銅鑼灣新開咗間港式餅店，必試店內嘅菠蘿皮麻糬波波！外脆內軟，煙煙韌韌，真係望到都流曬口水…… 好想買返一打喺屋企一邊煲劇一邊食~ 另外抹茶味都唔可以錯過呀~ 仲有呢排人氣來布丁包~ 店內仲有多款麵包選擇，麵包控不容錯過！ James BonBon Bakery 銅鑼灣邊寧頓街9-11號登龍閣地下C1鋪 營業時間：星期一至日 0700-2230 圖片來源：@foodcafealcoholic、@@james_bonbon_bakery
位於天后水星街近日新開一間專賣刈包、手撕雞專門店，餐廳由兩位90後年輕店主主理，店主提及製作過程中無味精、無雞粉、少量製作，為求讓食客時刻品嘗到最新鮮嘅出品。刈包有四款口味，包括招牌滷肉、和風牛肉、八珍鴨胸同埋台灣腸口味，今次小編就揀咗招牌滷肉同八珍鴨胸試食，仲有椒麻手撕雞冷麵、手拍青瓜，非常惹味~大家想知仲有咩食，即刻睇內文喇！ 滷肉選用半肥瘦嘅五花腩，唔會肥膩~口感軟滑，配上自家製嘅醃蘿蔔，仲可以幫助解膩~ 八珍鴨胸刈包，鴨胸經過低溫慢煮烹調，再將鴨胸皮煎到金黃色，最後淋上八珍甜醋，酸酸甜甜~好開胃！ 滷肉飯，碗飯超足料，有溫泉蛋、肉鬆、醃蘿蔔蔥花、再配上珍珠米，粒粒飽滿香甜。 大家仲可以+15轉套餐可以加番指定小食同飲品一份，今次小編就揀咗桂花烏龍冷泡茶。 而呢款係椒麻手撕雞配自家製辣椒油，店主更採用採用2種不同辣椒調配出與眾不同嘅口味。 手撕雞配冷麵，辣得好過癮~相信各位嗜辣嘅朋友一定唔可以錯過。 手拍青瓜，食落非常爽脆！仲有幾款經典小食，包括蒜泥白肉、手拍青瓜同埋麻辣牛丸等等。 Bao.holic 刈包&手撕雞專門店 地址：天后水星街 27號泰華大廈地下S號舖 營業時間：12:00 電話：5543 4245
銅鑼灣呢間Pizza長期爆滿，門口長期都有人龍，傳聞係香港最好食嘅Pizza？ 小編覺得每個人口味都唔同，不過鐘意食Pizza嘅就建議唔好錯過呢間啦！ 呢間Pizza好足料，餅底鬆軟又煙韌，價錢都合理，幾抵食！ 香蒜芝士焗麵包($138)：呢個係店內招牌，蒜味香濃，同一般蒜蓉包唔同，配上芝士味道更加濃郁，口感更豐富！ 山洞人啖啖肉 ($198)：Pizza係用火爐燒，所以好香口。加上採用酸種麵團，食落鬆軟。大大塊又足料！ *Pizza可揀雙拼，咁就可以試多隻味， 除咗Pizza，意粉都值得一試！ 意大利雞肉茄醬意粉($148)：意粉掛汁，口感啱啱好，調味適中。 Mother of Pizzas 地址: 銅鑼灣禮頓道13-19號地舖 圖片來源：IG @food_stoppp @motherofpizzashk
唔知大家有冇諗生日去開邊度食飯呢？今次小編推介呢間位於銅鑼灣嘅意大利餐廳，連續五年榮獲米芝蓮評級，餐廳主打自家製意粉，並以正宗卡邦尼意粉作招徠，只利用蛋黃醬及芝士粉製作醬汁，值得一試，仲有紅蝦意大利粉、和牛千層麵都係店鋪人氣之選，大家如果都想上去試下，就記住要提前book位啊，呢間餐廳絕對係人氣餐廳，長期都一位難求。 西班牙紅蝦意粉，食得出啲龍蝦用上新鮮龍蝦，唔係雪藏嘢，而且入面仲有啲龍蝦膏。 傳統手造卡邦尼意大利幼麵，再配上自家風乾火腿。 手造和牛寬麵，都非常特別~ 澳洲M5和牛西冷，肉質粉嫩，好有牛味。 法式蘋果批配雪糕。 餐包。 Involtini Italian Cuisine 地址：銅鑼灣駱克道459-461號 The L. Square 11樓 電話：2658 2128 時間：12:00-15:00｜18:00-22:00 圖片來源：@igfoodtaste、@littlemsfoodie
早前韓國爆紅嘅2D打卡咖啡店，香港宜家都有啦，位於銅鑼灣春園街都有一間黑白手繪畫主題嘅餐廳，現場猶如置身漫畫場景中，從入門嘅樓梯、墻紙、檯布同整體裝修風格，令人有種天旋地轉嘅感覺，想知入面係點？即睇內文詳情喇！ 粉蝶花之丘，其實係一個漸變色嘅透明拉糖，下面係Brownie同忌廉混合，側邊仲有幾粒莓作為點綴，呢個影相打卡一流~ 嚟呢度可以揀食下午茶Tea set就有迷你朱古力糖果溫室、台式炸魚蛋、吉列炸蝦、柚子蛋糕、Mocha味蛋糕同藍莓乳酪蛋糕。 或者單嗌食物都得，自家製芝士牛肉漢堡同酥炸軟殼蟹意大利飯，俾大家一個影相Tips，大家影呢張相時候最好企起身影先可以見到檯布扭曲效果。 Tiramisu Coffee，係店舖招牌飲品之一，呢杯咖啡口感非常特別，飲落口感有微微咖啡酒同朱古力味。 室內每一處都係打卡位，檯凳、門同墻紙都容易令人產生錯誤視覺效果。 ULURU HK 地址：灣仔春園街1-11號春暉大廈1樓 營業時間：12:00-23:00 電話：2366 6448 圖片來源IG：@kingfoodies、@foodie.yvonne、@corgiwithfood