Open Tour
潮流玩具平台 kkplus 繼 7 月旗艦店開幕後再爆新驚喜予各香港潮人，聯 乘品牌 POP SUNDAY 於 10 月 22 日至 11 月 9 日期間於朗豪坊攜手帶來「KKPOP WEEKEND」。正式授權的多款「天線得得 B」系列藝術玩具全香港首次發佈，並會獨家展示以往人氣作品！同場加 映本地人氣設計師 Foon Wong 筆下的原創得意貓仔角色 「功夫三腳貓」，擁有三隻腳又精通獨門武 功的「功夫三腳貓」與多個藝術作品共冶一爐正式登陸 kkplus！ 1.8 米高 1:1 Lala 坐鎮復古的士高 Disco 作主題的作品展任您打卡~ 天線得得 B Super Star 明星系列塑像 由當代潮流玩具品牌 POP SUNDAY 獲得 Teletubbies 天線得得 B 正式授權，推出高約 25- 27cm，以 PolyStone 質感呈現的塑像，圖中可見四 位主角身上的裝束滿佈閃亮質感材料，以 Disco 風 為全新概念演繹這套無人不知的經典兒童特攝劇。 *現已於 […]
亞洲首個ART TECH藝術展即將登陸中環，今次展覽將展出多個著名藝術作品，多半以沉浸式（IMMERSE）展覽為主，除咗展出多位外國著名藝術家作品，亦都有本地創意藝術家、攝影師、插畫家作品展出，仲有頭戴式VR可以玩埋，場地共有5個區域，包括IMMERSE ZONE、PRESTIGE ZONE、PIONEER ZONE、VIRTUAL ZONE。即刻睇詳情喇！ IMMERSE ZONE 沉浸式展覽 土耳其多媒體藝術家Refik Anadol，擅長結合光線投影、沉浸式裝置及現場試聽表演融入作品中，多數以流動式素材作為主要題材。 同場更有多倫多藝術家KRISTA KIM，擅長打造NFT藝術裝飾，著名作品係Mars House，更於年初以400萬港幣售出全球首間虛擬房屋。 PRESTIGE ZONE 展覽除咗有外國藝術家，更有自稱「九龍皇帝」街頭塗鴉本地藝術家曾灶財自創嘅「曾氏書法」。 PIONEER ZONE 本地藝術家Tommy Fung 以香港著名景點融入本地時事、生活，以超現實攝影配上改圖，引起公眾共鳴。 VIRTUAL ZONE 仲可以玩埋VR。 「Digital Art Fair Asia」藝術科技體驗展 展覽舉行日子：2021年9月30至10月17日 公眾展覽：2021年10月3日至17日 地址：香港中環皇后大道中59至65號泛海大廈 購票連結：按此 圖片來源：@refikanadol、@king_of_kowloon、@surrealhk、Digital Art Fair、
平時放假唔知去邊好？不如一家大細去尖沙咀藝術館睇展覽喇~可以陶冶性情同埋增加個人藝術修養。 呢個絕對係香港藝術館近期大熱展品-《雲》 亦都可以行上一層，用另外一個角度欣賞呢件作品。 呢度仲有個落地玻璃窗可以俾大家打卡，由高空望落去舊雲頂。 仲有個位置都可以向海打卡。 而呢覆滿佈12個圓球嘅畫作係來自劉國松創作嘅《動耶？靜耶？》。 除咗以上呢啲，仲有個時裝藝術展《NOT a fashion store！不是時裝店》 仲有個書齋同庭園場景，文青必到打卡位，現場更設有文房四寶俾大家欣賞下。 大家都可以透過AR技術，身臨其境，感受文人生活。 香港藝術館 地址：尖沙咀梳士巴利道10號 圖片來源：@bellaismeow、@hkmoa、@secret_kdiary
