Open Tour
唔少女仔對「公主」呢兩隻字都有不可抗嘅瘋狂！澳洲就有一間Cafe，以《美女與野獸》為主題，成間餐廳都裝修到童話世界咁～ 位於悉尼嘅The Grounds of Alexandria Cafe，今次係同迪士尼合作，為咗慶祝《美女與野獸》30週年而打造嘅一間cafe，入面超夢幻好似置身喺故事入面嘅莊園一樣！ 餐廳以華麗復古風為主，有超大奢華嘅落地窗簾同暗花裝飾嘅地氈。仲有唔少大書櫃，就好似喺城堡咁！ 當然唔少得貝兒同野獸嘅玻璃玫瑰啦！餐廳周圍都有好多鮮紅色嘅玫瑰！仲有經典玻璃玫瑰添，巨型玫瑰加上閃閃嘅燈光串，超唯美！ 除此之外，茶壺茶杯、鐘同燭台呢啲朋友仔都有喺餐廳出現㗎！ 環境靚之餘，食物都一樣咁靚！餐單係期間限定主題，必點椰子海綿蛋糕，以玫瑰同貝兒經典造型公主裙作設計，打卡必點！ 飲品都插上玫瑰～超貼題！ 可惜嘅係餐廳只係期間限定去到1月30日，如果唔係小編都想好似其他人着成貝兒咁去打卡潮聖！如果香港有機會有一間就好啦！ The Grounds of Alexandria Cafe 7a/2 Huntley St, Alexandria NSW 2015, Australia
今年係香港迪士尼樂園15周年，為咗慶祝呢件盛事 周大福喺樂園入面開設咗第二間分店「城堡珠寶店」，成為首間進駐奇妙夢想城堡嘅珠寶店 今次周大福仲會一次過推出以13個迪士尼公主同埋女王故事為主題嘅全新首飾，帶大家一齊進入童話世界！ 當中嘅「公主致敬系列」以多位迪士尼公主同埋女王嘅故事作為設計靈感，融入係珠寶首飾之中 系列包括咗多款造型別緻嘅吊墜、耳環、項鍊、手鍊，每款都有細節位代表唔同公主嘅獨特元素，夠哂夢幻！ 周大福更獨家推出一系列以奇妙夢想城堡同埋公主為主題嘅首飾同埋「迪士尼樂園」系列足金工藝精品金卡，高貴又得體！ 除咗咁多獨家貨品之外，城堡珠寶店以皇室華麗氣派同埋典雅色調裝潢， 大家可以喺店內欣賞歷來品牌以不同公主、女王 及主題電影作靈感製作嘅珍貴珠寶飾品， 好似去咗藝術館一樣！ 當中嘅《仙履奇緣》灰姑娘玻璃鞋絕對係必睇展品，玻璃鞋位於城堡珠寶店入口展廊旁邊， 玻璃鞋設計源來自2015年真人版《仙履奇緣》電影內灰姑娘嘅玻璃鞋，非常浪漫 另外亦有《美女與野獸》純金玫瑰 ，玫瑰花以純金打造，還原2017 年真人版《美女與野獸》電影中嘅玫瑰花，連比側都係1:1 仲有《阿拉丁》足金神燈擺件亦係重點展品， 同樣以以足金製作而成， 靈感來自 2019 年真人版《阿拉丁》電影，好夢幻！ 大家下次去迪士尼時，記得要去珠寶店行下！
太古城中心即將舉行迪士尼公主 LIVE YOUR TRUE SELF 主題活動！ 由10月30日起至11月22日喺太古城中心二樓中庭同中橋舉行，發揚「LIVE HAPPY」嘅品牌理念！ 今次總共有四位公主登場，包括︰灰姑娘、小魚仙、貝兒同長髮公主 每位公主都有佢哋嘅特式打卡位 例如灰姑娘體驗區就打造咗一條「星光堅毅之梯」，玩家可以喺指定時間內盡情跑動， 從而感受灰姑娘同時間競賽時所綻放嘅自信同堅毅，充滿正能量 而代表長髮公主樂佩嘅就有「魔髮天燈冒險」，大家可以喺天燈下自拍留念 貝兒公主嘅「善良可『瑰』庭園」有巨型光影玫瑰，一定會成為打卡熱點 鍾意小魚仙嘅你一定要去下「勇闖神秘國度」，保證你有驚喜！ 你只需即場訂閱太古城中心電子報同追蹤太古城中心Instagram，就可以換取迪士尼公主珍藏卡卡套 而玩齊四個迪士尼公主體驗區，即可收集當中四款限量版迪士尼公主珍藏卡！ 如果想獲得特別版珍藏卡，就需要參加消費熱賞換領活動 「LIVE YOUR TRUE SELF」活動只會進行一個月，場內更會有LOG-ON「迪士尼公主期間限定店」， 發售迪士尼公主精品，有啲仲係獨家商品！ 而太古城中心內全港唯一嘅LOG-ON Café亦會變身成迪士尼公主主題餐廳，一定令人少女心爆發 迪士尼公主 LIVE YOUR TRUE SELF 主題活動 日期：2020年10月30日起至11月22日 地點: 太古城中心二樓中庭及中橋
東京迪士尼樂園全新嘅“美女與野獸”主題世界即將喺今年9月28日開幕！ 由超大嘅粉紫色美女與野獸主題城堡到帶你坐上“魔術杯”， 感受貝兒喺野獸大屋嘅奇幻體驗，大家會完全投入神奇嘅故事世界當中， 仲有貝兒成長嘅小鎮特色嘅餐廳，真係好期待啊！ 除咗“美女與野獸”主題世界，仲有“幻想土地森林劇院”，“Baymax”主題遊樂設施同“米妮風格工作室”！ 呢個全新區域真係萬眾期待！ 遠處已經見到粉紫色嘅美女與野獸主題城堡！ 屋入面有燈光效果加埋實體模型令大家感受奇幻體驗~ 做得非常逼真！ 仲有“美女與野獸”主題餐廳！ 可以幻想自己化身貝兒~ 精緻到唔打卡都唔得啊！ 點少得賣主題紀念品嘅地方~ 紀念品都充滿浪漫嘅感覺！ 嗯……我諗佢都算係有魅力嘅奸角嘅~ “美女與野獸”又點少得玫瑰花~ “Baymax”主題嘅新遊樂設施“Baymax快樂騎行”！ 又係大家非常期待嘅設施之一~ 仲有爆谷專賣店“Big Pop”俾你邊食邊玩~ 玩到攰就去“夢幻土地森林劇院”睇吓劇~ 全新設計嘅《米奇的魔法音樂世界》故事~ 最後嚟埋“米妮風格工作室” 同米妮打吓卡！！ 東京迪士尼樂園新區“新奇幻樂園” 開幕日期：2020年9月28日（星期一） 電話：0570-00- 8632 網址：tokyodisneyresort 資料來源 : fashion-press
