咁耐無去日本旅行，大家係咪都好掛住日本啲甜品？ 為咗滿足大家嘅思「鄉」之情，7-Eleven自家品牌 7-SELECT 為大家帶嚟日本直送甜品 用咗OREO經典曲奇做靈感，配上北海道牛奶製成曲奇忌廉，製成三款唔同甜品，6月24日就開始有得賣啦 7-Eleven 自家品牌 7-SELECT 日本甜品系列採用日本北海道牛奶，奶味香濃，好正 瑞士卷一向都係香港人至愛，呢款7-SELECT x OREO 曲奇忌廉瑞士卷（$15）加入咗北海道牛奶忌廉， 忌廉入面仲有粒粒 OREO 曲奇碎，好食又飽肚！ 小編大力推薦呢款7-SELECT x OREO 曲奇忌廉泡芙（$15），泡芙外皮都加入咗OREO口味， 泡芙入面有爆多曲奇忌廉，口感好豐富，泡芙控一定鍾意！ 上面介紹嘅瑞士卷同泡芙都係一直以來嘅人氣產品，為咗帶更多新驚喜俾大家， 佢哋仲推出咗7-SELECT x OREO 曲奇忌廉盆栽甜品杯 （$15）， 兩層嘅甜品杯用咗 OREO 曲奇同北海道牛奶忌廉製成 底層係曲奇忌廉，加埋頂層嘅OREO 曲奇碎，口感好豐富！ 除咗以上三款OREO曲奇聯乘系列甜品，7-SELECT仲有其他日本直送嘅甜品俾大家選擇 依家任何時候去7-Eleven買7-SELECT甜品，只需要加$8就可以加配7Café熱即磨咖啡一杯， 加$10加配7Café涷即磨咖啡一杯，又有得食又有得飲，正！
