Open Tour
住洞穴、地窖同沙漠不是夢!!! 呢間台中創意旅館喺3月底先正式開幕 總共33種唔同嘅特色房，集古典同創新於一身 真係一打開門就會有意想不到嘅驚喜啊～～ 裝修超靚！真係好似入咗洞穴～ [instagram photo=”Bv4hwssHHBZ”][/instagram] 仲有圓形浴缸比你浸浴！ [instagram photo=”ByZP3AbnbCW”][/instagram] 呢到每間房都成為打卡影相嘅熱點！ [instagram photo=”Bv4gwpfnB6y”][/instagram] 模擬海底洞穴房 [instagram photo=”Bw6RvdaHTEw”][/instagram] [instagram photo=”BwG24MvASx1″][/instagram] 另外仲有希臘主題套房 印咗希臘最著名嘅藍白圓頂屋喺牆 [instagram photo=”Bw7AY4_lyfz”][/instagram] 如果想住返啲另類少少嘅酒店，呢個不失為一個好選擇～～ ==================== 鳥人創意旅店 地址：台中市北屯區經貿三路二段55號
作為動漫迷，去大阪朝聖之地之一一定係環球影城！ 繼上年曾經風靡一時嘅「美少女戰士」商品， 今年同樣時間再度登場！！ 唔止有賣上年嘅人氣產品，仲會有新推出限定商品㗎～ 新品! 露娜P造型零食筒 新品! 「聖杯」飲料杯 新品! 變色變身器 上年人氣商品! 《美少女戰士》爆谷筒 新品! 超靚行李箱!!! 裡面仲係美少女戰士pattern! 新造型首飾盤! 兩色毛巾 美少女戰士造型TEE 月野兔連身裙! 化妝袋 變身器做手柄嘅遮! 仲有手機殼、公仔、髮夾同頭箍等等週邊商品 （圖片來源：日本環球影城官網） 美少女粉絲即刻去搶購啦～～～ ==================================== 「美少女戰士4-D Miracle」 售賣地點：大阪USJ 發售日期：2019年5月31日～8月25日
去日本血拼，通常都會愈買愈多～～ 作為精明消費者，有著數又點可以錯過！ 全日本驚安之殿堂/（唐吉訶德店）都用得到嘅「激安」電子優惠券終於出爐喇！ 電子優惠劵分為2種，當然買得多，減得多啦！ ========================== 買滿30,000日圓（未減稅），可享免稅10%！ 仲可以即減2,000日圓～即係86折！ ========================== 買滿10,000日圓（未減稅），可享免稅10%！ 再即減500日圓～即係87折！ ========================== 使用以上優惠劵嘅方法相當簡單～～ 只要喺手機上打開優惠券頁面，向收銀員出示指定電子優惠劵～ 由收銀員掃描你手機上嘅 bar code 並按下確認按鈕，咁你就可以享有折扣優惠！ 超方便，全個過程唔洗print出嚟就用到！ 而且驚安嘅殿堂店內亦提供咗免費wifi～～ 唔洗擔心到時因為上唔到網而用唔到優惠劵！ 喺使用以上電子優惠劵之前，有幾點要注意嘅： 每人只可以使用電子優惠劵一次 截圖嘅優惠券係用唔到嘅 煙酒類產品以POSA卡結帳亦享用唔到以上優惠 以上電子優惠劵唔可以同其他優惠同時使用 只有外國遊客先可以使用以上優惠 結帳之後就可以去免稅櫃枱辦理埋退稅手續～記得攞齊商品、收據、護照！ 有好嘢點可以唔開心share？快啲send條link話俾親朋戚友知啦～ → 電子優惠券網址：按此 日本驚安之殿堂（唐吉訶德店）分店地址：按此 =============== 放假去邊 更多好介紹: 快啲like我哋Facebook 同follow我哋Instagram啦!
