將軍澳翩滙坊亦會有星閃冬日造型嘅BROWN 同CONY畀大家打卡 LINE FRIENDS MEETS Nina Mall星閃冬日 日期：11月24日至2021年1月10日 時間：上午10時至晚上10時 地點：荃灣如心廣場商場露天廣場、商場一期中庭及商場二期、將軍澳翩滙坊G/F大堂 費用：免費

    author

    【必食鍋底粥】荃灣平價一人鍋$48起！和牛、海鮮都有！｜香港美食｜放假去邊

    小編最近發現位於荃灣嘅「麻辣風雲」推出平價午市一人鍋，最平只需$48起就食到 ！ 而午市一人鍋分別有3個款式！ 鍾意食肉嘅你可以試下$48「肉老大一人鍋」，分別有牛肉/豬肉/雞肉畀你揀～ 可以滿足一眾食肉獸！ 揀任何一款肉類，都會送上4件！一個人食就啱啱好～ 想食海鮮嘅話，亦有$68嘅「珍寶海鮮一人鍋」供應～ 咁嘅價錢就可以食到飽魚、蝦同埋扇貝，真係好抵食！ 牛肉控一定唔可以錯過呢款$98嘅「極上和牛一人鍋」，特級和牛入口即溶！ 除咗肉類主食，套餐亦包2/3款火鍋配料！（肉老大、海鮮包2款；和牛包3款） 有成接近40種選擇，幾唔錯㗎～ 亦可以追加海鮮～ 蠔、生魚片等等都有！ 除咗配料豐富，湯底亦有好多選擇！ 包括︰麻辣風雲湯、招牌酸菜湯、田園南瓜湯、蕃茄元氣湯同埋清爽椰子湯！ 小編個人就最推介 麻辣湯 同埋 酸菜湯 喇～ 真‧足料兼入味啊！ 食完肉、配料，食埋麵食就夠晒飽喇～ 套餐包埋嘅薯粉，係可以無限追加！配麻辣湯勁正！ 又或者可以試佢個特色鍋底粥！吸晒湯底啲精華嚟煲粥，真心爽！ 將湯底隔渣後依個人喜好加入豬骨湯稀釋，之後將飯倒入鍋到慢慢煮，再加埋生雞蛋… 最後上碗！配埋紫菜碎、蔥花等一齊食！真係好正～～ 鮮甜又好食，一定要試下！ 麻辣風雲 午市一人鍋供應時間：11:30-16:30 地址：荃灣海壩街 114 號 1 樓

    author

    【荃灣】星馬菜/越南菜餐廳推介！超高CP值咖央多、人氣喇沙、生牛河…｜香港美食｜放假去邊

    荃灣出晒名多好嘢食，今次小編就試咗兩間東南亞菜！ 食物價錢抵，而且質素幾高，絕對試得過！ 第一間係專食新加坡菜+馬來西亞菜嘅餐廳「馬六」！ 新加坡喇沙摻摻 呢個喇沙最正係用咗油麵+米粉，彈牙、掛湯，又夠正宗！ 湯底超濃郁，豆卜吸晒啲味勁好食！仲有鮮蝦、蜆肉等海鮮～ 馬六無骨海南雞飯 拼巴生肉骨茶 鍾意食海南雞飯嘅朋友仔，呢間真心推！無論係份量、味道、質素都係一流！ 嫩滑雞肉配油飯，再加秘製醬汁，夾到爆～ 重點係巴生肉骨茶！勁足料已經好濃郁，可以翻兜！ 巴東牛肉飯 如果想食啲濃味嘅飯餐，呢個就絕對適合喇！巴東牛肉微辣得嚟勁惹味，個醬汁撈飯一流！ 牛肉份量好多，而且夠晒淋，肉質唔鞋～ 檳城蝦麵 蝦麵都係星馬菜必食之一，呢間做得幾唔錯！湯底真‧好濃蝦味，但飲晒都唔會口渴～ 而且用料、份量十足，食極都仲有，勁高CP值！ 南洋咖央多士 (斑蘭) 點可以唔試埋咖央多士？ 厚切牛油+香濃斑蘭醬，再加香脆多士！小編保證，呢個會食唔停口！ 芒果冰 飲品方面，小編就最推介芒果冰！因為真係有半個芒果喺隔離！ 飲完濃郁嘅芒果冰之後，仲可以食埋香甜嘅芒果，爽！ 馬六 地址：荃灣眾安街68號荃灣千色匯1樓1023A號舖 而另一間食越南菜嘅餐廳就叫「越北牛肉粉」，就喺正「馬六」隔離！ 一場嚟到，梗係要試埋佢啦～ 越北綜合牛肉湯粉 食越南菜，首先梗係試佢嘅生牛河！ 呢碗牛肉粉除咗有生牛肉之外，仲有牛腩片、牛丸等等，啱晒一眾牛魔王啊～ 順化香茅牛肉撈檬 小編當日仲試咗撈檬！檬粉彈牙，配合秘製酸汁都幾開胃～ 不過重點係牛肉！真係好嫩滑好好味！ 法式蒜蓉牛油雞翼 小食方面，小編首推係蒜蓉牛油雞翼！ 雞翼size勁大，而且外皮炸得香脆，配埋蒜蓉牛油，點會唔好食？ 鮮蝦米紙卷 米紙卷都幾唔錯，清清地～ 配埋其他濃味嘅主菜一齊食，都幾夾！ 越北牛肉粉 地址：荃灣眾安街68號荃灣千色匯1期1樓1023號舖

