日本經常都有針對寵物嘅product，簡直就係將寵物捧到上天~ 最近又新推出咗銅鑼燒造型嘅貓床，可愛到爆炸！ 貓床嘅設計以銅鑼燒為原型，中間有開洞比貓咪可以捐入去~ 依家天氣凍咗，啱哂貓咪捐入去保暖 而且唔同色澤嘅貓咪捐入去都會變成唔同嘅餡XD 白貓係奶油餡，黑貓係芝麻餡，啡貓就係奶茶餡，成件事實在太可愛啦~ 而且銅鑼燒仲好貼心地有兩種顏色比你揀，分別係原味同士多啤梨味~ 仲有埋Size比你揀，大、細貓都包保你啱用！ 呢個「銅鑼燒貓床」喺官方網站Rakuten試過連續兩週排名人氣產品第一添㗎！ 屋企有養貓咪嘅主人快啲去買返個寵下家裡主子啦XD Rakuten 來源：
