旺角有一間手工魚麵，以本地製作嘅魚麵作主打～ 其中一款麵麵圍城相當受歡迎！ 因為除咗食到粗魚麵、飲到魚湯之外，仲有同時九款特色精緻小食添！ [instagram photo=”Bu3O9o_gEGm”][/instagram] 粗魚麵係用50%魚肉製成，口感彈牙！ 食麵嘅時候，客人可以配魚湯或者混合芝麻醬食～ 呢個奶白色嘅魚湯亦好講究，係以花膠豚骨＋魚骨熬製多個鐘頭成，相當鮮甜！ [instagram photo=”BnoK3k-BGcY”][/instagram] 先嚟前菜就已經有三款！ 柚子金菇酸中帶甜～ 梅漬車喱茄味道濃郁，至於日式芝麻醬秋葵亦相當爽脆！ [instagram photo=”Buhqf1CALqk”][/instagram] 至於冷盤有明太子醬蛋卷、醉蝦， 仲有巴那馬火腿伴哈蜜瓜，好食！ [instagram photo=”BskMgWxgQsE”][/instagram] 餘下三款係熱盤！天婦羅炸蝦大大隻，食落脆卜卜～ 紅酒牛肋條好入味！ 仲有明太子雞翼！！！惹味十足！ [instagram photo=”Bui09FBH7Dv”][/instagram] 咁豐富嘅一餐，相信一定滿足到三心兩意又鍾意食嘅你！ 下次去旺角可以過嚟試吓！ [instagram photo=”Bs2qG93nBRu”][/instagram] 麵麵 地址：旺角彌敦道726號1樓 =============== 放假去邊 更多好介紹: 快啲like我哋Facebook 同follow我哋Instagram啦!