    author

    【荃灣悅來酒店】$599「嚐味」食宿之旅！熊貓酒店又食又住｜香港旅遊｜放假去邊

    荃灣有好多唔同嘅酒店價錢都非常貼地！今次介紹嘅熊貓酒店相信大家都唔陌生～ 近日小編發現酒店推出咗超抵嘅住宿優惠「嚐味」食宿之旅，二人同行只需$599就可以又食又住，好正！ 悅來酒店又叫做熊貓酒店，酒店外牆仲有大大隻熊貓，好特別 酒店位於荃灣，鄰近荃灣港鐵站同大窩口港鐵站，非常方便 「嚐味」食宿之旅包咗二人入住豪華客房一晚 ，住客可以揀一張雙人床或兩張單人床 約埋好姊妹嚟住返一晚都係唔錯嘅選擇～ 套票仲包咗每房每晚港幣$400餐飲消費額，可以喺酒店咖啡室同餐廳「簡•味」入面使用 「簡•味」有多款賣相精緻嘅手工甜點，啱哂鍾意食甜嘢嘅你 而咖啡室就有半自助餐提供，食肉獸一定唔可以錯過！ 一系列重量級主菜包括牛魔王、極尚牛肉、海鮮，加上半自助餐沙津、冷盤、甜品等，好吸引！ 入住期間仲可以免費使用24小時健身室同泳室，正呀！ 荃灣悅來酒店 「嚐味」食宿之旅 預訂日期：即日起至2020年7月31日 價錢︰港幣$599 (星期日至星期五) 、港幣$749 (星期六) 訂座電話︰2409 3188/ 訂座網址 地址: 香港荃灣荃華街3號

    author

    【荃灣掃街】小編帶你食盡荃灣街頭熱門小食！四間荃灣美食店推介｜香港美食｜放假去邊

    荃灣一向都係平民美食天堂！ 今次小編就會帶大家去買4間荃灣美食店 一齊搵啲又抵又好食嘅嘢 1.綠色越南 椰皇海南雞飯 油飯帶有椰香甜味，味道清新有驚喜 雞肉多汁又滑，CP值好高！ 綠色越南 地址 : 荃灣西樓角道202-216號荃昌中心昌寧商場地下28號舖 2.大丼家燒烤牛丼專門店 原祖燒牛肉飯 牛肉juicy多汁，而且肉味香濃 仲有多款串燒、小食、餃子提供，款款都好吸引呀 大丼家燒烤牛丼專門店 地址 : 荃灣眾安街68號荃灣千色匯II期地下G1-2號舖 3.CUP of… 白桃粉飛飛 芝士味香濃，而且大大杯，好抵飲 白桃同芝士比例完美，而且仲會食到白桃果肉 建議大家可以叫少甜，味道會更好！ CUP of… 地址 : 荃灣昌泰街5號富榮大廈地下1號舖 4.蠔得喜 戲棚蠔餅 超足料，而且又香又脆，真心推介 蒜香炸燒賣 配上小店秘製醬汁勁夾 酸酸甜甜加埋勁濃蒜香味，仲有小小辣，勁正 香爆蝦米腸 即叫即炒，用咗獨家配方製成，勁好食 蠔得喜 地址 :荃灣建明街7號昌華大廈地下15C-2號舖 戲棚蠔餅（細）$30 蒜香炸燒賣（六粒）$10

    author

    【荃灣旭逸酒店】史上最平 – $200有齊住宿+豪華半自助餐！｜香港旅遊｜放假去邊

    平時去酒店食個Lunch連埋加一都要成$200位，但荃灣旭逸酒店就推出「食．住．嘆住宿禮遇」， 二人同行只需$400就可以入住雙人客房＋雙人半自助午餐，除返開只係$200/1位， 半自助午餐仲可以食成兩個半鍾，真係平到震！ 雙人客房設計簡約舒服，無論係約好姊妹定同伴侶嚟住都係唔錯嘅選擇 每人$200真係平到笑！ 購買「食．住．嘆住宿禮遇」嘅住客仲可以喺Eat@ease餐廳享用「半自助午餐」 可以揀一款主菜同任食自助沙律吧嘅美食，仲有精選甜品同飲品一杯 食物款式都好吸引～ 餐廳環境舒適，人均$200包食包住真係無得輸！ 荃灣旭逸酒店 「食．住．嘆住宿禮遇」 預訂日期：即日起至2020年7月31日 價錢︰港幣$400/2人 訂座電話︰39588368/ 訂座網址 *需於兩日之前預定 地址: 香港葵涌圳邊街15-19號