疫情下冇得出國，但成日心郁郁想去旅行？ 不如去尖沙咀富衛1881公館，體驗一下本地特色遊啦！ 一個地方有齊美食、靚景、藝術展覽，仲有激多影相打卡位～真心勁正！ 遊覽之前可以先去主打特色古典中菜嘅「后園」餐廳品嚐精緻點心～ 特別推薦麻辣濃湯小籠包！小籠包皮簿餡靚、肉汁鮮濃，麻辣味道夠晒特別！ 餐廳嘅松露野菌水晶餃、野菌素腸粉、露筍鮮蝦餃、高湯牛肉丸，同樣值得一試！ 唔單止味道出色、賣相一流，食落仲超有驚喜啊～ 食飽飯可以行下期間限定舉辦嘅「富衛保險：敢樂藝術‧敢闖人生藝術展」，有15位本地藝術家嘅作品展出！ 展覽分為三個專區，分別係「照片區」、「互動區」同埋「體驗區」各有特色㗎～ 展出嘅精彩藝術品包括：經典霓虹光燈招牌 「城市之光」、彩色水泥牆「幻」、彩繪壁畫走廊「塗鴉星球」等等～ 亦都有VR互動展品，例如位於走廊嘅「探索號」，啱晒一家大細！ 大家仲可以利用AR特效濾鏡，同藝術作品瘋狂打卡添！ 欣賞完藝術展覽，不妨去試埋輕法式餐廳「ODEA」全新推出嘅清新果香主題下午茶～下午茶超豐富！ 甜點有白桃椰子奶凍、柚子芒果撻、車厘子開心果法式蛋糕等等… 鹹點就有法國芝士提子撻、日本牛肉及椰子泡芙等等～ 仲可以加配以果味特調雞尾酒「Clover Club」或者冇酒精嘅「Lady Rose」，等大家一齊享受洋溢果香嘅午後滋味～ 富衛1881公館前身係水警總部，現轉型為文化地標！ 呢幢充滿濃厚殖民地建築風格嘅百年古蹟，周圍都係等你發掘嘅打卡位～ 留喺香港都可以好好玩！快啲約埋好朋友，一齊去富衛1881公館體驗本地特色遊啦！ 富衛保險：敢樂藝術‧敢闖人生藝術展 日期：即日起至10月25日* 時間：上午10時至下午10時 地點：「1881」廣場及富衛1881公館 *「互動區」及「體驗區」展品將展出至9月30日 富衛1881公館餐廳： ODEA、后園、The Steak Room及The Cell Whatsapp訂座及查詢：+852 6737 0980 The Araki 查詢：[email protected]
東京都美術館即將會喺2018年10月27日正式開展！ 主題為『孟克展－引發靈魂共鳴的吶喊』～ 今次展覽中最令人期待嘅，一定係同超人氣《寵物小精靈》系列合作～ 推出結合挪威藝術家 Edvard Munch 名畫《吶喊》元素嘅寵物小精靈集換式卡片遊戲紀念卡！！ Edvard Munch作品《吶喊》 （Source: Wikipedia） 呢一系列卡係以最知名畫作《吶喊》為基本插畫，保留獨特嘅油彩線條～ 再將傻鴨、比卡超、伊貝、謎擬Q、木木梟加入畫中～ 有可愛嘅，亦有恐怖嘅～ 值得一提，傻鴨造型真係同原畫好夾，「被嚇到」嘅感覺好真實啊！ 天空、面容完全被扭曲！好不安啊！ 除咗寵物小精靈集換式卡片遊戲紀念卡之外，仲有好多周邊商品添！ 好想買嚟做手信啊！ 紀念卡片入手方式 比卡超：稍後公佈 謎擬Q：附錄喺「寵物小精靈集換式卡片遊戲 迷你卡片收藏冊 吶喊比卡超/伊貝」 傻鴨、伊貝、木木梟：由2018年11月2日起於 Pokemon Center / Pokemon Store，凡購買兩包寵物小精靈集換式卡片遊戲嘅「擴張包・強化擴張包・高級包」，就可以揀一張作為贈品。 寵物小精靈集換式卡片遊戲 迷你卡片收藏冊 吶喊比卡超/伊貝 ポケモンカードゲーム ミニカードファイル 叫びピカチュウ/イーブイ INFO. 售賣地點：Pokemon Center Online、東京都美術館 開售日期：2018年10月27日 零售價：450日圓+稅 ムンク展―共鳴する魂の叫び 展覽日期：2018年10月27日至2019年1月20日 展覽地點：東京都美術館「企画展示室」 展出時間：早上9:30至下午5:30（逢星期一休息；最後入場時間為下午5:00） 門票種類：預售票 / 當日票 / 團體票 (20人以上) Photo Credit: pokemon-card.com […]
