終於嚟到2021年尾聲，今年氣氛俾往年更好，全港各區多處都有唔同嘅跨年倒數演唱會或者表演睇，如果你都想安靜咁同屋企人、朋友或者愛侶靜靜咁度過新一年，不如試下同你嘅摯愛上山睇日出喇！都建議大家如果睇日出帶多件衫同埋查下日出時間。 2022年日出時間係7:03分，建議大家隨時留意天文台日出時間，帶有足夠禦寒衣服同埋記住自己垃圾自己帶走。 即刻睇邊度日出最靚先！ 清水灣日出，清水灣郊野公園包括半島的東和西兩部份，兩區由於地勢崎嶇，所以都唔會見到工業及住宅區喺附近，所以大家可以睇到超靚景色同埋完美日出。 大帽山郊野公園，全港最高嘅山峰，每年除夕都係多位香港市民首選睇日出嘅地方，不過冬天氣溫亦相較低，大家嚟睇日出時候注意保暖。 獅子山郊野公園，大家半夜行上獅子山要注意安全~因為上山路徑比較崎嶇，亦都係最接近市區嘅山峰，日出時分將會與整個城市連城一線，非常壯觀。 石澳郊野公園，龍港位於港島徑第七段由大潭道落引水道至土地灣村；港島徑第八段經龍脊至大浪灣；砵甸乍山郊遊徑則由馬塘坳至歌連臣角道。各徑道沿途風景優美，可遙望赤柱、大潭、石澳和離島，更可飽覽大潭灣的山光水色。這裏早已成為附近居民晨運及市民郊遊遠足和享受大自然的好地方。 馬鞍山郊野公園，當中嘅麥理浩徑第四段及馬鞍山郊遊徑，均途經昂平高原，視野遼闊，喺呢個位置睇日出都不失為一個好地方。 薄扶林郊野公園，從爐峰自然步道俯瞰中環及九龍半島，走到盧吉道中段，大廈林立的港島心臟地帶就在腳下，亦可眺望維港兩岸的海港風光。霧春時份，步進迷霧中，又是另一番景致，絕對係睇日落好去處~ 圖片來源：漁護署