唔經唔覺已經踏入2019年2月，亦意味著情人節就快到喇！ 身邊朋友成雙成對咁，單身貴族係咪好羨慕呢？ 想脫離單身行列？一於睇吓自己星座喺2019年嘅桃花指數有幾高先啦！ 第12名：處女座 (23/8-22/9) ——— 30% 處女座向來眼角高，雖然2019年會有唔少人追求，但你亦好清楚自己鍾意邊類型嘅人，所以就算有對象都會猶豫，甚至好大機會選擇堅持等待。 第11名：水瓶座 (20/1-19/2) ——— 50% 水瓶座今年積極參加各種團體活動，容易認識新朋友。雖然桃花運唔錯，但因為水瓶座好重視感覺，所以未必會願意開始一場戀愛！ 第10名：摩羯座 (22/12-19/1) ——— 55% 摩羯座缺乏主動，而且今年你對於脫單並無太大期望，反而你會想花更多心思喺工作上，獲得成就感同埋財富！ 第9名：天蠍座 (23/10-21/11) ——— 60% 2019年雖然天蠍座對於愛情並唔係特別強求，但仍然有機會遇到一個同自己相處得好好嘅人。不過，對方可能雖然一啲時間去處理生活上嘅問題，建議你唔好過度干涉，咁對大家都好！ 第8名：雙魚座 (20/2-20/3) ——— 65% 向來追求浪漫嘅雙魚座，今年桃花運幾旺，身邊嘅長輩亦會幫手牽線，所以你好可能會遇到理想對象！ 第7名：天秤座 (24/9-23/10) ——— 70% 天秤座雖然成日話寧缺勿濫，但其實內心係想有人陪嘅！2019年你將會遇到一個人，自自然然由朋友進一步發展成戀人，一齊度過戀愛嘅甜蜜時光！ 第6名：金牛座 (21/4-20/5) ——— 77% 金牛座今年桃花機會一樣多，有機會通過工作、聚會場合等，遇到同自己性格、收入、地域、年齡差異大嘅對象，亦會有可能閃戀、閃婚添！ 第5名：巨蟹座 (22/6-22/7) ——— 80% 巨蟹座朋友一向不乏戀愛機會，今年你會遇到一個經常同你接觸嘅對象！10至11月仲係桃花高峰期，想脫單就要把握機會喇！ 第4名：雙子座 (21/5~21/6) ——— 85% 今年雙子座桃花相當多，而且有機會遇到一個唔錯嘅對象，佢仲會陪你度過未來人生添！ 第3名：白羊座 (21/3~20/4) ——— 90% 白羊座本來人緣已經唔錯，2019年桃花運更加旺！今年你有機會發展異地戀，嚟自唔同文化嘅物件都會引起愛火，要把握機會喇！ 第2名：射手座(22/11~21/12) ——— […]
唔經唔覺又到咗2019年喇！ 今年十二星座喺工作、愛情、金錢、健康方面都有唔同嘅轉變， 想知邊個星座最幸運？即刻睇吓啦！ ======================================== 白羊座 (21/3-20/4) 2019年白羊座經歷生活上嘅變動，但會有好幾個貴人相助，所以唔洗擔心！ 另外白羊座今年亦需要更大嘅消費，建議要嘗試尋找增加收入來源嘅方法，否則有機會入不敷支～ 金牛座 (21/4-20/5) 金牛座今年喺事業上會有所突破，你將會得到老闆嘅重用～ 而對於從事貿易或國外相關生意嘅金牛座，更加會為你帶嚟巨大嘅財富添！ 至於人脈上，金牛座今年會結識好多志同道合嘅朋友，相信會喺2019年金牛座最大嘅變化！ 雙子座 (21/5-21/6) 雙子座今年耐性唔多，未必願意默默耕耘去做一件事，建議將目標訂為短期而非長期～事業上會面對唔少挑戰，但如果想轉工嘅話，工作機會一樣多，建議選擇比較容易上手嘅工作～ 至於感情方面，今年雙子座需要更多情感支援，有伴者有機會喺今年步向結婚添！ 巨蟹座 (22/6-22/7) 巨蟹座今年運勢平平，起伏波動大！ 職場上要同競爭對手較量，但表現強差人意，情緒較易鬱悶，甚至想封閉自己～ 今年亦有機會面對人際關係上嘅轉變，但唔好太過傷心，有需要不妨搵朋友傾吓！ 獅子座 (23/7-22/8) 今年需要面對重大抉擇，要小心作出決定，因為每一步都會對未來造成重大影響！另外，充滿活力嘅獅子座今年會積極參與社交活動，愛情機會亦相當多咗，但小心爛桃花嘅出現啊～ 處女座 (23/8-22/9) 處女座今年雖然欠缺愛情機會，但係多咗時間俾自己學習、進修，增廣見識！ 另外，今年可能需要改變舊有思維，學習以新角度去思考～ 至於健康方面，只要能夠保持健康嘅生活習慣，咁患病嘅機會就會大大減少！ 天秤座 (23/9-22/10) 天秤座今年會面對外來嘅變化，好運嘅來源主要係因為同朋友合作做生意，令賺錢機會多咗！但要注意，咁會容易引發財產方面嘅糾紛，建議萬事最好親力親為！至於健康方面，天秤座要注意身體，有機會舊病復發～ 天蠍座 (23/10-21/11) 天蠍座今年嘅運勢幾好，基本上事情都可以如願以償～ 職場上有機會遇到女貴人，因而得到賞識或晉升機會！ 愛情方面今年需要投入更多關懷同付出，4月至6月會係你嘅桃花月，有機會開始新戀情或者令感情升溫！ 射手座 (22/11-21/12) 射手座今年會面對好多發展機會，特別係4至8月要更加謹慎面對～ 感情上亦會踏入新嘅人生階段，可能係娶妻、嫁人、為人父母…為你嘅生活注入新活力！ 摩羯座 (22/12-19/1) 無論係財富上，還是工作上都幾順利！ 雖然有機會面對到小難題，但只要保持理智作出解決方法，相信就可以迎刃而解，有需要亦可以向有經驗嘅朋友或長輩請教～建議呢一年盡量保持低調，避免遭惹小人糾纏～ 水瓶座 (20/1-19/2) 今年可以將2018年不利因素轉為明朗，之前訂下嘅目標有機會實現！ 水瓶座會同老朋友聚會，亦會主動接觸更多新朋友，社交圈子自然擴大～ 今年亦有機會需要大額開銷，導致難以收支平衡，建議盡早訂下儲蓄目標～ 雙魚座 (20/2-20/3) 今年雖然會面對變數，但整體運勢仍然係相當強！ 今年雙魚座將會充滿信心同智慧，喺職場上亦可以好好表現出自己嘅才能～ […]
