Open Tour
小朋友返學之後大部分時間都坐喺室內聽書。 趁假日，不如帶小朋友離開書本，親身接觸大自然，感受葉脈啦~ 愉景灣有多條遠足徑適合一家大細同遊 行山過程中既可以享受親子時間，仲可以培養子女對大自然嘅認知與感悟，幫助小朋友嘅個人成長！ 週末假期去愉景灣順便影吓靚景啦！ 【The Best of Autumn @ Discovery Bay – A Lesson in Nature】 Kids are back to school, spending their time studying indoors. You can’t learn everything from books however, time to enter the outdoors and have a breath of true nature! Discovery Bay is crossed with many scenic hiking trails […]
大埔美食多，景點都多! 舊大埔警署、香港鐵路博物館、大埔海濱公園，三個景點，夠你又食又影足一日! 圖/文 : Jaime (IG: @jaimehomusic) [youtube youtubeurl=”g4xpN3cOiKk” ][/youtube] 1. 綠匯學苑(舊大埔警署) 舊大埔警署經活化後，成為推廣低碳生活嘅綠匯學苑~ 係一級歷史建築~ 走廊當然係打卡位啦~ 文物展覽室入面保留咗警署嘅設施，例如報案室、羈留室及槍房等 嘜頭相! 記得正面同側面都影呀~ 開放時間：10am-4pm，4pm停止遊客入場登記 休館日：逢星期二及特定日子(留意官網) 地址：大埔運頭角里 11 號 前往方法：港鐵大埔墟站A2出口，步行10分鐘 或乘搭巴士於大埔廣福道巴士站下車，步行10分鐘 ============== 2. 香港鐵路博物館 位於大埔墟市中心，係舊大埔墟火車站原址上改建而成嘅戶外博物館 鐵道唔係淨係去台灣先影到~香港都有㗎! 火車站於1984年被列為法定古蹟~ 1911年的普通等車廂~超懷舊 1974年的普通等車廂 車卡灰灰沉沉咁，小編突然靈感一閃，扮下屍殺列車都幾過癮！ 1964年的頭等車廂 注意車卡入面唔可以影婚紗照、畢業照，同埋喺室外地方唔好用腳架啊! 地址：香港大埔大埔墟崇德街13號 開放時間：星期一、三至日 10am-6pm、聖誕前夕及農曆新年除夕 10am-5pm 休館日：星期二（公眾假期除外）、農曆年初一及二休 ============== 3. 大埔海濱公園 大埔海濱公園係康文署轄下最大的公園。最出名嘅就係回歸塔~ 上去仲可以望住吐露港~ 呢條橋都好多人影相㗎~ 俾啲想像力! 似唔似富良野嘅七彩花田呢~ 地址：大埔大喜街 －－－－－－－－－－－ 放假去邊 更多好介紹: 快啲like我哋Facebook 同follow我哋Instagram啦!
每年秋季，除了紅葉當道，迪欣湖的粉紅色美人樹也默默地盛開了 有「美人樹」美名的迪欣湖絲木棉，於每年的11月份左右就慢慢變成粉紅色的樹，點綴了一整片綠林 秋天到，是時候拿起相機郊遊了! 小編 : My叔 (FB page: My叔 / IG: @ my.rilla) 於秋天開花的絲木棉，令秋天不再只有冷冷的色彩 踏入畢業禮季節，穿起畢業袍，同同學仔到美人樹下影畢業相是常識吧? 何歲尋找美人樹? 迪欣湖區內只有一棵美人樹，而且生長在一個比較不當眼的位置，所以想覓得美人，還得要花些少力氣! 當進入迪欣湖後，逆時針方向環湖走，當看到行車天橋(上圖)，便從橋底再往前走，到植物園附近就會看到。 雖然迪欣湖區內只有一棵美人樹，但迪欣湖綠草片片，打咭位還有很多! 雖然不像大棠紅葉林般滿天楓葉，但迪欣湖的大樹入秋後也漸漸轉為金黃色 配上迪欣湖得天獨厚的湖景，確是呃like景點之不! 到迪欣湖 又怎能不跟湖合照呢~ 迪欣湖四周都是自然山景，遠離城市，最適合用廣角鏡頭拍全景! 迪欣湖的白色欄杆和白色救生圈也是一大特色! 美人樹附近的地形也十分有趣，草地呈山谷狀，從遠處拍過去，會拍到有趣的地凹畫面 這類公園專用的椅子也隨處可見，想扮『阿甘正傳』也完全沒有違和感~ 11-12月亦是芒草季節，迪欣湖也能找到芒草的影子！ 雖然數量不多，得配合角度，仍能成功呃like~ 迪欣湖四周都是草地，野餐也不錯啊! 但切記要帶走自己的垃圾，愛護湖區~ 迪欣湖 前往方法：乘港鐵到迪士尼站下車，跟著指示牌走，大概15分鐘的路程 小編建議可以踏單車前往，享受秋遊樂趣 攝影：Anthony & Shawn (ig @anthonyxshawn) – – – – – – […]
