Open Tour
如果想喺假日親親大自然，元朗呢個小白兔農莊係唔錯嘅選擇 農莊超過十萬呎，入面有大量戶外遊樂設施，包括︰木製秋千，繩網陣、滑草板等等 入面嘅大草地更超過五千呎，而且仲有工作坊、手工藝區 好適合一家大細/同另一半齊齊去玩返一日！ 佢哋更推出咗小白兔農莊半日體驗套票，可以喺區內玩足5小時 套票包咗每位一份寵物飼料，同埋自選一個30分鍾嘅手工藝工作坊 可以一邊親親兔仔，一邊玩埋其他設施 行程更設廣東話導覽，小朋友亦可以認識到農莊入面嘅小動物！ 大家只需去到錦上路西鐵站D出口集合，就會有包單程交通到小白兔農莊 現場亦會提供免費泊車，好貼心！ 而且仲包埋午餐，同送你小白兔紀念品一份，可以輕輕鬆鬆咁過一個開心假期。 元朗小白兔農莊 地址：橫台山永寧里芝麻嶺1号, Pat Heung 訂購連結： 立即訂購
喺香港容許主人同狗狗一齊入住嘅酒店並唔多，而今次香港維港凱悅尚萃酒店（Hyatt Centric Victoria Harbour Hong Kong）就推出超貼心「毛孩放電假期」住宿體驗～ 各位狗爸媽可以一邊享受假期，一邊帶毛孩放電！ [instagram photo=”CB0BCx2juH4″][/instagram] 「毛孩放電假期」住宿體驗一晚房價只需$999（連加一服務費$1,099）， 就可以帶埋狗狗一齊入住標準大床客房，或者標準雙床客房！ [instagram photo=”B2vrA8eD6Ps”][/instagram] 如果加多$150，仲可以升級至海景大床客房，或海景雙床客房！ [instagram photo=”CBQi5eQpnzW”][/instagram] 每間房最多可以帶兩隻狗狗，額外嘅第二隻狗狗需另付$299＋10%服務費～ [instagram photo=”B-eQ4z7jfRU”][/instagram] 酒店會提供舒適狗床～ 再送毛孩歡迎禮包一份！ 包括狗狗零食、食物碗、水兜、除臭去污抗菌噴霧、寵物清潔用品、 希爾思寵物食品$40現金券同ePet.hk $50現金券，真係超豐富吖！ [instagram photo=”CAnW8VvDonf”][/instagram] 另外，酒店會開放西座3樓嘅Upper Farm大草地（需視乎場地供應及天氣而定）， 俾狗狗盡情奔跑「放電」～ [instagram photo=”B-4J044DB1Z”][/instagram] 主人亦可以喺酒店咖啡廳The Farmhouse嘅戶外平台，同狗狗一齊食自助餐（需額外付費，於入住前一天預訂），仲會有7折優惠！ 計晒雙人一晚房價、兩位自助晚餐、帶寵物入住，最平$1852、即係平均每人$926就住到～ [instagram photo=”B_FA2vTDQwN”][/instagram] 有興趣去Staycation放鬆一下嘅狗爸媽，就快啲去官網到睇睇喇！ 香港維港凱悅尚萃酒店 Hyatt Centric Victoria Harbour Hong Kong 地址：香港北角北角邨里一號 適用入住日期：2020年7月1日至2020年9月30日 網址：香港維港凱悅尚萃酒店
每次去台灣想睇一大片嘅羊咩咩就要大老遠去清境農場， 依家唔洗啦，新北大都會公園有羊群出沒！ 放眼望去，大草地上都係白色一團團嘅小綿羊嚟㗎~ 行近啲睇先，咦唔識郁嘅!? 其實呢60隻綿羊係藝術家蔡坤霖嘅作品《詩步領羊》，之前喺台南、高雄展出，依家喺台北三重就可以睇到啦！ [instagram photo=”B7OHizilR-G”][/instagram] 可以同可愛嘅小綿羊留影，仲有青蔥嘅草地做背景~ [instagram photo=”B67rVJEF6rw”][/instagram] 仔細睇，每隻羊嘅樣都唔同㗎！ [instagram photo=”B7YYq8IHmvB”][/instagram] 而且體重20公斤以下，更可以坐喺羊仔身上影相，但都要小心唔好破壞展品~ [instagram photo=”B67nqdhJ7dI”][/instagram] 綿羊屁股同哥基屁股相映成趣，可以帶埋寵物一齊嚟睇添呀，呢到嘅羊仔唔會同狗仔打交XD 《詩步領羊》 地址：241台灣新北市三重區疏洪東路一段 新北大都會公園 （捷運三重站1A出口）
全港獨家水晶雙層巴士，用創新方法、舒適空間和特色美食帶你遊香港。 港人限定優惠，持香港身份證人士， 訂位時輸入『OpenHolidays』優惠碼，即享75折優惠! 特價：$285/一位 (原價：$380) 訂位及包車詳情：www.crystalbus.com.hk =============== 咁靚嘅樓梯畫，唔一定要去旅行先搵到嘅，油麻地就有喇~ 而且附近原來仲有一個隱世嘅空中草地! 眾坊街花樓梯、油麻地配水庫休憩花園、京士柏公園、果欄，你會發現到油麻地到處都各有特色! 小編：Jaime（IG: jaimehomusic） ==================== 1. 眾坊街花樓梯 由OMNI ART畫的彩繪花樓梯，為社區添上色彩。不同的花卉各有美態，而且總共有六幅可以影相啊! 六幅樓梯畫當中嘅主題畫：「奇花」 以向日葵做背景，正中間畫咗主角─奇花，細心啲睇，其實佢係集合咗不同花朵而成架! 其他樓梯畫嘅花卉，包括有女士最鍾意收到嘅紅玫瑰~ 淺紫色嘅鬱金香~ 藍紫色嘅薰衣草等。小編個人就最鍾意呢幅啦! 呢度真係啱哂女仔嚟打卡~ 地址：油麻地眾坊街80號 =============== 2. 油麻地配水庫休憩花園 + 京士柏公園 油麻地消防局左手邊有一條唔覺眼嘅樓梯，一路行上去到頂(唔停嘅話行幾分鐘就到)，就會到達油麻地配水庫休憩花園。 有一大片草地! 週末可以野餐~ 可能唔係好多人知油麻地有呢個空中草地，雖然空間唔算非常大，不過勝在人流較少。 緩跑徑不時有人練習跑步~ 在另一邊有樓梯落返去京士柏道，對面就係京士柏公園。 公園環境優美，而且竟然有網球場! 園內有一個以月球作主題的兒童遊樂場。 好似月球表面嘅坑紋，就咁望好似普普通通，但估唔到坐喺坑洞上影出嚟效果真心好特別! 另一邊仲有火箭添! 淡藍色嘅園型構圖，同樂華南邨停車場天台有異曲同工之妙! 油麻地配水庫休憩花園 地址：油麻地京士柏道 京士柏遊樂場 地址：油麻地京士柏道23號 =============== 3. 油麻地果欄 不妨仔細搵吓，可以搵到屬於油麻地果欄特色嘅馬賽克壁畫、塗鴉。 有啲菓欄嘅店舖鐵閘甚至會畫上塗鴉，幾有生氣! 野生捕獲Mr.Bean! 地址：油麻地新填地街202號 =============== 放假去邊 更多好介紹: 快啲like我哋Facebook 同follow我哋Instagram啦! […]
