鍾意食芫茜嘅你有福啦！ 譚仔雲南米線推出咗 一系列芫茜主題美食，款款都好吸引 由於譚仔年初喺海港城分店推出嘅限定「香茜皮蛋魚湯米線配脆肉鯇」大受歡迎 今次佢哋決定將「香茜皮蛋魚湯米線配脆肉鯇」推廣至全港所有分店，等各位芫茜忠粉都可以試到！ 「香茜皮蛋魚湯」向來營養十足，譚仔更加精心挑選多款唔同鮮魚， 加上配料每日熬製3小時，非常足料 熬製出嚟嘅香濃魚湯營養價值極高，而且含豐富蛋白質，又健康又好味 食客仲可以用HK$3加配「芫茜山」同埋以HK$10加配「皮蛋海」，包你一定滿足！ 飲品方面，譚仔更推出全新「凍香茜青檸雪碧」，並可以用HK$2追加芫茜茸， 衝擊味道令人非常驚喜！ 另外亦設有「凍葡萄特飲配乳酸爆珠」可供選擇，滿足唔同食客嘅需要 譚仔由即日起至4月22日更將中環店地下化身為限定芫茜世界 大家一踏入店舖就會聞到撲鼻而來嘅芫茜香氣，好特別 除咗「香茜皮蛋魚湯米線配脆肉鯇」同埋「凍香茜青檸雪碧」之外， 仲推出咗中環店限定嘅「香茜芝士煎蛋」特色早餐系列，聽到都覺得吸引！ 譚仔更特別打造長三米多、高兩米嘅L型芫茜牆，由一盆盆的新鮮芫茜盆栽放滿整個牆壁，必定會成為打卡熱點 各位芫茜迷記得唔好錯過啦！