    author

    【貓奴必去】同主子零距離接觸！荃灣茶房31隻貓貓圍住你｜香港旅遊｜放假去邊

    夏天又熱又容易落雨，放假緊係要搵啲有冷氣又舒服嘅室內地方去Chill吓啦！ 呢間位於荃灣嘅貓貓CAFE「貓之茶房」一共住咗31隻貓貓，每隻都超級可愛～ 茶房以木系色調為主，加上透明玻璃窗，採光度十足，俾人一種小清新感覺，環境好舒適！ 一入鋪頭已經有兩隻喵星人等緊你啦～ 貓貓會喺茶房自由走動，客人可以坐喺榻榻米上一嘗被主子寵幸嘅感覺 店內有提供幾款低脂貓零食俾客人購買，呢份雞柳乾係貓貓嘅至愛 只要你有零食喺手，絕對可以同主子嚟個親密接觸，諗起都覺得幸福！ 茶房嘅老闆同店主每日都會幫貓貓梳毛同按摩，保證佢哋乾乾淨淨，住得舒舒服服 客人亦可以借茶房嘅貓玩具同主子玩，好治癒 除咗同貓貓玩，呢度都有提供俾客人玩嘅遊戲，絕對係一個放鬆嘅好地方 茶房嘅貓貓大部分都鍾意同人玩 好搞笑嘅樣～ 店鋪好支持關愛流浪貓，呢度共有17隻貓貓曾經係流浪貓，最後俾茶房收養咗 客人每光臨1次，佢咃就會捐出一份貓糧俾流浪貓﹔而客人每捐1蚊，茶房亦會多捐1蚊，非常有意義 身為貓奴嘅你下次記得去探吓各位喵星人啦～ 貓之茶房 地址︰荃灣大河道45號樹勳樓1樓 營業時間︰ 星期一至五︰13:30 – 23:00 星期六日及公眾假期︰11:30 – 23:00 預約電話︰2149 6261 收費︰每位首小時$65( 包一杯飲品 ) 之後每小時$38 每2位十一歲以下小朋友必須最少1位家長陪同

    author

    食肉獸必試 堪稱全港最好食秘製黑松露吉列牛！｜香港美食｜放假去邊

    話說其實吉列牛都興咗一排， 但呢間餐廳就有特別啲嘅「秘燒黑松露吉列牛」，堪稱全香港最好食！ [instagram photo=”B5K2BQhA__o”][/instagram] 吉列牛外層係鬆脆脆皮，內層就係鮮味嘅牛肉，口感十足！ [instagram photo=”B5nW_E5Bfhw”][/instagram] 可以隨自己喜歡將牛放上熱石板，燒到自己鐘意食嘅生熟程度~ [instagram photo=”B4hH13fhFv9″][/instagram] 比起一般吉列牛店，最特別就係佢黑松露味嘅外皮！ [instagram photo=”B3tQTjSjx8_”][/instagram] 成set定食望落真係吸引到爆！ [instagram photo=”B2E1rLVF0ps”][/instagram] 而且店舖喺佐敦、荃灣都有分店㗎！ 秘 Secret Chef 地址： 荃灣享成街22號地舖 佐敦偉晴街11號地下

    author

    荃灣排長龍街坊小店 馳名抵食燒牛肉丼飯｜香港美食｜放假去邊

    香港其實有好多好好食嘅小店等大家發掘， 荃灣就有一間位置比較遍遠，但係街坊都一定識、勁多人幫襯嘅牛丼專門店~ [instagram photo=”B2PNVleDppb”][/instagram] 最出名嘅一定係鎮店之寶—「芝士燒牛肉飯」~ [instagram photo=”B2J0BvHg0TM”][/instagram] 一塊塊芝士下係肉汁滿滿嘅牛肉丼 [instagram photo=”B2b0EMiAEod”][/instagram] 「原祖燒牛肉飯」同樣滋味，可以試下原汁原味牛肉~ [instagram photo=”Bwym8LfDrml”][/instagram] 唔單只食物好食，有咁嘅水準，牛肉飯價錢卻相當親民，抵食！ 大丼家燒烤牛丼專門店 地址：荃灣眾安街68號荃灣千色匯II期地下G1-2號舖

    author