Open Tour
位於黃埔嘅五星級九龍海逸君綽酒店中菜廳海雲天最近就推出咗芫荽點心放題，除咗一啲經典嘅芫荽點心之外，仲特別設計出芫荽蝦春卷、脆皮爆荽和牛包、芫荽炸鯪魚球等各種「爆荽」點心！最平只需$158就可以任食90分鐘，各位芫荽控唔好錯過喇！ 多款芫荽點心。 爆荽燒賣皇、芫荽明蝦餃 ~ 芫荽炸鯪魚球、蒜香雞翼。 爆荽腸粉~ 放題除左十幾種芫荽點心之外，亦有提供約三十款經典嘅精緻點心小食，滿足唔同顧客嘅口味！ 海雲天亦首次推出小童優惠，兩位成人嚟食點心，同行嘅小朋友仲可享有半價優惠，啱晒一家人一齊嘆芫荽點心！ 海雲天芫荽點心放題 地址：九龍紅磡德豐街20號海逸君綽酒店二樓 營業時間： 90分鐘點心放題用餐時段：11:00 / 12:45 / 14:30，用餐時間入座起計90分鐘 120分鐘點心放題用餐時段：11:00 / 13:15，用餐時間入座起計120分鐘 芫荽點心放題由2021年6月1日至6月30日 預訂網址： 立即訂購
咁耐無得去韓國，大家係咪好掛住韓國嘅美食呢？ 最近黃埔「九號水產」有個期間限定嘅「韓國統營市海產節」，引入咗好多韓國優質食材，等各位海鮮迷喺香港都可以食到來自韓國嘅優質海鮮！ 「九號水產食材專賣店」所賣嘅食材都係韓國嚴挑細選、直送到港！夠晒新鮮、健康～ 而且價錢實惠，絕對可以滿足一班海鮮控！ 小編首推呢款「至瑧之味」韓國蠔肉，無論煎炒煮炸都咁好味！ 而且統營市港口周邊海水衛生程度達美國FDA標準，潔淨無污染，品質絕對有保證～ 而韓國最出名嘅醬油蟹，呢到都搵得到！原味、辣味都有，送飯一流啊～ 冬天必食滋補養顏海參粥！食完一定暖笠笠～ 呢款海鮮高湯湯包，最適合又忙又想注重健康嘅人～ 湯包放入清水中加熱至沸騰後，改中火煮5至10分鐘就食得，夠哂方便！ 仲有藍蟹/紅螯蝦/希靈魚/鯷魚/蝦米/蔬菜咁多味道畀你選擇！ 海鰻魚柳啖啖肉、又新鮮，用嚟配飯一流！大人細路都一定鍾意食～ 熟螺肉最啱用嚟做前菜/小食，啖啖韓國滋味！ 煙燻蠔罐頭味道極佳，招呼朋友一啲都唔失禮，必試！ 除咗呢啲優質食材、可以畀你買返屋企之外，其實佢哋都有餐廳㗎！ 小編當日就試咗「饒之味」居酒屋嘅兩款食物～ 必食「韓國蠔肉釜飯套餐」($178)！套餐有由蠔肉+鮮菇+鮑魚汁整成嘅釜飯、鐵板煎蠔餃子～ 釜飯極鮮甜、蠔肉肥美，仲可以加埋昆布湯一齊食！煎蠔餃子超特別，小編食完已經決定去專賣店買返包！ 仲會附送韓式梳打特飲，可以揀士多啤梨味、柚子味或者芒果味～ 而「統營磯燒套餐」($100) 絕對係海鮮迷至愛，可以一次過試勻韓國統營活蠔、韓國活鮑魚、蠔餃子！ 蠔同鮑魚真係勁新鮮！鮑魚超彈牙鮮甜，小編覺得值回票價～ 呢到賣嘅食材，好多都係喺香港市面上比較少見！所以絕對值得嚟行吓～ 如果你都想食到高質又新鮮嘅韓國海產，就快啲mark實日期時間去喇！ 《九號水產食材專賣店》 營業時間：10:00am-10:00pm 電話：2350 9208 / WhatsApp：9866 8710 地址：紅磡德豐街8號黃埔天地九期九號水產18，35-38號鋪 《饒之味》 查詢電話：2527 1916 營業時間：11:30am-9:00pm 地址：紅磡德豐街8號黃埔天地九期九號水產05號鋪 「九號水產」韓國統營市海產節 日期：2020年12月5-20日 地點：黃埔天地百合苑商場(第9期)G1-9及G17-18號舖
