Open Tour
香港有好多又靚又好食嘅餐廳，而位於長沙灣嘅「Boholic」亦係其中之一 主打波希米亞打風嘅「Boholic」係一間打卡餐廳，店內有多個影相位，個個都充滿異國風情 一踏入店內就會見到懸掛嘅藤製吊椅，呢個係佢哋嘅招牌打卡位 唔少人都特意為咗呢個位嚟打卡！ 另外亦可以喺店內見到仙人掌小樹林、長椅等等，個個位都好唯美，好似去咗外國旅行一樣！ 「Boholic」同時亦係一間寵物友善餐廳，好多人都會帶埋毛孩一齊嚟 佢哋出品嘅食物都非常高質，外型靚之餘仲好好食 一般西餐意粉同輕食甜品都有提供，啱哂同另一半/好姊妹齊齊去！ 朱古力咖啡嘅拉花好特別！ 餐廳亦會不時推出鳥籠下午茶拼盤，呢個三兩層架下午茶勁受歡迎 想食就要預先同餐廳查詢啦！ 呢款「洛神花巴斯克烤微焦芝士蛋糕」都好好食，令人少女心爆發！ 咁吸引嘅餐廳，快啲約埋朋友去試吓啦！ Boholic 地址︰長沙灣福華街561號君凱豪庭地舖及1樓
泰國係個多國文化共融嘅地方， 位於芭堤雅嘅Noursabah就係一間混合咗泰國、阿拉伯、馬來西亞設計特色嘅酒店，由當地穆斯林創辦~ [instagram photo=”BcRvuY6AGjM”][/instagram] 酒店最有特色嘅係位於中庭嘅游泳池，大理雲石面嘅設計非常唯美~ [instagram photo=”B2s4K_zBjgT”][/instagram] 雖然泳池水好淺，真係想游水嘅去沙灘好玩啲，但泳池的確好靚啱哂打卡！ [instagram photo=”By36SpHjC_w”][/instagram] [instagram photo=”B2x_3r_BM01″][/instagram] 每間房房外都有小露台同枱凳，係個非常愜意嘅小空間 [instagram photo=”B2wnjwpBjfO”][/instagram] [instagram photo=”BzhjCutAiNF”][/instagram] 房內嘅浴室設計都好有格調，仲有浴缸添~ 臥室就處處都有好靚嘅雕花圖案設計 [instagram photo=”B5AMY7OBqCJ”][/instagram] 酒店只有20間房，房間面積都唔大，只有400幾呎， 但著重嘅就係個種異國氛圍與寧靜~ Noursabah Pattaya 地址：43/71 Pattaya Tai Soi 10, Bang Lamung, Chon Buri, 20150, Thailand 電話：+66 38 415 561 網址：www.noursabahpattaya.com/
