Tag: 香港小店

成日想食平啲，但驚中伏? 今次會介紹5間高CP值西餐俾大家，港九新界都有，快啲睇吓有乜好食啦！ Macky’s [instagram photo=”B9gKugOjtYk”][/instagram] Macky’s主打漢堡包同意粉，有時啤酒仲會有買一送一優惠，真係好抵食！ [instagram photo=”CBYcHtgDpsR”][/instagram] 作為港島區代表，咁平嘅價錢有呢個質素，唔掛得咁多人食啦 Macky’s 地址：中環威靈頓街76號地下 電話：62276444 / 61760821 營業時間：星期一至五、星期日全日休息 ========== Kubrick [instagram photo=”B4Haa1wD1J0″][/instagram] 喺油麻地百老匯電影中心隔離嘅Kubrick既係書店亦係Cafe！環境好靚！ [instagram photo=”B2J5VbZAaF6″][/instagram] 除咗意粉、漢堡，佢哋仲有咖啡同蛋糕供應，又平又好食～ Kubrick 地址：油麻地眾坊3號駿發花園H2地舖 電話：23848929 營業時間：星期一至日 ========== Fast Taste [instagram photo=”BMni_3HhXTn”][/instagram] Fast Taste係長沙灣特式小店，漢堡款式超多，啲芝士多到震 [instagram photo=”B_nOjz_FOxR”][/instagram] 仲有其他小食供應，全部都即叫即炸，好正！ Fast Taste 地址：長沙灣元州街482-492號金碧閣地下4號舖 電話：91233262 營業時間：星期一至日 ========== Cafe Swan 咖啡灣 [instagram photo=”BermdSlgL98″][/instagram] 呢間餐廳喺粉嶺、太和同荃灣都有分店！ [instagram photo=”B_uzD18DUO7″][/instagram] 佢哋仲有好多特式甜品供應，呢個窩夫都好吸引～ Cafe Swan 咖啡灣 粉嶺店地址：粉嶺新運路33號粉嶺中心2樓219-221號舖 […]

By staff5

September 12, 2020August 5, 2022

大家有無試過買衫時遇到不愉快經歷？甚至因為身型/年紀，而俾店員無禮對待？ 買得唔開心之餘、仲搞到個人好自卑，從此唔敢亂去買衫～ 小編最近喺灣仔發現咗一間時裝小店「Sabah fashion」，入面有好多唔同款式嘅靚靚女裝！ 最好笑係，呢間舖頭嘅店主勁痴線，仲自稱「痴線店主」～～ 成個傻大姐咁嘅老闆娘，15年前喺灣仔一手創立Sabah fashion～ 雖然舖頭細細，但五臟俱全！無論你係咩身型，「痴線店主」都可以幫你襯到一套適合你嘅衫～ 店主仲會定期喺Facebook專頁做直播，傾吓計、講吓襯衫，有好多Fans㗎！ 小編覺得呢度最吸引嘅地方，係店主嘅熱情同聆聽～ 無論你係想搵人傾計、定係有任何嘢想分享，你都可以Whatsapp或者直接嚟Sabah fashion搵老闆娘！ 比起一般舖頭只係買完就走嘅購物經驗，呢度更有人情味～ 店主覺得可以同客人一齊扮靚、傾計，係佢最鍾意做嘅事～ 更加想透過時裝穿搭，話俾大家知：只要你個人夠開心、有自信、心態正面，無論任何身型及年紀，著衫都一樣咁靚！ 今次「痴線店主」就分享咗8款靚靚穿搭，例如「青春氣息」、「OL大愛」、「百搭舒服」、「顯瘦Cutting」呢四個系列！ 呢套「青春氣息」嘅服裝色彩盡現，俾人一種活潑嘅感覺！ 而「OL大愛」嘅呢款連身裙簡單易著，咩場合都襯到 「百搭舒服」嘅系列可以襯返長褲，打造輕鬆自在嘅感覺 「顯瘦Cutting」就可以揀返一啲高腰裙，拉長身型比例～ 如果你都想認識吓呢個「痴線店主」，就快啲去Sabah fashion嘅專頁讚好、睇吓佢哋嘅直播，吸收店主嘅正能量，齊齊扮靚啦！ OpenHolidays 嘅讀者仲有獨家優惠！只需喺我哋Facebook帖文中留言「 BL」即可享「買滿$300減$50」優惠～ 都想享受你嘅Beautiful life？快啲留言拎coupon啦！ Sabah fashion 店舖地址：香港灣仔灣仔道124號地下3號舖 電話查詢：6543 2292 Whatsapp：https://wa.me/85265432292 Facebook專頁：Sabah fashion Wanchai HK

By staff5

August 24, 2020August 5, 2022

香港傳統麵包老店愈嚟愈少，但最近就有一間麵包店「森林麵包」喺疫境下開鋪 由多位本地大師傅親自助陣嘅「森林麵包」特意選址前身經營近 30 年嘅老字號麵包店「新雄雞」， 希望以味道傳承近失傳嘅本土麵包手藝，鍾意食舊式麵包嘅朋友一定要留意！ 新店糅合傳統同創新元素，特別製作咗一系列打卡必食包點，好似呢款全港最「流」爆醬飛碟包咁！ 麵包店重新設計買少見少嘅傳統港式麵包「飛碟包」，喺包內加入咗爆醬流心餡，每日限量 100 個，賣完即止 「飛碟包」仲有多款口味，有 OREO、阿華田、鷹嘜煉奶同宇治 抹茶味，聽到都想食呀 至「脆」菠蘿 方包亦全新推出 3 款口味，包括黑芝麻湯圓菠蘿方包、別宇治抹茶紅豆菠蘿方包同埋紫薯菠蘿方包 鍾意食芫荽嘅你亦可以試吓呢個芫荽蒜蓉包，保證會衝擊你嘅味覺！ 當然唔可以錯過勁邪惡嘅芝心拉絲菠蘿包，外酥內嫩加埋咸香芝士，咸咸甜甜勁好食 店鋪亦好貼心地推出咗居家抗疫必試 D.I.Y「冷凍菠蘿油」， 師傅先將菠蘿包焗至 8 成熟然後馬上進行急凍，過程中鎖住麵團水份， 每個均配上一片急凍牛油， 加熱後就可以安心喺屋企食到茶餐廳級數嘅金黃酥脆菠蘿油 森林麵包 店舖地址：牛頭角振華道 70 號樂華北村商場 111 號舖 開店日期：2020 年 8 月 18 日 營業時間：每日 6am 至 9pm

By staff5

August 12, 2020August 5, 2022