鹿頸至谷埔，係極易行嘅郊遊徑！ 如果你都好似小編咁平時冇行開山，呢條路線就啱哂你喇，幾乎全程都係平路～爽！ 周圍有山、有水、有紅樹林、重點係有蘆葦草!! 點影都勁靚～打卡無難度！ [youtube youtubeurl=”r7jQZVkHoYw” ][/youtube] 文 : Jaime (IG: @ jaimehomusic) －－－－－－－－－－ 嚟到鹿頸，當然要試食BB開心茶座~ 金牌鹽焗雞麵 英式全日早餐 經新娘潭路，沿海邊步行。望到發記士多茶座就轉左繼續前行 成條路都係沿住海邊行，風景勁靚！小編都係一路行一路影～ 係紅樹林呀！ 其實紅樹林除咗靚，對大自然非常有用，包括維持海洋生態系平衡、鞏固海岸、過濾污水。除咗影相，順便認識下生態都唔錯架！ 真係隨便一個景都好靚！(心心眼) 企上岸邊嘅大石，又有另一番風味～ 其實有啲似濟州島嘅龍頭海岸，令小編勾起去濟州島嘅回憶啊！ 到咗谷埔喇，真係好靚呀～ 期待已久嘅蘆葦田出現了！ 必影T10碼頭！ 其實前面路段都有一個T11碼頭㗎，不過果時太多人小編就無影。 冇影碼頭就唔算嚟過谷埔！ 小編當日三點幾、四點先開始行，實在係太遲起行⋯ 5:45pm回程時天已經黑哂，沿途冇燈，靠電話開燈先睇到路。 高速出返鹿頸小巴站果度，6:30pm有成100個人排緊小巴條隊，天啊！！！！ 小巴司機落嚟數人數，話會安排小巴俾我地，但都係等超耐架，因為本身56K就係10-30分鐘一班。 結果，小編等到8pm先上到車⋯⋯⋯ 所以，大家一定要早啲去，同要帶定電筒傍身呀！ 鹿頸 地址：船灣新娘潭路鹿頸路 前往方法：港鐵粉嶺站C出口乘搭56K小巴，於總站下車 郊遊路線：由鹿頸村至鳳坑村至谷埔村的一段吊燈籠徑 路程：慢慢行影相的話，路程來回三個小時左右 – – – – – – – – – – – – – – – – […]
唔講唔知，原來坪洲面積得三分一個長洲咁大! 就係勝在島仔細細少啲人，真係好舒服~ 推介俾大家去hea大半日! [youtube youtubeurl=”Tfg2JB8ZqrE” ][/youtube] 文 : Jaime (IG: @ jaimehomusic) 六七十年代係繁盛嘅商業中心，所以好有懷舊特色! 例如坪洲石屋、天后宮都係香港三級歷史建築物~ 行入內街，周圍都係呢啲懷舊鐵閘~ 坪洲有幾間有名冰室，今次就試試好受歡迎嘅蝦多士啦~ 祺森冰室 地址：坪洲永安街3B地下 蝦多士餐 全日早餐 金源冰室亦係坪洲另一老字號冰室，由一個家庭經營，非常親切! 坪洲永興街15號地下 公司炒通係招牌菜之一，大雜燴得嚟好入味~ 奶茶紅豆冰 (好少地方有架!) 金源冰室正旁邊，就係單車出租店 不妨考慮下單車遊坪洲! 老闆話1個鐘咩都夠，小編試過，1個鐘真係好夠! 沿住志仁街，行到篤就係東灣~ 沿路見到有間粉紅色嘅學校，忍唔住要影相! 有山有海有沙灘，點都要影下照騙…. >> 石澳10個影相位! 影盡歐陸彩色小屋 沙灘旁係悅龍聖苑，又叫龍母廟，可進內參拜 跟住就出發去手指山、銀洲仔亭。呢條路線喺行山嚟講真係極短程，而且輕鬆! 都幾易搵嘅，公廁嘅左後方就係起點啦~ 見到分岔路，左邊上就行三百幾級樓梯，想舒服啲可以行右邊上去，路面較平 話咁快就上到95米高嘅手指山! 向下行就可以去到180度海景嘅銀洲仔亭，又稱天涯海角。 遠處係愉景灣、青馬大橋、尖沙咀、中環~ 行到入去果吓，小編真係覺得有啲似去咗世外桃源⋯⋯ 落山之後又再食~ 蕃薯、魷魚都炸得勁香勁脆! 堅好食! 炸蕃薯 $8, 炸魷魚$8 華記小食 地址：坪洲志仁里2B 號地下 食完野去返碼頭，沿海邊行去坪洲嘅西北面－大利島 呢度啱哂睇日落~~~~ […]
