Open Tour
日本咖哩連鎖店「CoCo壱番屋」同《新世紀福音戰士》合作推出期間活動啊！ 只要喺店消費滿指定金額，就可以獲得「COCO外賣車」一架～ 最正係有初號機、2號機、零號機、NERV 四種顏色俾你抽！ 而且用收據仲可以週邊抽獎活動添！身為EVA fans點會唔心動！ 竟然可以同EVA合作，真係心心眼！ 只要消費滿900円（含稅），就可以隨機獲得一架～ 而且有收據仲可以透過手機參加》週邊商品抽獎活動！ 除咗T-SHIRT，毛巾都好靚啊！ 充電器得50個名額咋！ 呢兩款可動公仔我都想要～ 抽到餐券都好好運啊！ 終極大獎係以Twitter轉發CoCo壱番屋嘅官方活動貼文，就有機會抽到呢架初號機配色嘅COCO外賣車！係真車啊！ 《新·福音戰士劇場版:│▌》X「CoCo壱番屋」合作活動 網址: ichibanya
連鎖快餐店/便利店換返嚟嘅玩具公仔氾濫，點算好？ 呢個星期日帶埋佢哋嚟南昌公園，參加「點子遊花園II：玩具反一番：一齊諗」❣️ 即場徵收連鎖快餐店/便利店嘅玩具膠公仔，回收後一齊諗諗點樣將佢哋重生！ 到時會喺公園放一個收集箱，大家可以喺箱入面隨意放／隨意攞一啲玩具膠公仔，最後睇吓自己放定係攞得多！？ 公佈結果之後，工作人員會將剩餘嘅公仔改裝成「工作坊」嘅材料，舉辦幾個工作坊環節，俾大家學學點樣發揮創意重用玩具！ 活動內容 遊戲時間： 12:00-13:00 – 玩具大曬冷、玩具大風吹、玩具層層疊 工作坊： 13:00-17:00 – 製作攤位、玩具鎖匙扣工作坊、逃出迷宮 活動連結： https://www.facebook.com/events/1257728351066165/ ⭐⭐備註：是次活動只收取／派發玩具膠公仔、不設其他玩具交換 ▲ 南昌公園《綠浪潮》藝術座椅 【點子遊花園II：玩具反一番：一齊諗！】 日期：10月20日 (星期日) 時間：中午12點 – 下午5點 地點：南昌公園 (藝術座椅《綠浪潮》附近草地) 地址：九龍深旺道20號 (南昌站D1出口) 費用：全免 資料來源：再生玩具店
