Open Tour
有咩簡單得過用電飯煲焗蛋糕？ 小編今日會同大家分享零失敗嘅韓式香橙蛋糕製作方法 一齊跟韓國人「매일맛나 delicious day」學嘢啦！ 電飯煲香橙蛋糕 食材： 班戟粉150g、忌廉芝士50g、糖70g、牛油50g、檸檬汁3匙、雞蛋2隻、橙2個 做法： 1.將橙洗淨，切成1.5cm厚 2.放牛油入微波爐融化 3.喺碗中加入忌廉芝士同埋糖，攪拌均勻 4.加入2隻雞蛋混合 5.加入剝去橙皮嘅橙肉 6.加入班戟粉、融化咗嘅牛油同3匙檸檬汁 7.喺電飯煲中塗融化咗嘅牛油 8.喺電飯煲中均勻撒糖 9.將切成薄片嘅橙放入電飯煲中 11.加入麵團 12.放入電飯煲煮20分鐘，完成後，將盤子放在電飯煲上並翻轉 影片來源︰매일맛나 delicious day
都市人生活好忙，成日都要出街食，難免食得唔健康， 所以呢幾年都多咗返工一族揀帶飯返公司，睇中呢點，日本電器公司 Thanko就諗到推出「單人便當盒電飯煲」，令一班打工仔自己煮飯都煮得快手方便~ 「單人電飯煲」嘅外形好簡單，以便當盒嘅形式整成，咁就可以落米一煲完就有得食~ 底部有插頭位置傳電，以加熱飯盒~ 佢運作嘅原理其實就係透過底部嘅強力加熱器加熱飯盒，再加上有側面嘅導熱材質，令熱力均勻地喺內部散播~ 短短14分鐘就可以將飯煮熟，仲快過你去個廁所，返到公司先煮飯都唔成問題XD 不過要注意嘅係加入嘅一定要係未洗過嘅生米，再按煲內指示加水，插電+開開關，過14分鐘就有得食啦！ 飯煲大概可以煲到兩碗飯嘅份量，成件事又快又方便，又洗少好多嘢，啱哂小編呢啲懶人！ 而且清潔嘅時候可以直接清洗飯盒，亦唔洗再洗其他容器，超實用！ 睇完連小編都對呢個飯盒好心動，有興趣快啲去Thanko官網選購啦~ 「單人便當盒電飯煲」 價錢：6,980日元 (~HKD$495) 發售網站：Thanko
日本人嘅創意真係好勁，由佢地嘅扭蛋玩具已經睇得出～ 日本推出咗款超級精緻嘅迷你電飯煲扭蛋，你以為己經好有創意， NoNoNo～ 更加有創意係網民之後用個電飯煲扭蛋裝糧食嚟喂鸚鵡， 個畫面真係超可愛，真係非常佩服網民嘅創意！ [instagram photo=”ByKTYOFhGq9″][/instagram] 一套六隻色嘅迷你電飯煲，超可愛！ [instagram photo=”Bx4wq1WnPOT”][/instagram] 而且做工一啲都唔馬虎，連個內膽都可以拎出嚟～ [instagram photo=”ByJImJnhq9x”][/instagram] 網民真係放啲飯粒入去玩，超搞笑～ [instagram photo=”ByzRGwol3zG”][/instagram] 但有人諗到用嚟喂鸚鵡，真係好勁！ [instagram photo=”BzEA6u8AKKr”][/instagram] 嘻嘻，真係好得意～ [instagram photo=”Bx9zCwXlksn”][/instagram] 鸚鵡:你哋唔好阻住我食飯啊！ 炊飯器型ケース 地點: 日本全國扭蛋機