愉景灣位於大嶼山東北部，係個充滿異國風情的渡假式休閒社區。 想悠閒過一日，嘆下靚景、影相、食嘢，可以用幾小時漫步愉景灣； 鍾意行山，可以行老虎頭郊遊徑去梅窩，或由梅窩出發到愉景灣－俯瞰愉景灣全景亦得！ 今次介紹景點有：愉景廣場、愉景灣美食廣場（D’Deck）、大白灣沙灘、愉景北廣場、海濱白教堂、神樂院⋯⋯全部都係影相位㗎！出發！ 小編 : Jaime (FB page: Jaime Ho / IG: @ jaimehomusic) －－－－－－－－－－ 愉景灣碼頭 無論係由中環搭船，定係搭巴士入嚟，都能到達愉景灣碼頭。 神樂院 由愉景灣碼頭總站，折返路口左轉愉景灣道東到稔樹灣。前往神樂院方法有兩種，可以沿沙灘後方的村徑直行，路程半小時；或者在街渡碼頭乘搭來往坪洲與愉景灣的渡輪，但要留意班次是否途經神樂院。 熙篤會聖母神樂院係一座天主教隱修院，參觀時請保持肅靜。上山路途設有紀念耶穌受難的苦路十四處，在樹木上掛有十字架、畫像。以聖堂、小花園、宿舍為主體建築。 小花園內有聖母亭，風格中西合璧，中文對聯同拉丁文都寫有「出入平安」的意思。 愉景廣場 幾乎每個月的第二個星期日都會有週日露天市集，時間大約係11am-6pm。 臨海露天美食區 D’Deck 喺愉景灣碼頭旁邊嘅D’Deck，匯聚多國主題食肆，坐喺室外真係好chill~有啲餐廳可以望到180度海景㗎～夜晚仲會睇到對面迪士尼嘅煙花！ Zaks Mix Berry Smoothie $48、 Zaks Skins 招牌焗薯皮$98 薯皮加上香脆煙肉及芝士，配上三種醬料，當中有小編最愛的酸忌廉！小編自問個胃都幾大，但一個人食哂呢份薯皮真係幾飽！就咁睇以為少少地，其實份量其實都好多㗎！ 地址：愉景灣D’Deck 地下G04及1樓103 營業時間：星期一至日: 07:00-23:00 Coyote Mexican Cantina (墨西哥菜) 朱古力餅配雪糕及朱古力醬 Ibarra Fudge Brownie Bites $65 濃厚暖朱古力餅，配雲呢拿雪糕及朱古力醬～朱古力餅幾有口感，入面有朱古力粒，但略嫌有少少甜！兩個人share就好啲！ 今個月嘅cocktail推介－Very Berry Daiquiri $68 由百加得白朗姆酒(Bacardi […]
11月又到了，是時候去賞芒草～ 講起芒草，好多人都會即刻想起大東山～ 不過大東山比較難行，對新手來說可能有點吃力 … 又想睇芒草、順便影幾張女神相呃Like，但又不想太辛苦？ 馬鞍山昂平幫到你！ 文: 嘉儀 (IG: @ chongkkayee) 由馬鞍山郊野公園燒烤場出發，沿路一直向上行就必定找到昂平平原！ 途中有不少路牌，不怕迷路之餘，更告訴你剩餘路程的長度及大概所需的步行時間！ 沿途景色不錯！同時可以親親大自然，欣賞樹木、各種花朵！蒲公英好靚啊～～ 意外發現！動物腳印！到底是何方神聖？ 邊行邊影相，好快就終點在望！ 有如仙景一樣的山頂啊～～ 小編作為行山新手，到達昂平平原也只是花了大約1小時15分鐘！ 平原不單是多人，更好多牛牛！要小心～ 切勿誤踩地雷！ 事不宜遲！即刻賞景、賞芒草，兼瘋狂影相吧！ 還會拍到幾個好小的滑翔傘～ 全盛時期可以看到天上同時出現6個滑翔傘！ 其實芒草不算多、不至於滿地皆是～ 不過只要選對位置，仿如置身芒草海無難度！（看起來超誇張哈哈哈！） 山頂比較大風，如果想野餐、甚至露營過夜的話，記得要帶多件外套！ 重點是超級大風十分影響女生們拍攝哈哈哈～ 小編就是失敗的例子 …… 平原中有棵小樹，所以顯得相當突出！ 難得遇到一棵極容易攀的小樹，頑皮小孩馬上出動～ 旁邊還有大金鐘，行山高手可以一戰！ 小編自問無能為力…… 所以影完相就準備落山了～ 新手建議原路下山，沿路更可以望到夕陽！ 路線：馬鞍山郊野公園 到 昂平營地（平原） 時間：約1.5小時 活動：行山、野餐、露營、滑翔傘 交通： 1. 步行：馬鐵恆安站出發，到馬鞍山郊野公園，需時約1小時 2. 的士：馬鐵恆安站出發，乘的士到馬鞍山郊野公園，需時約10分鐘（車費約$30） 3. 村巴NR84號：馬鐵馬鞍山站（新港城）出發，乘村巴NR84號，於郊野公園站下車 ＊村巴班次較疏！需預先查清楚村巴上山、下山的班次時間表 – – – – – – – – […]
