呢間狐獴Cafe離弘大購物商圈好近!!好易去～～ 行街行到悶，不妨上去親親小動物！ 平日我地好難見到嘅稀有小動物，例如：浣熊、北極狐、袋鼠等等，入面都可以見到，仲有得同佢地互動添啊！ 超可愛狐獴BB~~~終於可以一睹丁滿嘅真身啦!!! 佢地成日都企到好高，望出面嘅野，超八掛！ 企得好直！！ Cafe入面有個狐獴嘅專屬區，只要排隊就可以入去同佢地玩10分鐘啦~~ 入到去會有好多隻狐獴仔圍繞住你~~ 超乖啊！！佢地會訓係腳中間 好嗲～～佢地似乎都好鍾意比人摸 佢地會慢慢爬上你身要你摸佢!! 而呢到嘅浣熊會周圍走，任摸任抱都得！ 浣熊超為食～會周圍問人攞野食!! 伸到隻手好長！！ 連稀有小動物北極狐都有啊！！ 唔止可以餵佢食野，仲可以同佢錫錫添！ cafe入面仲有好多唔同嘅小動物，袋鼠同豹貓都有 不過入面就只得樽裝飲品，無食物㗎！所以最好食飽先去啊～ ============================== Meerkat Cafe (미어캣) 地址：首爾麻浦區臥牛山路 21段 19-12號3樓 서울시마포구와우산로21길19-12 3층
